https://sputnik-georgia.com/20240930/kaladzem-prezidents-tagliti-uwoda-290119227.html
კალაძემ საქართველოს პრეზიდენტს თაღლითი უწოდა
კალაძემ საქართველოს პრეზიდენტს თაღლითი უწოდა
Sputnik საქართველო
საქართველოს კონსტიტუციის თანახმად, ზურაბიშვილს საგარეო ვიზიტები და ოფიციალური შეხვედრები მხოლოდ მთავრობის თანხმობით შეუძლია განახორციელოს. 30.09.2024-ს, Sputnik საქართველო
2024-09-30T14:15+0400
2024-09-30T14:15+0400
2024-09-30T14:15+0400
საქართველო
პოლიტიკა საქართველოში
საქართველოს პრეზიდენტი
სალომე ზურაბიშვილი
კახა კალაძე
ახალი ამბები
https://cdnn1.img.sputnik-georgia.com/img/07e8/06/01/288215672_0:0:1546:870_1920x0_80_0_0_3ac9a7b2ce3928752487c2723248dda7.jpg
თბილისი, 30 სექტემბერი — Sputnik. საქართველოს პრეზიდენტი სალომე ზურაბიშვილი არის თაღლითი და ქვეყნის კონსტიტუციის პირველი დამრღვევი, რომელიც თავისი განცხადებებით ქვეყანას ზიანს აყენებს, განაცხადა მმართველი პარტია „ქართული ოცნება - დემოკრატიული საქართველოს“ გენერალურმა მდივანმა, თბილისის მერმა კახა კალაძემ.ასე შეაფასა კალაძემ ზურაბიშვილის გერმანიაში ვიზიტი. როგორც ადრე საქართველოში გერმანიის ელჩმა პიტერ ფიშერმა სოციალურ ქსელში დაწერა, 30 სექტემბერს ბერლინში საქართველოს პრეზიდენტი თავის გერმანელ კოლეგა ფრანკ-ვალტერ შტაინმაიერს შეხვდება.საქართველოს კონსტიტუციის თანახმად, ზურაბიშვილს საგარეო ვიზიტები და ოფიციალური შეხვედრები მხოლოდ მთავრობის თანხმობით შეუძლია განახორციელოს. 2023 წელს საქართველოს პრეზიდენტის მიერ კონსტიტუციის დარღვევა იმპიჩმენტის მიზეზი გახდა.კალაძის თქმით, ზურაბიშვილი არის ადამიანი, რომელიც სხვადასხვა პლატფორმებზე გამოდიოდა და პირდაპირ საუბრობდა იმაზე, რომ საქართველო, მაგალითად, არ იმსახურებს საქართველო კანდიდატის სტატუსს.სალომე ზურაბიშვილი ყველაფერს აკეთებს იმისთვის, რომ როგორმე ქვეყნის იმიჯი დააზიანოს, აღნიშნა კალაძემ.მმართველ პარტიაში აცხადებენ, რომ ზურაბიშვილი ახლა „რადიკალურ ოპოზიციას“ შეუერთდა.მმართველ პარტიაში „რადიკალურ ოპოზიციად" და „კოლექტიურ ნაცმოძრაობად" მოიხსენიებენ „ერთიან ნაციონალურ მოძრაობას“, „სტრატეგია აღმაშენებელს“, „ლელოს საქართველოსთვის“, „გირჩი - მეტი თავისუფლებას“, „ახალს“, „დროას“, ევროპულ საქართველოს“, „ფედერალისტებს“, „ლელოს“, „რესპუბლიკურ პარტიას“ და სხვებს.საქართველოს პრეზიდენტი და მმართველი პარტიასალომე ზურაბიშვილსა და მმართველ პარტია „ქართულ ოცნება - დემოკრატიულ საქართველოს“ შორის ურთიერთობა პრეზიდენტობის მესამე წელს გაუარესდა. ყოველ შემთხვევაში, ამის შესახებ ფართო საზოგადოებისთვის მაშინ გახდა ცნობილი.პრეზიდენტმა მმართველი პარტიის გადაწყვეტილებებით უკმაყოფილების პირველი, თავდაპირველად ფრთხილი მცდელობა 2021 წელს გამოხატა. დროთა განმავლობაში ზურაბიშვილის რიტორიკა სულ უფრო ხისტი ხდებოდა და ახლა არაფრით განსხვავდება ხელისუფლების მთავარი ოპონენტების განცხადებებისგან.