https://sputnik-georgia.com/20241027/saertashoriso-misiam-archevnebi-sheapasa-290611954.html
ეუთოს, ევროსაბჭოს, ევროკავშირისა და ნატოს მისიამ საპარლამენტო არჩევნები შეაფასა
ეუთოს, ევროსაბჭოს, ევროკავშირისა და ნატოს მისიამ საპარლამენტო არჩევნები შეაფასა
Sputnik საქართველო
კენჭისყრის დღეს იყო დაძაბული გარემო და მუქარის მრავალი შემთხვევა, დაირღვა ხმის მიცემის ფარულობა, ნათქვამია დასკვნაში. 27.10.2024-ს, Sputnik საქართველო
2024-10-27T16:28+0400
2024-10-27T16:28+0400
2024-10-27T16:56+0400
საქართველო
საპარლამენტო არჩევნები საქართველოში
პოლიტიკა საქართველოში
საქართველო - ეუთო
ეუთო/ოდირი
სადამკვირვებლო მისიები
ახალი ამბები
https://cdnn1.img.sputnik-georgia.com/img/24732/13/247321392_0:0:3072:1728_1920x0_80_0_0_810f02618dbd262aaf9487eed495020a.jpg
თბილისი, 27 ოქტომბერი — Sputnik. საქართველოს საპარლამენტო არჩევნების პროცედურა იყო კარგად ორგანიზებული, იყო დიდი არჩევანი თუ ვისთვის მიეცათ ხმა და ბევრი საერთაშორისო დამკვირვებელი, მაგრამ ამავე დროს იყო ზეწოლა საჯარო მოხელეებსა და ამომრჩეველზე და გაჩნდა ეჭვები საარჩევნო ადმინისტრაციის მიუკერძოებლობასთან დაკავშირებით, განაცხადა ეუთოს საპარლამენტო ასამბლეის წარმომადგენელმა პასკალ ალიზარდმა ერთობლივი საერთაშორისო მისიის შედეგების შეჯამებისას.ცესკოს ვებგვერდზე გამოქვეყნებული 3 100 (99.646%) საარჩევნო უბნის შედეგების თანახმად, მმართველმა პარტიამ ამომრჩეველთა ხმების 54% მიიღო. ჯერ კიდევ ღამით, როცა საარჩევნო უბნების მხოლოდ 2/3-ის მონაცემები იყო გამოქვეყნებული, პარლამენტში შესული ოთხი ოპოზიციური სუბიექტიდან სამმა უარი განაცხადა კენჭისყრის შედეგების აღიარებაზე. მათმა მხარდამჭერმა არასამთავრობო ორგანიზაციებმა არჩევნების გაყალბების კომპლექსურ სქემაზე განაცხადეს.ერთობლივ სადამკვირვებლო მისია დაკომპლექტებულია 42 ქვეყნიდან 510 დამკვირვებლით, რომლებიც არჩევნების დღეს, 26 ოქტომბერს მთელი ქვეყნის მასშტაბით საარჩევნო უბნებზე იყვნენ გადანაწილებული.ერთობლივი მისიის შემადგენლობაშია: ეუთო/ოდირის 380 დამკვირვებელი და ექსპერტი, ეუთოს საპარლამენტო ასამბლეიდან - 61, ევროპული საბჭოს საპარლამენტო ასამბლეიდან -39, ნატოს საპარლამენტო ასამბლეიდან -38 და ევროპარლამენტიდან -12.დასკვნა მოიცავს როგორც თავად ხმის მიცემის პროცესის, ისე წინასაარჩევნო პერიოდის შეფასებას.საერთაშორისო მისიი დასკვნაეუთოს სპეციალურმა კოორდინატორმა პასკალ ალიზარდმა განაცხადა, რომ საქართველოში საერთაშორისო დამკვირვებლების სიმრავლე ადასტურებს საერთაშორისო საზოგადოების მხრიდან საქართველოსა და ქართველი ხალხის დიდ მხარდაჭერას.ერთობლივი საერთაშორისო სადამკვირვებლო მისიის დასკვნის მიხედვით, საპარლამენტო არჩევნები პროცედურული თვალსაზრისით, მთლიანობაში კარგად იყო ორგანიზებული. წინასაარჩევნო პერიოდში კი ცენტრალურმა საარჩევნო კომისიამ კარგი მუშაობა ჩაატარა არჩევნებზე ახალი ტექნოლოგიების შესახებ ამომრჩევლის ინფორმირების კუთხით.ამასთან, საქართველოში ამომრჩეველს დიდი არჩევანი ჰქონდა - პარლამენტში ადგილებისთვის 18 პოლიტიკური სუბიექტი იბრძოდა. გარდა ამისა, იყო ბევრი დამკვირვებელი პარტიებიდან.