https://sputnik-georgia.com/20240930/dedaqalaqshi-18-metriani-avtobusebis-axali-nakadi-shemovida-290119726.html
დედაქალაქში 18-მეტრიანი ავტობუსების ახალი ნაკადი შემოვიდა
დედაქალაქში 18-მეტრიანი ავტობუსების ახალი ნაკადი შემოვიდა
Sputnik საქართველო
ჯამში, თბილისის მოსახლეობას 200 ერთეული 18-მეტრიანი ავტობუსი მოემსახურება. 30.09.2024-ს, Sputnik საქართველო
2024-09-30T15:00+0400
2024-09-30T15:00+0400
2024-09-30T15:21+0400
საქართველო
თბილისის მერია
თბილისი დღეს
ტრანსპორტი საქართველოში
კახა კალაძე
ახალი ამბები
https://cdnn1.img.sputnik-georgia.com/img/07e8/09/1e/290121447_0:107:2048:1259_1920x0_80_0_0_861a47b2d3e64fe51e1b62432a11e453.jpg
თბილისი, 30 სექტემბერი - Sputnik. დედაქალაქში 25 ერთეული 18-მეტრიანი ავტობუსი შემოვიდა, განაცხადა თბილისის მერმა კახა კალაძემ.დღეს, ევროპის მოედანზე MAN-ის მარკის 18-მეტრიანი ავტობუსების პრეზენტაცია გაიმართა. ავტობუსების ახალი ნაკადი თბილისის მერმა „თეგეტა ჰოლდინგისა“ და კომპანია MAN Truck & Bus-ის წარმომადგენლებთან ერთად წარადგინა.როგორც კალაძემ განაცხადა, დედაქალაქის სატრანსპორტო პოლიტიკის ერთ-ერთი მთავარი მიმართულება ავტობუსების პარკის სრული განახლება და ახალი ავტობუსების შემოყვანაა.MAN-ის 18-მეტრიანი, ევრო 6-ის სტანდარტის ავტობუსები სრულად აღჭურვილია თანამედროვე ტექნიკური მახასიათებლებით. ეკოლოგიურად სუფთა, კომპრესირებული ბუნებრივი აირის ძრავაზე (CNG) მომუშავე სატრანსპორტო საშუალებები სხვა მოდელებთან შედარებით, გაცილებით უსაფრთხოა გარემოსთვის და ხელს უწყობს CO2-ის ემისიის შემცირებას.კომპრესირებულ ბუნებრივ გაზზე (CNG) მომუშავე ახალი ავტობუსები გათვლილია 162 მგზავრზე, აქედან 43 დასაჯდომი ადგილით. ავტობუსები სრულად ადაპტირებულია შშმ პირებზე: სალონში გამოყოფილია სპეციალური სივრცე ეტლის უსაფრთხოდ დასაყენებლად, ასევე, აქვს გადმოსაშლელი პანდუსი; დამონტაჟებულია თანამედროვე სტანდარტის, ინტეგრირებული გათბობის, კონდიცირებისა და ვენტილაციის სისტემა, რომელიც გათვლილია თბილისის კლიმატურ პირობებზე.გარდა ამისა, ავტობუსები აღჭურვილია ხმოვანი საინფორმაციო სისტემით, შიდა და გარე ანტივანდალური ვიდეომონიტორინგის სისტემით, მობილურის დასატენი წერტილებითა და მონიტორინგის, მართვისა და უსაფრთხოების სხვა თანამედროვე სისტემებით.ავტობუსებში მოქმედებს საინფორმაციო სისტემა, რომელიც მოიცავს მგზავრების საფასურის გადახდისა და საინფორმაციო სისტემების მართვის კომპიუტერს, საინფორმაციო დაფებს, აუდიო საინფორმაციო და ვიდეომონიტორინგის სისტემას.ამ ეტაპზე დედაქალაქში შემოსულია და ექსპლუატაციაშია 75 ერთეული18-მეტრიანი ავტობუსი. დამატებით 25 ავტობუსი მარშრუტებზე ეტაპობრივად გადანაწილდება.უახლოეს პერიოდში თბილისში დამატებით 100 ერთეული ახალი 18-მეტრიანი ავტობუსი შემოვა. ჯამში, თბილისის მოსახლეობას 200 ერთეული18-მეტრიანი ავტობუსი მოემსახურება.თბილისის მერია 2017 წლიდან ახორციელებს სატრანსპორტო რეფორმას, რომლის მთავარი მიზანია – საზოგადოებრივი ტრანსპორტი გახდეს უფრო კომფორტული, შეუფერხებელი და ხელმისაწვდომი, ასევე ქალაქი განიტვირთოს „საცობებისგან“.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, თბილისის მერია, თბილისი დღეს, ტრანსპორტი საქართველოში, კახა კალაძე , ახალი ამბები
საქართველო, თბილისის მერია, თბილისი დღეს, ტრანსპორტი საქართველოში, კახა კალაძე , ახალი ამბები
დედაქალაქში 18-მეტრიანი ავტობუსების ახალი ნაკადი შემოვიდა
15:00 30.09.2024 (განახლებულია: 15:21 30.09.2024) ჯამში, თბილისის მოსახლეობას 200 ერთეული 18-მეტრიანი ავტობუსი მოემსახურება.
