https://sputnik-georgia.com/20240714/terorizmshi-braldebul-pirebs-sheizleba-paemnebis-upleba-sheezgudot-288990816.html
საქართველოში ტერორიზმში ბრალდებულებს შეიძლება პაემნებისა და მიმოწერის უფლება შეუზღუდონ
საქართველოში ტერორიზმში ბრალდებულებს შეიძლება პაემნებისა და მიმოწერის უფლება შეუზღუდონ
Sputnik საქართველო
კანონპროექტის ავტორების აზრით, აღნიშნული შეზღუდვა სახელმწიფო უსაფრთხოების დაცვის პრობლემას მოაგვარებს. 14.07.2024-ს, Sputnik საქართველო
2024-07-14T17:00+0400
2024-07-14T17:00+0400
2024-07-14T17:00+0400
საქართველო
საქართველოს პარლამენტი
საზოგადოება
სპეციალური პენიტენციური სამსახური
ახალი ამბები
https://cdnn1.img.sputnik-georgia.com/img/07e5/0a/04/260181200_59:54:1280:741_1920x0_80_0_0_f2476d7bec160f23b314a41f2cdb481c.jpg
თბილისი, 14 ივლისი – Sputnik. ტერორიზმში, საქართველოს კონსტიტუციური წყობილებისა და უსაფრთხოების საფუძვლების წინააღმდეგ მიმართული დანაშაულის ჩადენაში ბრალდებულ და მსჯავრდებულ პირებს, შესაძლოა, გარესამყაროსთან ურთიერთობის უფლება შეეეზღუდოთ - შესაბამისი ცვლილებები „პენიტენციურ კოდექსში“ შედის.ცვლილებების თანახმად, საუბარია სატელეფონო საუბრის, ხანმოკლე და ხანგრძლივი პაემნის, განსაკუთრებულ, პირად გარემოებებთან დაკავშირებით პენიტენციური დაწესებულების დროებით დატოვების, ვიდეოპაემნის, თავისუფლების აღკვეთის დაწესებულების გარეთ ხანმოკლე გასვლის უფლებების შეზღუდვაზე. შეზღუდვების ვადა შეიძლება იყოს სამ თვემდე და შეიძლება გახანრგძლივდეს კიდევ სამი თვის ვადით. მითითებული ვადის გასვლის შემდეგ შეზღუდვა მოიხსნება.შეზღუდვა შეეხებათ პირებს, რომლებიც ბრალდებული და მსჯავრდებული არიან სისხლის სამართლის კოდექსის შესაბამისი მუხლებით - „საქართველოს კონსტიტუციური წესრიგისა და უსაფრთხოების საფუძვლების წინააღმდეგ მიმართული დანაშაულები“ და „ტერორიზმი“.სხვა საკითხებთან ერთად, აღნიშნული თავები მოიცავს ისეთ მუხლებს, როგორიცაა „შეთქმულება ან აჯანყება საქართველოს კონსტიტუციური წყობის ძალადობრივი გზით შეხვლის მიზნით“, „მოწოდებები საქართველოს კონსტიტუციური წყობის ძალადობრივი გზით შესაცვლელად ან სახელმწიფო ხელისუფლების დამხობისკენ“ და საქართველოს კონსტიტუციური წესრიგისა და ეროვნული უშიშროების საფუძვლების წინააღმდეგ მიმართული ქმედებების „დაფინანსება“ ან სხვაგვარი მატერიალური მხარდაჭერა ან და „ტერორიზმის შესახებ ცრუ შეტყობინება“.უფლებების შეზღუდვის შესახებ გადაწყვეტილებას სახელმწიფო უსაფრთხოების სამსახურის მიერ მიწოდებული ინფორმაციის ან ოპერატიულ-სამძებრო ღონისძიებების განხორციელების შედეგად მოპოვებული ინფორმაციის საფუძველზე, ასევე საკუთარი ინიციატივით პენიტენციური დაწესებულების დირექტორი მიიღებს.კანონპროექტის ავტორები და ინიციატორები არიან „ქართული ოცნების" დეპუტატები: ალექსანდრე ტაბატაძე, ანრი ოხანაშვილი, თენგიზ შარმანაშვილი, გია ბენაშვილი, რესან კონცელიძე, დავით მათიკაშვილი, ალუდა ღუდუშაური, ირაკლი შატაკიშვილი, ალექსანდრე დალაქიშვილი, ლევან მაჭავარიანი და ქეთევან ჩარკვიანი.მათი აზრით, ასეთი შეზღუდვა ლეგიტიმური მიზნებიდან გამომდინარე სახელმწიფო უსაფრთხოების დაცვის პრობლემას მოაგვარებს. ცვლილებები ძალაში პარლამენტის მიერ კანონპროექტის სამი მოსმენით მიღებისა და პრეზიდენტის ხელოწერის შემდეგ შევა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს პარლამენტი, საზოგადოება, სპეციალური პენიტენციური სამსახური, ახალი ამბები
საქართველო, საქართველოს პარლამენტი, საზოგადოება, სპეციალური პენიტენციური სამსახური, ახალი ამბები
საქართველოში ტერორიზმში ბრალდებულებს შეიძლება პაემნებისა და მიმოწერის უფლება შეუზღუდონ
კანონპროექტის ავტორების აზრით, აღნიშნული შეზღუდვა სახელმწიფო უსაფრთხოების დაცვის პრობლემას მოაგვარებს.
