https://sputnik-georgia.com/20241009/ioane-zosimes-xelnaweri-saqartveloshi-290265132.html
იოანე ზოსიმეს ხელნაწერი საქართველოშია
იოანე ზოსიმეს ხელნაწერი საქართველოშია
Sputnik საქართველო
ხელნაწერი საქართველოს ბიძინა ივანიშვილმა და მისმა ოჯახმა აჩუქა 09.10.2024-ს, Sputnik საქართველო
2024-10-09T10:17+0400
2024-10-09T10:17+0400
2024-10-09T10:17+0400
საქართველო
კულტურა საქართველოში
საზოგადოება
ახალი ამბები
https://cdnn1.img.sputnik-georgia.com/img/07e8/06/0b/288362314_0:44:850:522_1920x0_80_0_0_e49d0266fe1337a13c12e67bef1fe7dd.jpg
თბილისი, 9 ოქტომბერი — Sputnik. დღეს იოანე ზოსიმეს ხელნაწერი საქართველოში ჩამოიტანეს, იუწყება ტელეკომპანია „რუსთავი 2".მიმდინარე წლის 11 ივნისს მმართველი პარტია „ქართული ოცნება-დემოკრატიული საქართველოს" საპატიო თავმჯდომარე ბიძინა ივანიშვილმა „კრისტის“ აუქციონზე იოანე ზოსიმეს უნიკალური ხელნაწერი წიგნი 1 მლნ ფუნტ სტერლინგად შეიძინა და საქართველოს ეროვნული მუზეუმის ოქროს ფონდს საჩუქრად გადასცა.ქართული ხელნაწერი სინას მთის კოლექციიდან (V-VII საუკუნეები) ქრისტიანულ-პალესტინურ, არამეულ და ქართულ ენებზეა შესრულებული. ტექსტის ნაწილი ბერი იოანე-ზოსიმეს მიერაა გადაწერილი 979 წელს და მისი ფასი 1 მლნ – 1,5 მლნ გირვანქა სტერლინგი იყო. ხელნაწერები ფრანგი კოლექციონერისა და ბიბლიოფილის მარტინ შოიენის სახელგანთქმული კოლექციიდანაა.წარმოდგენილი წიგნი ქრისტიანული პალესტინის არამეულის ერთ-ერთი ყველაზე მნიშვნელოვანი ფრაგმენტია, რომელიც ოდესმე აუქციონზე გამოსულა. დასავლური არამეული დიალექტი, რომელსაც მელქის ქრისტიანული საზოგადოება იყენებდა პალესტინასა და ტრანსიორდანიაში მე-5 და მე-13 საუკუნეებში, შემონახულია მხოლოდ რამდენიმე წარწერაში, პალიმფსესტსა და ხელნაწერში.პალიმფსესტი გადაწერილია ცნობილი კალიგრაფის, ავტორის, მთარგმნელისა და წიგნის შემკვრელის ბერი იოანე ზოსიმეს მიერ (გარდაიცვალა 987 წელს). იგი დაწერილია ქართული ტექსტით და შემორჩენილია მე-10 საუკუნის სინას წმინდა ეკატერინეს მონასტერში.ბერი იოანე ზოსიმე მეათე საუკუნეში სინას მთაზე ცნობილი კალიგრაფი, ავტორი, მთარგმნელი და წიგნის შემკვრელი იყო. მისი ხელით დაწერილი, ხელმოწერილი, დათარიღებული და აკინძული წიგნი მე-10 საუკუნის სინას წმინდა ეკატერინეს მონასტრიდან შემორჩენილი ამ სახის ყველაზე ადრეული ნიმუშია.შეგახსენებთ, რომ 2015 წელს ივანიშვილმა საქართველოს ხელოვნების სახელმწიფო მუზეუმს საჩუქრად გადასცა გამოჩენილი მხატვრის ნიკო ფიროსმანის ნახატი „არსენალის მთა ღამით“, რომელიც მან ლონდონის აუქციონზე შეიძინა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, კულტურა საქართველოში, საზოგადოება, ახალი ამბები
საქართველო, კულტურა საქართველოში, საზოგადოება, ახალი ამბები
იოანე ზოსიმეს ხელნაწერი საქართველოშია
ხელნაწერი საქართველოს ბიძინა ივანიშვილმა და მისმა ოჯახმა აჩუქა
თბილისი, 9 ოქტომბერი — Sputnik. დღეს იოანე ზოსიმეს ხელნაწერი საქართველოში ჩამოიტანეს, იუწყება ტელეკომპანია „რუსთავი 2".