თბილისი, 30 სექტემბერი - Sputnik. დედაქალაქში 25 ერთეული 18-მეტრიანი ავტობუსი შემოვიდა, განაცხადა თბილისის მერმა კახა კალაძემ.
დღეს, ევროპის მოედანზე MAN-ის მარკის 18-მეტრიანი ავტობუსების პრეზენტაცია გაიმართა. ავტობუსების ახალი ნაკადი თბილისის მერმა „თეგეტა ჰოლდინგისა“ და კომპანია MAN Truck & Bus-ის წარმომადგენლებთან ერთად წარადგინა.
როგორც კალაძემ განაცხადა, დედაქალაქის სატრანსპორტო პოლიტიკის ერთ-ერთი მთავარი მიმართულება ავტობუსების პარკის სრული განახლება და ახალი ავტობუსების შემოყვანაა.
„ჩვენთვის, ერთი მხრივ საამაყო და ამასთანავე დიდი პასუხისმგებლობაა, ჩავერთოთ თბილისის საზოგადოებრივი სატრანსპორტო სისტემის გაუმჯობესებაში. მოხარულები ვართ, რომ მოგვეცა ეს შესაძლებლობა და ჩვენი დედაქალაქის მაცხოვრებლებს თანამედროვე, ევროპული სტანდარტების მქონე ავტობუსები შევთავაზეთ“, - განაცხადა დედაქალაქის მერმა.
MAN-ის 18-მეტრიანი, ევრო 6-ის სტანდარტის ავტობუსები სრულად აღჭურვილია თანამედროვე ტექნიკური მახასიათებლებით. ეკოლოგიურად სუფთა, კომპრესირებული ბუნებრივი აირის ძრავაზე (CNG) მომუშავე სატრანსპორტო საშუალებები სხვა მოდელებთან შედარებით, გაცილებით უსაფრთხოა გარემოსთვის და ხელს უწყობს CO2-ის ემისიის შემცირებას.
„MAN-ის საქალაქო ავტობუსს შეუძლია გაცილებით დიდი რაოდენობის მგზავრების გადაყვანა და ამით აკმაყოფილებს საზოგადოებრივი ტრანსპორტის მუდმივად მზარდ მოთხოვნას, ასევე გამოირჩევა მაღალი ხარისხითა და კომფორტით. ეკონომიური და ეკოლოგიური MAN-ის ავტობუსები გამიზნულია იმისთვის, რომ თბილისში ტრანსპორტი უფრო მდგრადი გახდეს“, - განაცხადა MAN Truck & Bus-ის ავტობუსების მიმართულების ხელმძღვანელმა ბარბაროს ოკტაიმ.
კომპრესირებულ ბუნებრივ გაზზე (CNG) მომუშავე ახალი ავტობუსები გათვლილია 162 მგზავრზე, აქედან 43 დასაჯდომი ადგილით. ავტობუსები სრულად ადაპტირებულია შშმ პირებზე: სალონში გამოყოფილია სპეციალური სივრცე ეტლის უსაფრთხოდ დასაყენებლად, ასევე, აქვს გადმოსაშლელი პანდუსი; დამონტაჟებულია თანამედროვე სტანდარტის, ინტეგრირებული გათბობის, კონდიცირებისა და ვენტილაციის სისტემა, რომელიც გათვლილია თბილისის კლიმატურ პირობებზე.
გარდა ამისა, ავტობუსები აღჭურვილია ხმოვანი საინფორმაციო სისტემით, შიდა და გარე ანტივანდალური ვიდეომონიტორინგის სისტემით, მობილურის დასატენი წერტილებითა და მონიტორინგის, მართვისა და უსაფრთხოების სხვა თანამედროვე სისტემებით.
ავტობუსებში მოქმედებს საინფორმაციო სისტემა, რომელიც მოიცავს მგზავრების საფასურის გადახდისა და საინფორმაციო სისტემების მართვის კომპიუტერს, საინფორმაციო დაფებს, აუდიო საინფორმაციო და ვიდეომონიტორინგის სისტემას.
ამ ეტაპზე დედაქალაქში შემოსულია და ექსპლუატაციაშია 75 ერთეული18-მეტრიანი ავტობუსი. დამატებით 25 ავტობუსი მარშრუტებზე ეტაპობრივად გადანაწილდება.
უახლოეს პერიოდში თბილისში დამატებით 100 ერთეული ახალი 18-მეტრიანი ავტობუსი შემოვა. ჯამში, თბილისის მოსახლეობას 200 ერთეული18-მეტრიანი ავტობუსი მოემსახურება.
თბილისის მერია 2017 წლიდან ახორციელებს სატრანსპორტო რეფორმას, რომლის მთავარი მიზანია – საზოგადოებრივი ტრანსპორტი გახდეს უფრო კომფორტული, შეუფერხებელი და ხელმისაწვდომი, ასევე ქალაქი განიტვირთოს „საცობებისგან“.