მას შემდეგ, რაც ზურაბიშვილმა 2023 წლის 31 მარტს პარლამენტს წარუდგინა თავისი წლიური ანგარიში, რომელშიც მან, სხვა საკითხებთან ერთად, „ქართული ოცნება“ პროდასავლური გზიდან გადახვევაში დაადანაშაულა, მთავრობამ შეწყვიტა მისი უცხოური ვიზიტების დამტკიცება. ამის მიუხედავად, პრეზიდენტმა უცხოური ვიზიტები გააგრძელა, „ქართულმა ოცნებამ“ კი იმპიჩმენტის პროცესი დაიწყო.საქართველოს საკონსტიტუციო სასამართლომ 16 ოქტომბერს დაადასტურა ქვეყნის პრეზიდენტ სალომე ზურაბიშვილის მიერ ქვეყნის მთავარი კანონის – კონსტიტუციის 52-ე მუხლის დარღვევა, რომლის თანახმად პრეზიდენტს საგარეო ურთიერთობებში წარმომადგენლობითი ფუნქციების განხორციელება მხოლოდ მთავრობის ნებართვით შეუძლია. მაგრამ „ქართული ოცნების“ წარმატებები ამით დასრულდა, თუმცა, როგორც თავდაპირველად მმართველი პარტიის წარმომადგენლებმა განაცხადეს, მეტის იმედი არც ჰქონდათ, რადგან საქმის ბოლომდე მისაყვანად პარლამენტში საკმარისი ხმები არ აქვთ.ზურაბიშვილის იმპიჩმენტს ხმა მხოლოდ 86-მა დეპუტატმა დაუჭირა მინიმალური 100-ის ნაცვლად. შესაბამისად, პრეზიდენტმა თანამდებობა შეინარჩუნა. იმავე დღეს კობახიძემ განაცხადა, რომ ზურაბიშვილი არის არა ქვეყნის, არამედ „ნაცმოძრაობის“ პრეზიდენტი.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, პოლიტიკა საქართველოში, საქართველოს პრეზიდენტი, სალომე ზურაბიშვილი , კახა კალაძე , ახალი ამბები
საქართველო, პოლიტიკა საქართველოში, საქართველოს პრეზიდენტი, სალომე ზურაბიშვილი , კახა კალაძე , ახალი ამბები
კალაძემ საქართველოს პრეზიდენტს თაღლითი უწოდა
საქართველოს კონსტიტუციის თანახმად, ზურაბიშვილს საგარეო ვიზიტები და ოფიციალური შეხვედრები მხოლოდ მთავრობის თანხმობით შეუძლია განახორციელოს.
თბილისი, 30 სექტემბერი — Sputnik. საქართველოს პრეზიდენტი სალომე ზურაბიშვილი არის თაღლითი და ქვეყნის კონსტიტუციის პირველი დამრღვევი, რომელიც თავისი განცხადებებით ქვეყანას ზიანს აყენებს, განაცხადა მმართველი პარტია „ქართული ოცნება - დემოკრატიული საქართველოს“ გენერალურმა მდივანმა, თბილისის მერმა კახა კალაძემ.
ასე შეაფასა კალაძემ ზურაბიშვილის გერმანიაში ვიზიტი. როგორც ადრე საქართველოში გერმანიის ელჩმა პიტერ ფიშერმა სოციალურ ქსელში დაწერა, 30 სექტემბერს ბერლინში საქართველოს პრეზიდენტი თავის გერმანელ კოლეგა ფრანკ-ვალტერ შტაინმაიერს შეხვდება.
„როგორ შეიძლება იმ ადამიანის ვიზიტი შეაფასო, რომელიც კონსტიტუციის პირველი დამრღვევია, არადა კონსტიტუციას პირველი უნდა იცავდეს. მისი ეს დამოკიდებულება სახელმწიფოს, ქართველი ხალხის მიმართ, ცხადია", - განაცხადა კალაძემ.
საქართველოს კონსტიტუციის თანახმად, ზურაბიშვილს საგარეო ვიზიტები და ოფიციალური შეხვედრები მხოლოდ მთავრობის თანხმობით შეუძლია განახორციელოს. 2023 წელს საქართველოს პრეზიდენტის მიერ კონსტიტუციის დარღვევა იმპიჩმენტის მიზეზი გახდა.
კალაძის თქმით, ზურაბიშვილი არის ადამიანი, რომელიც სხვადასხვა პლატფორმებზე გამოდიოდა და პირდაპირ საუბრობდა იმაზე, რომ საქართველო, მაგალითად, არ იმსახურებს საქართველო კანდიდატის სტატუსს.
სალომე ზურაბიშვილი ყველაფერს აკეთებს იმისთვის, რომ როგორმე ქვეყნის იმიჯი დააზიანოს, აღნიშნა კალაძემ.