გარდა ამისა, კანდიდატებს, ზოგადად, მიეცათ საშუალება თავისუფლად ეწარმოებინათ წინასაარჩევნო კამპანია. წინასაარჩევნო გარემოს თან ახლდა პოლარიზაცია. საარჩევნო კონკურენტების რიტორიკამ საზოგადოებაში განხეთქილება გამოიწვია.პოლარიზაცია აისახა მედიაგარემოში, რადგან მედია გამოიყენებოდა პოლიტიკური მიზნებისთვის. ამასთან, მხარეებმა დებატებზე უარი განაცხადეს. ყოველივე ამან გაზარდა დაძაბულობა და ხელი შეუშალა ამომრჩეველს გააზრებული არჩევანის გაკეთებაში.საერთაშორისო მისიამ მთლიანობაში დადებითად შეაფასა კანონმდებლობა, თუმცა არჩევნებამდე ცოტა ხნით ადრე საარჩევნო კოდექსში მიღებულმა ცვლილებებმა მიკერძოებულობის ეჭვი გააჩინა.ალიზარდმა ასევე აღნიშნა მოწინააღმდეგეებს შორის ფინანსური რესურსის კუთხით მნიშვნელოვანი დისბალანსი. მან მმართველი პარტია „ქართული ოცნების“ უპირატესობებზე მიუთითა. ამან, მისი თქმით, „მოქმედებებისთვის არათანაბარი გარემო შექმნა".ამავე დროს, ალიზარდმა განაცხადა, რომ წინასაარჩევნო კამპანიის აქტიურ ფაზაში ადგილი ჰქონდა საჯარო მოხელეებსა და ამომრჩევლებზე ზეწოლის ფაქტებს.კენჭისყრის დღეს იყო დაძაბული გარემო და მუქარის მრავალი შემთხვევა, დაირღვა ხმის მიცემის ფარულობა.მან იმედი გამოთქვა, რომ არჩევნებში გამარჯვებულები გაუმკლავდებიან გამოწვევებს და საქართველოს ევროკავშირის გზაზე წაიყვანენ.დასასრულს, ალიზარდმა მადლობა გადაუხადა საქართველოს ხელისუფლებას საერთაშორისო მისიის მონიტორინგის განხორციელებაში მხარდაჭერისთვის და ხალხს თბილი მიღებისთვის.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საპარლამენტო არჩევნები საქართველოში, პოლიტიკა საქართველოში, საქართველო - ეუთო, ეუთო/ოდირი, სადამკვირვებლო მისიები, ახალი ამბები
საქართველო, საპარლამენტო არჩევნები საქართველოში, პოლიტიკა საქართველოში, საქართველო - ეუთო, ეუთო/ოდირი, სადამკვირვებლო მისიები, ახალი ამბები
ეუთოს, ევროსაბჭოს, ევროკავშირისა და ნატოს მისიამ საპარლამენტო არჩევნები შეაფასა
16:28 27.10.2024 (განახლებულია: 16:56 27.10.2024) კენჭისყრის დღეს იყო დაძაბული გარემო და მუქარის მრავალი შემთხვევა, დაირღვა ხმის მიცემის ფარულობა, ნათქვამია დასკვნაში.
თბილისი, 27 ოქტომბერი — Sputnik. საქართველოს საპარლამენტო არჩევნების პროცედურა იყო კარგად ორგანიზებული, იყო დიდი არჩევანი თუ ვისთვის მიეცათ ხმა და ბევრი საერთაშორისო დამკვირვებელი, მაგრამ ამავე დროს იყო ზეწოლა საჯარო მოხელეებსა და ამომრჩეველზე და გაჩნდა ეჭვები საარჩევნო ადმინისტრაციის მიუკერძოებლობასთან დაკავშირებით, განაცხადა ეუთოს საპარლამენტო ასამბლეის წარმომადგენელმა პასკალ ალიზარდმა ერთობლივი საერთაშორისო მისიის შედეგების შეჯამებისას.
ცესკოს ვებგვერდზე გამოქვეყნებული 3 100 (99.646%) საარჩევნო უბნის შედეგების თანახმად, მმართველმა პარტიამ ამომრჩეველთა ხმების 54% მიიღო. ჯერ კიდევ ღამით, როცა საარჩევნო უბნების მხოლოდ 2/3-ის მონაცემები იყო გამოქვეყნებული, პარლამენტში შესული ოთხი ოპოზიციური სუბიექტიდან სამმა უარი განაცხადა კენჭისყრის შედეგების აღიარებაზე. მათმა მხარდამჭერმა არასამთავრობო ორგანიზაციებმა არჩევნების გაყალბების კომპლექსურ სქემაზე განაცხადეს.
ერთობლივ სადამკვირვებლო მისია დაკომპლექტებულია 42 ქვეყნიდან 510 დამკვირვებლით, რომლებიც არჩევნების დღეს, 26 ოქტომბერს მთელი ქვეყნის მასშტაბით საარჩევნო უბნებზე იყვნენ გადანაწილებული.
