https://sputnik-georgia.com/20240915/saqartvelo-axali-saswavlo-wlistvis-emzadeba-289895989.html
საქართველო ახალი სასწავლო წლისთვის ემზადება - სიახლეები
საქართველო ახალი სასწავლო წლისთვის ემზადება - სიახლეები
Sputnik საქართველო
საჯარო სკოლებში ყველა პირველკლასელს, სახელმძღვანელოების გარდა, სპეციალური ნეთბუქები გადაეცემათ 15.09.2024-ს, Sputnik საქართველო
2024-09-15T10:55+0400
2024-09-15T10:55+0400
2024-09-15T10:55+0400
საქართველო
განათლება საქართველოში
საზოგადოება
ახალი ამბები
https://cdnn1.img.sputnik-georgia.com/img/07e5/02/01/250765097_0:160:3073:1888_1920x0_80_0_0_50ba0f6c7fc830df54f982308e34491e.jpg
თბილისი, 15 სექტემბერი — Sputnik. საქართველოს საჯარო სკოლები ახალ სასწავლო წელს, რომელიც 16 სექტემბერს იწყება, რიგი სიახლეებით ხვდებიან.ქართული სასკოლო განათლება 12-წლიანია და იყოფა დაწყებით, საბაზო და საშუალო საფეხურებად. დაწყებითი განათლება საქართველოში მოიცავს პერიოდს 1-დან მე-6 კლასამდე, საბაზო განათლება მე-7-დან მე-10 კლასამდე, ხოლო საშუალო განათლება მე-11-დან მე-12 კლასამდე.სკოლაში ბავშვების მიღება 6 წლიდან ხდება. 2024 წელს პირველ კლასში დარეგისტრირდნენ ბავშვები, რომლებსაც 6 წელი 1 ნოემბრამდე უსრულდებათ.სწავლა ორი სემესტრი გრძელდება: სექტემბრიდან დეკემბრამდე და იანვრიდან ივნისის შუა პერიოდამდე. ამასთან, მაისამდე სწავლობენ პირველკლასელები და მე-12 კლასელები. სასწავლო კვირა გრძელდება 5 დღე, გაკვეთილის ხანგრძლივობა პირველი კლასისთვის 35 წუთია, მეორე კლასისთვის 40, სხვა კლასებისთვის კი 45 წუთი.საქართველოს საჯარო სკოლებში ყველა სახელმძღვანელო უფასოდ გაიცემა და მშობლებს მხოლოდ რვეულებისა და საკანცელარიო ნივთების შეძენა სჭირდებათ.მოსწავლეთა შეფასება იწყება მე-5 კლასის მეორე სემესტრიდან. საქართველოს სკოლებში შეფასების 10-ქულიანი სისტემა მოქმედებს - 10 და 9 ქულა მაღალია, 7-8 საშუალოზე მაღალი, 6 და 5 საშუალო, ხოლო 5-ზე ქვემოთ დაბალი.პირველად პირველ კლასშისაჯარო სკოლებში ყველა პირველკლასელს, სახელმძღვანელოების გარდა, სპეციალური ნეთბუქები გადაეცემათ, რომელიც სწავლის პერიოდში გამოადგებათ. მასში ჩატვირთულია სხვადასხვა საგნის საგანმანათლებლო ინტერაქტიული პროგრამები.პირველკლასელებისთვის სასწავლო პროგრამა დატვირთულია - პირველი კლასიდან ისწავლება როგორც ქართული, ისე ინგლისური ენები, ასევე ბუნებისმცოდნეობა, სახვითი ხელოვნება, მუსიკა, ჭადრაკი და სპორტი.გარდა ამისა, სკოლამ, სურვილის მიხედვით პირველი კლასის სასწავლო პროგრამაში შეუძლია შეიტანოს ისეთი საგანი, როგორიცაა კომპიუტერული ტექნოლოგიები, რომელსაც მოსწავლეები სრულფასოვნად მეხუთე კლასიდან სწავლობენ.ქართულ სკოლებში ცალ-ცალკე ისწავლება ისტორია და საქართველოს ისტორია. მეორე უცხო ენის სწავლება მე-5 კლასიდან იწყება, რომელსაც თავად სკოლა ირჩევს. ეს შეიძლება იყოს რუსული, გერმანული, ფრანგული ან ნებისმიერი სხვა ენა.გარდა ამისა, სკოლებში ისწავლება ისეთი საგნები, როგორიცაა „მოქალაქეობა“, „სამოქალაქო განათლება“, „მე და საზოგადოება“, „ჩემი საქართველო“.ეთნიკური უმცირესობების სკოლებში ქართული ენა პირველი კლასიდან ისწავლება, მე-12 კლასისთვის კი სახელმძღვანელოების უმეტესობა ორენოვანია.საქართველოს სკოლებში საატესტატო გამოცდები არ ტარდება; მოსწავლეები მხოლოდ შუალედურ გამოცდებს აბარებენ. სკოლის მიერ დაწერილი შეფასებები გავლენას არ ახდენს უმაღლეს სასწავლებლებში ჩაბარების შესაძლებლობაზე, თუმცა, თუ მოსწავლის წლიური შეფასება 6 ქულაზე დაბალია, ის ვალდებულია აღნიშნულ საგანში გამოცდა შემოდგომაზე ჩააბაროს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, განათლება საქართველოში , საზოგადოება, ახალი ამბები
საქართველო, განათლება საქართველოში , საზოგადოება, ახალი ამბები
საქართველო ახალი სასწავლო წლისთვის ემზადება - სიახლეები
საჯარო სკოლებში ყველა პირველკლასელს, სახელმძღვანელოების გარდა, სპეციალური ნეთბუქები გადაეცემათ
თბილისი, 15 სექტემბერი — Sputnik. საქართველოს საჯარო სკოლები ახალ სასწავლო წელს, რომელიც 16 სექტემბერს იწყება, რიგი სიახლეებით ხვდებიან.
