პარტიების შანსები არჩევნებზე – უახლესი რეიტინგები
22:25 14.10.2024 (განახლებულია: 23:26 15.10.2024)
© photo: Sputnik / Stringer
გამოწერა
თბილისი, 14 ოქტომბერი – Sputnik. საქართველოში საპარლამენტო არჩევნების წინ ყველა საზოგადოებრივი აზრის კვლევის უდავო ლიდერად სამი კოალიცია ჩამოყალიბდა.
ოქტომბრის პირველ ნახევარში ჩატარებული წინასაარჩევნო გამოკითხვის შედეგები გამოაქვეყნა სამმა ტელევიზიამ: ხელისუფლებისადმი ლოიალურმა ტელეკომპანია „იმედმა“ და ორმა ოპოზიციურმა ტელეკომპანია „ფორმულამ“ და „მთავარმა არხმა“, რომლებიც კვლევების დამკვეთები არიან.
საპარლამენტო არჩევნები, რომელიც განსაზღვრავს, ვინ მართავს ქვეყანას მომდევნო ოთხი წლის განმავლობაში, 26 ოქტომბერს არის დაგეგმილი.
საქართველოში საპარლამენტო არჩევნები 26 ოქტომბერს არის დანიშნული. პირველად არჩევნები ჩატარდება მხოლოდ პროპორციული სისტემით (პარტიული სიებით) და ელექტრონული ტექნოლოგიების - ვერიფიკაციის და ხმების დათვლის აპარატების გამოყენებით.
ამ არჩევნებში ბლოკები ვერ მიიღებენ მონაწილეობას, ამიტომ ოპოზიციური კოალიციების წამყვანმა პარტიებმა სახელები გადაირქვეს და თავიანთ პარტიულ სიებში გაერთიანების პარტნიორები ჩაწერეს.
უმსხვილეს ოპოზიციურ პარტია "ერთიან ნაციონალურ მოძრაობას" ახლა ჰქვია „ერთობა - ნაციონალური მოძრაობა", პარტიას „ლელო საქართველოსთვის" – „ძლიერი საქართველო - ლელო, ხალხისთვის, თავისუფლებისთვის", ხოლო პარტია „ახალს" – „კოალიცია ცვლილებისთვის - გვარამია, მელია, გირჩი, დროა“.
მიუხედავად იმისა, რომ მმართველი პარტია „ქართული ოცნება - დემოკრატიული საქართველო“ არჩევნებში მონაწილეობს კოალიციაში „ხალხის ძალასთან“, რომელიც მისმა ყოფილმა დეპუტატებმა შექმნეს, მან ძველი სახელი შეინარჩუნა.
მთავარი კონკურენტების რეიტინგი
მოსახლეობის გამოკითხვა ყველა შემთხვევაში პირდაპირი ინტერვიუს გზით სექტემბრის მეორე ნახევარში - ოქტომბრის დასაწყისში ტარდება.
"ფორმულას" რეიტინგი
5%-იანი ბარიერის გადალახვას და პარლამენტში მოხვედრას ხუთი საარჩევნო სუბიექტი შეძლებს, ნათქვამია Formula-ს დაკვეთით ჩატარებულ და 5 ოქტომბერს გამოქვეყნებულ კვლევაში.
„ქართული ოცნება“ („ქართული ოცნება“, „ხალხის ძალა“) - 33%;
„ერთობა - ეროვნული მოძრაობაა“ („ერთიანი ნაციონალური მოძრაობა“, „სტრატეგია აღმაშენებელი“, „ევროპული საქართველო“) - 19%;
„კოალიცია ცვლილებისთვის" („ახალი", 1გირჩი - მეტი თავისუფლება", 1დროა") - 13%.
„ძლიერი საქართველო“ („ლელო საქართველოსთვის“, „ხალხისთვის“, „თავისუფლების მოედანი“, „მოქალაქეები“) - 12%;
„საქართველოსთვის“ – 11%.
გამოკითხვა 17-29 სექტემბერს ჩატარდა და მასში ხმის უფლების მქონე 1,2 ათასმა ადამიანმა მიიღო მონაწილეობა.
„იმედის“ რეიტინგი
8 ოქტომბერს გამოქვეყნდა ტელეკომპანია „იმედის“ დაკვეთით ჩატარებული საზოგადოებრივი აზრის კვლევა. ამ შემთხვევაში პარლამენტში შესვლის შანსი მხოლოდ სამ საარჩევნო სუბიექტს აქვს:
„ქართული ოცნება“ („ქართული ოცნება“, „ხალხის ძალა“) - 59,5%;
„ერთობა - ეროვნული მოძრაობაა“ („ერთიანი ნაციონალური მოძრაობა“, „სტრატეგია აღმაშენებელი“, „ევროპული საქართველო“) - 13,6%;
„კოალიცია ცვლილებისთვის“ („ახალი“, „გირჩი - მეტი თავისუფლება“, „დროა“) - 10,3%.
გამოკითხვა 18-30 სექტემბერს ჩატარდა. გამოკითხული იქნა 1,7 ათასი ამომრჩეველი.
„მთავარი არხის“ რეიტინგი
ბოლო კვლევა ამ დროისთვის უკვე ოპოზიციონერი პოლიტიკოსის, პარტია „ახალის“ ერთ-ერთი ლიდერის, ნიკა გვარამიას მიერ დაფუძნებული ტელეკომპანია „მთავარი არხის“ დაკვეთით ჩატარდა. საზოგადოებრივი აზრის კვლევა 11 ოქტომბერს გამოქვეყნდა.
„ქართული ოცნება“ („ქართული ოცნება“, „ხალხის ძალა“) - 36%;
„კოალიცია ცვლილებისთვის“ („ახალი“, „გირჩი - მეტი თავისუფლება“, „დროა“) - 18%;
„ერთობა - ეროვნული მოძრაობაა“ („ერთიანი ნაციონალური მოძრაობა“, „აღმაშენებლის სტრატეგია“, „ევროპული საქართველო“) - 14%;
„საქართველოსთვის“ – 10%;
„ძლიერი საქართველო“ („ლელო საქართველოსთვის“, „ხალხისთვის“, „თავისუფლების მოედანი“, „მოქალაქეები“) - 8%.
29 სექტემბრიდან 8 ოქტომბრის ჩათვლით ხმის უფლების მქონე 1561 მოქალაქე გამოიკითხა.