ერთობლივი მისიის შემადგენლობაშია: ეუთო/ოდირის 380 დამკვირვებელი და ექსპერტი, ეუთოს საპარლამენტო ასამბლეიდან - 61, ევროპული საბჭოს საპარლამენტო ასამბლეიდან -39, ნატოს საპარლამენტო ასამბლეიდან -38 და ევროპარლამენტიდან -12.
დასკვნა მოიცავს როგორც თავად ხმის მიცემის პროცესის, ისე წინასაარჩევნო პერიოდის შეფასებას.
საერთაშორისო მისიი დასკვნა
ეუთოს სპეციალურმა კოორდინატორმა პასკალ ალიზარდმა განაცხადა, რომ საქართველოში საერთაშორისო დამკვირვებლების სიმრავლე ადასტურებს საერთაშორისო საზოგადოების მხრიდან საქართველოსა და ქართველი ხალხის დიდ მხარდაჭერას.
ერთობლივი საერთაშორისო სადამკვირვებლო მისიის დასკვნის მიხედვით, საპარლამენტო არჩევნები პროცედურული თვალსაზრისით, მთლიანობაში კარგად იყო ორგანიზებული. წინასაარჩევნო პერიოდში კი ცენტრალურმა საარჩევნო კომისიამ კარგი მუშაობა ჩაატარა არჩევნებზე ახალი ტექნოლოგიების შესახებ ამომრჩევლის ინფორმირების კუთხით.
ამასთან, საქართველოში ამომრჩეველს დიდი არჩევანი ჰქონდა - პარლამენტში ადგილებისთვის 18 პოლიტიკური სუბიექტი იბრძოდა. გარდა ამისა, იყო ბევრი დამკვირვებელი პარტიებიდან.
„ეს იმის ნიშანია, რომ სისტემა იზრდება და ვითარდება, დემოკრატია კი განვითარების პროცესშია“, - განაცხადა ალიზარდმა.
გარდა ამისა, კანდიდატებს, ზოგადად, მიეცათ საშუალება თავისუფლად ეწარმოებინათ წინასაარჩევნო კამპანია.
წინასაარჩევნო გარემოს თან ახლდა პოლარიზაცია. საარჩევნო კონკურენტების რიტორიკამ საზოგადოებაში განხეთქილება გამოიწვია.
პოლარიზაცია აისახა მედიაგარემოში, რადგან მედია გამოიყენებოდა პოლიტიკური მიზნებისთვის. ამასთან, მხარეებმა დებატებზე უარი განაცხადეს. ყოველივე ამან გაზარდა დაძაბულობა და ხელი შეუშალა ამომრჩეველს გააზრებული არჩევანის გაკეთებაში.
საერთაშორისო მისიამ მთლიანობაში დადებითად შეაფასა კანონმდებლობა, თუმცა არჩევნებამდე ცოტა ხნით ადრე საარჩევნო კოდექსში მიღებულმა ცვლილებებმა მიკერძოებულობის ეჭვი გააჩინა.
ალიზარდმა ასევე აღნიშნა მოწინააღმდეგეებს შორის ფინანსური რესურსის კუთხით მნიშვნელოვანი დისბალანსი. მან მმართველი პარტია „ქართული ოცნების“ უპირატესობებზე მიუთითა. ამან, მისი თქმით, „მოქმედებებისთვის არათანაბარი გარემო შექმნა".
ამავე დროს, ალიზარდმა განაცხადა, რომ წინასაარჩევნო კამპანიის აქტიურ ფაზაში ადგილი ჰქონდა საჯარო მოხელეებსა და ამომრჩევლებზე ზეწოლის ფაქტებს.
კენჭისყრის დღეს იყო დაძაბული გარემო და მუქარის მრავალი შემთხვევა, დაირღვა ხმის მიცემის ფარულობა.
მან იმედი გამოთქვა, რომ არჩევნებში გამარჯვებულები გაუმკლავდებიან გამოწვევებს და საქართველოს ევროკავშირის გზაზე წაიყვანენ.
„მინდა, გულწრფელი იმედი გამოვხატო, რომ გუშინ არჩეული ხელმძღვანელობა ეფექტურად გაუმკლავდება ძირითად გამოწვევებს, რომლებიც ამ ქვეყნის წინაშე დგას და იმედი გვაქვს, რომ საქართველოს უფრო ახლოს მიიყვანენ იმ მიზნებთან, რაც უკავშირდება ევროკავშირში გაწევრიანებას", - განაცხადა ალიზარდმა.
დასასრულს, ალიზარდმა მადლობა გადაუხადა საქართველოს ხელისუფლებას საერთაშორისო მისიის მონიტორინგის განხორციელებაში მხარდაჭერისთვის და ხალხს თბილი მიღებისთვის.