მიმდინარე წლის 11 ივნისს მმართველი პარტია „ქართული ოცნება-დემოკრატიული საქართველოს" საპატიო თავმჯდომარე ბიძინა ივანიშვილმა „კრისტის“ აუქციონზე იოანე ზოსიმეს უნიკალური ხელნაწერი წიგნი 1 მლნ ფუნტ სტერლინგად შეიძინა და საქართველოს ეროვნული მუზეუმის ოქროს ფონდს საჩუქრად გადასცა.
ქართული ხელნაწერი სინას მთის კოლექციიდან (V-VII საუკუნეები) ქრისტიანულ-პალესტინურ, არამეულ და ქართულ ენებზეა შესრულებული. ტექსტის ნაწილი ბერი იოანე-ზოსიმეს მიერაა გადაწერილი 979 წელს და მისი ფასი 1 მლნ – 1,5 მლნ გირვანქა სტერლინგი იყო. ხელნაწერები ფრანგი კოლექციონერისა და ბიბლიოფილის მარტინ შოიენის სახელგანთქმული კოლექციიდანაა.
წარმოდგენილი წიგნი ქრისტიანული პალესტინის არამეულის ერთ-ერთი ყველაზე მნიშვნელოვანი ფრაგმენტია, რომელიც ოდესმე აუქციონზე გამოსულა. დასავლური არამეული დიალექტი, რომელსაც მელქის ქრისტიანული საზოგადოება იყენებდა პალესტინასა და ტრანსიორდანიაში მე-5 და მე-13 საუკუნეებში, შემონახულია მხოლოდ რამდენიმე წარწერაში, პალიმფსესტსა და ხელნაწერში.
დასავლურ-არამეულ დიალექტს მელქის ქრისტიანული საზოგადოება პალესტინასა და ტრანსიორდანიაში V-XIII საუკუნეებში იყენებდა. ის შემონახულია მხოლოდ რამდენიმე წარწერაში, პალიმფსესტსა (ხელნაწერი, რომლის ფურცლები გადარეცხვის შემდეგ ხელახლა არის გამოყენებული საწერ მასალად) და ხელნაწერში. ხელნაწერი შეიცავს სახარებების ყველაზე ადრეულ ტექსტებს არამეულის უახლოეს დიალექტზე – იესოს დიალექტზე.
პალიმფსესტი გადაწერილია ცნობილი კალიგრაფის, ავტორის, მთარგმნელისა და წიგნის შემკვრელის ბერი იოანე ზოსიმეს მიერ (გარდაიცვალა 987 წელს). იგი დაწერილია ქართული ტექსტით და შემორჩენილია მე-10 საუკუნის სინას წმინდა ეკატერინეს მონასტერში.
ბერი იოანე ზოსიმე მეათე საუკუნეში სინას მთაზე ცნობილი კალიგრაფი, ავტორი, მთარგმნელი და წიგნის შემკვრელი იყო. მისი ხელით დაწერილი, ხელმოწერილი, დათარიღებული და აკინძული წიგნი მე-10 საუკუნის სინას წმინდა ეკატერინეს მონასტრიდან შემორჩენილი ამ სახის ყველაზე ადრეული ნიმუშია.
შეგახსენებთ, რომ 2015 წელს ივანიშვილმა საქართველოს ხელოვნების სახელმწიფო მუზეუმს საჩუქრად გადასცა გამოჩენილი მხატვრის ნიკო ფიროსმანის ნახატი „არსენალის მთა ღამით“, რომელიც მან ლონდონის აუქციონზე შეიძინა.