„საერთოდ არ მაინტერესებს რას ფიქრობს სალომე ზურაბიშვილი, ადამიანი, რომელიც არის ამ ქვეყნის მტერი... შეიძლება უთანხმოება გქონდეს მთავრობასთან, შეიძლება ვიღაც არ მოგწონდეს, მაგრამ ქვეყანას რატომ აზიანებ? ასეთი თაღლითი როგორ ხარ ადამიანი, რომ ქვეყანას აზიანებ“, - განაცხადა კალაძემ.
მმართველ პარტიაში აცხადებენ, რომ ზურაბიშვილი ახლა „რადიკალურ ოპოზიციას“ შეუერთდა.
მმართველ პარტიაში „რადიკალურ ოპოზიციად" და „კოლექტიურ ნაცმოძრაობად" მოიხსენიებენ „ერთიან ნაციონალურ მოძრაობას“, „სტრატეგია აღმაშენებელს“, „ლელოს საქართველოსთვის“, „გირჩი - მეტი თავისუფლებას“, „ახალს“, „დროას“, ევროპულ საქართველოს“, „ფედერალისტებს“, „ლელოს“, „რესპუბლიკურ პარტიას“ და სხვებს.
საქართველოს პრეზიდენტი და მმართველი პარტია
სალომე ზურაბიშვილსა და მმართველ პარტია „ქართულ ოცნება - დემოკრატიულ საქართველოს“ შორის ურთიერთობა პრეზიდენტობის მესამე წელს გაუარესდა. ყოველ შემთხვევაში, ამის შესახებ ფართო საზოგადოებისთვის მაშინ გახდა ცნობილი.
პრეზიდენტმა მმართველი პარტიის გადაწყვეტილებებით უკმაყოფილების პირველი, თავდაპირველად ფრთხილი მცდელობა 2021 წელს გამოხატა. დროთა განმავლობაში ზურაბიშვილის რიტორიკა სულ უფრო ხისტი ხდებოდა და ახლა არაფრით განსხვავდება ხელისუფლების მთავარი ოპონენტების განცხადებებისგან.
მას შემდეგ, რაც ზურაბიშვილმა 2023 წლის 31 მარტს პარლამენტს წარუდგინა თავისი წლიური ანგარიში, რომელშიც მან, სხვა საკითხებთან ერთად, „ქართული ოცნება“ პროდასავლური გზიდან გადახვევაში დაადანაშაულა, მთავრობამ შეწყვიტა მისი უცხოური ვიზიტების დამტკიცება. ამის მიუხედავად, პრეზიდენტმა უცხოური ვიზიტები გააგრძელა, „ქართულმა ოცნებამ“ კი იმპიჩმენტის პროცესი დაიწყო.
იმპიჩმენტის პროცედურა მას შემდეგ დაიწყო, რაც ზურაბიშვილი 31 აგვისტოს უცხოეთის ტურნეში გაემგზავრა და მთავრობის თანხმობის გარეშე დაიწყო შეხვედრები ევროკავშირის ქვეყნების ლიდერებთან. მინისტრთა კაბინეტმა მოგზაურობის ნებართვის მიცემაზე უარი ახსნა იმით, რომ ხელისუფლებამ დაკარგა ნდობა მის მიმართ. ზურაბიშვილმა განაცხადა, რომ მისი ევროპაში მოგზაურობის მიზანია დაეხმაროს საქართველოს ევროკავშირის წევრობის კანდიდატი ქვეყნის სტატუსის მოპოვებაში.
საქართველოს საკონსტიტუციო სასამართლომ 16 ოქტომბერს დაადასტურა ქვეყნის პრეზიდენტ სალომე ზურაბიშვილის მიერ ქვეყნის მთავარი კანონის – კონსტიტუციის 52-ე მუხლის დარღვევა, რომლის თანახმად პრეზიდენტს საგარეო ურთიერთობებში წარმომადგენლობითი ფუნქციების განხორციელება მხოლოდ მთავრობის ნებართვით შეუძლია. მაგრამ „ქართული ოცნების“ წარმატებები ამით დასრულდა, თუმცა, როგორც თავდაპირველად მმართველი პარტიის წარმომადგენლებმა განაცხადეს, მეტის იმედი არც ჰქონდათ, რადგან საქმის ბოლომდე მისაყვანად პარლამენტში საკმარისი ხმები არ აქვთ.
ზურაბიშვილის იმპიჩმენტს ხმა მხოლოდ 86-მა დეპუტატმა დაუჭირა მინიმალური 100-ის ნაცვლად. შესაბამისად, პრეზიდენტმა თანამდებობა შეინარჩუნა. იმავე დღეს კობახიძემ განაცხადა, რომ ზურაბიშვილი არის არა ქვეყნის, არამედ „ნაცმოძრაობის“ პრეზიდენტი.