ქართული სასკოლო განათლება 12-წლიანია და იყოფა დაწყებით, საბაზო და საშუალო საფეხურებად. დაწყებითი განათლება საქართველოში მოიცავს პერიოდს 1-დან მე-6 კლასამდე, საბაზო განათლება მე-7-დან მე-10 კლასამდე, ხოლო საშუალო განათლება მე-11-დან მე-12 კლასამდე.
2024–2025 სასწავლო წელს
სიახლე იქნება ის, რომ სკოლაში სწავლის შეწყვეტა შემდგომი პროფესიული განათლების მისაღებად მხოლოდ საბაზო განათლების დასრულების შემდეგ იქნება შესაძლებელი - ადრე არასრული საშუალო განათლების დამადასტურებელი ცნობა მე-9 კლასის დასრულების შემდეგ გაიცემოდა.
სკოლაში ბავშვების მიღება 6 წლიდან ხდება. 2024 წელს პირველ კლასში დარეგისტრირდნენ ბავშვები, რომლებსაც 6 წელი 1 ნოემბრამდე უსრულდებათ.
სწავლა ორი სემესტრი გრძელდება: სექტემბრიდან დეკემბრამდე და იანვრიდან ივნისის შუა პერიოდამდე. ამასთან, მაისამდე სწავლობენ პირველკლასელები და მე-12 კლასელები. სასწავლო კვირა გრძელდება 5 დღე, გაკვეთილის ხანგრძლივობა პირველი კლასისთვის 35 წუთია, მეორე კლასისთვის 40, სხვა კლასებისთვის კი 45 წუთი.
საქართველოს საჯარო სკოლებში ყველა სახელმძღვანელო უფასოდ გაიცემა და მშობლებს მხოლოდ რვეულებისა და საკანცელარიო ნივთების შეძენა სჭირდებათ.
მოსწავლეთა შეფასება იწყება მე-5 კლასის მეორე სემესტრიდან. საქართველოს სკოლებში შეფასების 10-ქულიანი სისტემა მოქმედებს - 10 და 9 ქულა მაღალია, 7-8 საშუალოზე მაღალი, 6 და 5 საშუალო, ხოლო 5-ზე ქვემოთ დაბალი.
საჯარო სკოლებში ყველა პირველკლასელს, სახელმძღვანელოების გარდა, სპეციალური ნეთბუქები გადაეცემათ, რომელიც სწავლის პერიოდში გამოადგებათ. მასში ჩატვირთულია სხვადასხვა საგნის საგანმანათლებლო ინტერაქტიული პროგრამები.
პირველკლასელებისთვის სასწავლო პროგრამა დატვირთულია - პირველი კლასიდან ისწავლება როგორც ქართული, ისე ინგლისური ენები, ასევე ბუნებისმცოდნეობა, სახვითი ხელოვნება, მუსიკა, ჭადრაკი და სპორტი.
გარდა ამისა, სკოლამ, სურვილის მიხედვით პირველი კლასის სასწავლო პროგრამაში შეუძლია შეიტანოს ისეთი საგანი, როგორიცაა კომპიუტერული ტექნოლოგიები, რომელსაც მოსწავლეები სრულფასოვნად მეხუთე კლასიდან სწავლობენ.
ქართულ სკოლებში ცალ-ცალკე ისწავლება ისტორია და საქართველოს ისტორია. მეორე უცხო ენის სწავლება მე-5 კლასიდან იწყება, რომელსაც თავად სკოლა ირჩევს. ეს შეიძლება იყოს რუსული, გერმანული, ფრანგული ან ნებისმიერი სხვა ენა.
გარდა ამისა, სკოლებში ისწავლება ისეთი საგნები, როგორიცაა „მოქალაქეობა“, „სამოქალაქო განათლება“, „მე და საზოგადოება“, „ჩემი საქართველო“.
ეთნიკური უმცირესობების სკოლებში ქართული ენა პირველი კლასიდან ისწავლება, მე-12 კლასისთვის კი სახელმძღვანელოების უმეტესობა ორენოვანია.
საქართველოს სკოლებში საატესტატო გამოცდები არ ტარდება; მოსწავლეები მხოლოდ შუალედურ გამოცდებს აბარებენ. სკოლის მიერ დაწერილი შეფასებები გავლენას არ ახდენს უმაღლეს სასწავლებლებში ჩაბარების შესაძლებლობაზე, თუმცა, თუ მოსწავლის წლიური შეფასება 6 ქულაზე დაბალია, ის ვალდებულია აღნიშნულ საგანში გამოცდა შემოდგომაზე ჩააბაროს.