თბილისი, 14 ივლისი – Sputnik. ტერორიზმში, საქართველოს კონსტიტუციური წყობილებისა და უსაფრთხოების საფუძვლების წინააღმდეგ მიმართული დანაშაულის ჩადენაში ბრალდებულ და მსჯავრდებულ პირებს, შესაძლოა, გარესამყაროსთან ურთიერთობის უფლება შეეეზღუდოთ - შესაბამისი ცვლილებები „პენიტენციურ კოდექსში“ შედის.
ცვლილებების თანახმად, საუბარია სატელეფონო საუბრის, ხანმოკლე და ხანგრძლივი პაემნის, განსაკუთრებულ, პირად გარემოებებთან დაკავშირებით პენიტენციური დაწესებულების დროებით დატოვების, ვიდეოპაემნის, თავისუფლების აღკვეთის დაწესებულების გარეთ ხანმოკლე გასვლის უფლებების შეზღუდვაზე. შეზღუდვების ვადა შეიძლება იყოს სამ თვემდე და შეიძლება გახანრგძლივდეს კიდევ სამი თვის ვადით. მითითებული ვადის გასვლის შემდეგ შეზღუდვა მოიხსნება.
შეზღუდვა შეეხებათ პირებს, რომლებიც ბრალდებული და მსჯავრდებული არიან სისხლის სამართლის კოდექსის შესაბამისი მუხლებით - „საქართველოს კონსტიტუციური წესრიგისა და უსაფრთხოების საფუძვლების წინააღმდეგ მიმართული დანაშაულები“ და „ტერორიზმი“.
სხვა საკითხებთან ერთად, აღნიშნული თავები მოიცავს ისეთ მუხლებს, როგორიცაა „შეთქმულება ან აჯანყება საქართველოს კონსტიტუციური წყობის ძალადობრივი გზით შეხვლის მიზნით“, „მოწოდებები საქართველოს კონსტიტუციური წყობის ძალადობრივი გზით შესაცვლელად ან სახელმწიფო ხელისუფლების დამხობისკენ“ და საქართველოს კონსტიტუციური წესრიგისა და ეროვნული უშიშროების საფუძვლების წინააღმდეგ მიმართული ქმედებების „დაფინანსება“ ან სხვაგვარი მატერიალური მხარდაჭერა ან და „ტერორიზმის შესახებ ცრუ შეტყობინება“.
უფლებების შეზღუდვის შესახებ გადაწყვეტილებას სახელმწიფო უსაფრთხოების სამსახურის მიერ მიწოდებული ინფორმაციის ან ოპერატიულ-სამძებრო ღონისძიებების განხორციელების შედეგად მოპოვებული ინფორმაციის საფუძველზე, ასევე საკუთარი ინიციატივით პენიტენციური დაწესებულების დირექტორი მიიღებს.
კანონპროექტის ავტორები და ინიციატორები არიან „ქართული ოცნების" დეპუტატები: ალექსანდრე ტაბატაძე, ანრი ოხანაშვილი, თენგიზ შარმანაშვილი, გია ბენაშვილი, რესან კონცელიძე, დავით მათიკაშვილი, ალუდა ღუდუშაური, ირაკლი შატაკიშვილი, ალექსანდრე დალაქიშვილი, ლევან მაჭავარიანი და ქეთევან ჩარკვიანი.
მათი აზრით, ასეთი შეზღუდვა ლეგიტიმური მიზნებიდან გამომდინარე სახელმწიფო უსაფრთხოების დაცვის პრობლემას მოაგვარებს. ცვლილებები ძალაში პარლამენტის მიერ კანონპროექტის სამი მოსმენით მიღებისა და პრეზიდენტის ხელოწერის შემდეგ შევა.
