Georgian Airways-ს ჰყავს თვითმფრინავი, რომელსაც გაუჩერებლად 12-საათიანი ფრენა შეუძლია
© Courtesy of Georgian AirwaysGeorgian Airways-ის პილოტები Boeing 767-300-ში
![Georgian Airways-ის პილოტები Boeing 767-300-ში Georgian Airways-ის პილოტები Boeing 767-300-ში - Sputnik საქართველო, 1920, 15.06.2024](https://cdnn1.img.sputnik-georgia.com/img/07e8/06/0e/288411437_0:107:2048:1259_1920x0_80_0_0_4eb80aa78824bcbfff880b838e14e013.jpg)
© Courtesy of Georgian Airways
გამოწერა
ახალი თვითმფრინავი ამერიკული კომპანიებისგან ლიზინგის წესით არის მიღებული.
თბილისი, 15 ივნისი — Sputnik. ქართული ავიაკომპანია Georgian Airways-ის ფლოტს შეემატა პირველი ფართოფიუზელაჟიანი სამგზავრო თვითმფრინავი Boeing 767-300, რომელიც მას ამერიკული კომპანიისგან ლიზინგის წესით გადაეცა, ნათქვამია ავიაკომპანიის ვებგვერდზე გამოქვეყნებულ განცხადებაში.
ავიახომალდს უწყვეტი 12 საათიანი პირდაპირი რეისის შესაძლებლობა გააჩნია. 250-ადგილიან ბორტზე პირველი კლასის სალონი არის განთავსებული, ყველა სავარძელი, როგორც პირველი და ბიზნეს კლასის, ასევე ეკონომ კლასის სავარძლები აღჭურვილია ინდივიდუალური მართვისა და მულტიმედია სისტემებით.
© Courtesy of Georgian AirwaysGeorgian Airways-ის Boeing 767-300
![Самолет Georgian Airways Boeing 767-300 Самолет Georgian Airways Boeing 767-300 - Sputnik საქართველო, 1920, 15.06.2024](https://cdnn1.img.sputnik-georgia.com/img/07e8/06/0e/288411808_0:0:2048:1396_1920x0_80_0_0_1b0d72b6aa81ce26d44a0a41c772359a.jpg)
Georgian Airways-ის Boeing 767-300
© Courtesy of Georgian Airways
Georgian Airways-ის ავიაპარკის დიდი ნაწილი აშშ-ის უმსხვილესი ამერიკული კომპანიებისგან ლიზინგის წესით არის მიღებული.
Boeing 767-300 თბილისის საერთაშორისო აეროპორტში დაათვალიერეს ეკონომიკისა და მდგრადი განვითარების მინისტრმა ლევან დავითაშვილმა, მისმა მოადგილე მარიამ ქვრივიშვილმა, „საქართველოს აეროპორტების გაერთიანების“ დირექტორმა ირაკლი ქარქაშაძემ, „საქაერონავიგაციის“ ხელმძღვანელმა გოჩა მეზვრიშვილი, კომპანია „TAV Georgia“-ს გენერალურმა მენეჯერმა თეა ზაქარაძემ და „ჯორჯიან ეარლაინსის” გენერალურმა დირექტორმა ირაკლი მეზვრიშვილმა.
© Courtesy of Georgian Airways Boeing 767-300-ის სალონი
![Салон самолета Boeing 767-300 Салон самолета Boeing 767-300 - Sputnik საქართველო, 1920, 15.06.2024](https://cdnn1.img.sputnik-georgia.com/img/07e8/06/0e/288411624_0:0:2048:1366_1920x0_80_0_0_bbece3f7cb47587bec1882d1cae100fe.jpg)
Boeing 767-300-ის სალონი
© Courtesy of Georgian Airways
„ქართული საავიაციო სექტორი ძალიან ინტენსიურად ვითარდება, განსაკუთრებით შთამბეჭდავი პანდემიის შემდგომი აღდგენა გვაქვს. უკვე წელს საქართველოს აეროპორტებიდან მგზავრთნაკადის მაჩვენებელი, შარშანდელთან შედარებით, 31%-ით მეტს შეადგენს, რაც 2,5 მლნ მგზავრზე მეტია. ასევე ზრდა გვაქვს პანდემიამდელ მაჩვენებელთან შედარებით“, - აღნიშნა ლევან დავითაშვილმა.
მისი თქმით, იმისთვის, რომ მგზავრთნაკადის ზრდა ეკონომიკისთვის მაქსიმალურად სასარგებლო იყოს, მნიშვნელოვანია პირდაპირი კავშირები სხვადასხვა ეკონომიკურ ცენტრებთან - ევროპის დედაქალაქებთან, სამხრეთ აზიის ქალაქებთან და ა.შ. და ამაში დიდ როლს ქართული ავიაკომპანიები ასრულებენ.
© Courtesy of Georgian Airwaysლევან დავითაშვილი, თამაზ გაიაშვილი
![Леван Давиташвили, Тамаз Гаиашвили Леван Давиташвили, Тамаз Гаиашвили - Sputnik საქართველო, 1920, 15.06.2024](https://cdnn1.img.sputnik-georgia.com/img/07e8/06/0e/288411991_0:0:2000:1334_1920x0_80_0_0_be456cda963e2339976f1f36d029e2a4.jpg)
ლევან დავითაშვილი, თამაზ გაიაშვილი
© Courtesy of Georgian Airways
მიმდინარე წლის ზაფხულის აქტიურ სანავიგაციო სეზონზე 13.600 ავიარეისის შესრულებაა დაგეგმილი. ივნისი-ოქტომბრის პერიოდში საქართველოდან ყველაზე მეტი - 2480 რეისი ევროპის მიმართულებით შესრულდება, რაც საქართველოდან და საქართველოს მიმართულებით დაგეგმილი ფრენების საერთო რაოდენობის 18%-ს შეადგენს.
იზრდება ფრენის სიხშირე გალფის ქვეყნების თანამშრომლობის საბჭოს ქვეყნებთანაც (საუდის არაბეთი, ბაჰრეინი, არაბთა გაერთიანებული საემიროები, ქუვეითი, ომანი და კატარი). 2024 წლის ივნის-ოქტომბერში, საქართველოსა და გალფის ქვეყნებს შორის დაგეგმილია 2255 რეისის შესრულება, რაც ფრენების საერთო რაოდენობის 17%-ია.