https://sputnik-georgia.com/20240613/prezidentma-saarchevno-kodeqsshi-cvlilebebs-veto-daado-288396696.html
პრეზიდენტმა „საარჩევნო კოდექსში“ ცვლილებებს ვეტო დაადო
პრეზიდენტმა „საარჩევნო კოდექსში“ ცვლილებებს ვეტო დაადო
Sputnik საქართველო
თბილისი, 13 ივნისი — Sputnik. საქართველოს პრეზიდენტმა სალომე ზურაბიშვილმა პარლამენტის მიერ „საარჩევნო კოდექსში" მიღებულ ცვლილებებს ვეტო დაადო, რომელიც... 13.06.2024-ს, Sputnik საქართველო
2024-06-13T22:45+0400
2024-06-13T22:45+0400
2024-06-13T22:45+0400
საქართველო
საქართველოს პარლამენტი
საქართველოს პრეზიდენტი
კანონმდებლობა
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e7/0a/13/283437977_0:196:2048:1348_1920x0_80_0_0_5dd3f870053425d7e530e5d379cf840b.jpg
თბილისი, 13 ივნისი — Sputnik. საქართველოს პრეზიდენტმა სალომე ზურაბიშვილმა პარლამენტის მიერ „საარჩევნო კოდექსში" მიღებულ ცვლილებებს ვეტო დაადო, რომელიც ცენტრალური საარჩევნო კომისიის გადაწყვეტილების მიღებას ამარტივებს.ცვლილებები ითვალისწინებს ე.წ. ანტიჩიხური მექანიზმის შექმნას იმ შემთხვევის მოსაწესრიგებლად, როდესაც ცესკოს სხდომაზე კენჭისყრის შედეგად ვერ იქნა მიღებული ცესკოს ის გადაწყვეტილება, რომლის მისაღებად საჭიროა ცესკოს სრული შემადგენლობის არანაკლებ 2/3-ის მხარდაჭერა. იმავე სხდომაზე ჩატარდება მეორე კენჭისყრა და ამ შემთხვევაში გადაწყვეტილების მისაღებად ხმების 1/2 იქნება საკმარისი.საუბარია ცენტრალური საარჩევნო კომისიის გადაწყვეტილებებზე, რომლებიც ეხება ქვედა რგოლის საარჩევნო კომისიების მიერ მიღებული გადაწყვეტილებების გაუქმებას, მათ შორის, საარჩევნო ოლქის/უბნის შედეგებს, საუბნო საარჩევნო კომისიიდან შემოსული პაკეტების გახსნას და ბიულეტენების გადათვლას.კანონპროექტის ავტორებმა განმარტეს, რომ შემოღებული ცვლილებები ხელს შეუწყობს ცესკოს ეფექტურ ფუნქციონირებას და მის მუშაობაში დაბრკოლებების აღკვეთას.პრეზიდენტის ვეტოს პარლამენტი განიხილავს, რის შემდეგაც კენჭისყრა გაიმართება. თუ პარლამენტის უმრავლესობა ზურაბიშვილის არგუმენტებს არაობიექტურად მიიჩნევს, იგი ვეტოს დაძლევას შეძლებს. თუ პრეზიდენტი ამჯერადაც უარს იტყვის კანონპროექტის ხელმოწერაზე, ამის გაკეთება პარლამენტის თავმჯდომარეს შეუძლია.საპარლამენტო არჩევნები საქართველოში 26 ოქტომბერს გაიმართება.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს პარლამენტი, საქართველოს პრეზიდენტი, კანონმდებლობა, პოლიტიკა საქართველოში, ახალი ამბები
საქართველო, საქართველოს პარლამენტი, საქართველოს პრეზიდენტი, კანონმდებლობა, პოლიტიკა საქართველოში, ახალი ამბები
თბილისი, 13 ივნისი — Sputnik. საქართველოს პრეზიდენტმა სალომე ზურაბიშვილმა პარლამენტის მიერ „საარჩევნო კოდექსში" მიღებულ ცვლილებებს ვეტო დაადო, რომელიც ცენტრალური საარჩევნო კომისიის გადაწყვეტილების მიღებას ამარტივებს.
ცვლილებები ითვალისწინებს ე.წ. ანტიჩიხური მექანიზმის შექმნას იმ შემთხვევის მოსაწესრიგებლად, როდესაც ცესკოს სხდომაზე კენჭისყრის შედეგად ვერ იქნა მიღებული ცესკოს ის გადაწყვეტილება, რომლის მისაღებად საჭიროა ცესკოს სრული შემადგენლობის არანაკლებ 2/3-ის მხარდაჭერა. იმავე სხდომაზე ჩატარდება მეორე კენჭისყრა და ამ შემთხვევაში გადაწყვეტილების მისაღებად ხმების 1/2 იქნება საკმარისი.
„ცვლილებით უქმდება ცესკოში გადაწყვეტილებების მისაღებად პარტიებს შორის კონსენსუსის საჭიროება და მმართველ პარტიას უჩნდება შესაძლებლობა, პრაქტიკულად, ერთპარტიულად მიიღოს გადაწყვეტილებები“, – ნათქვამია პრეზიდენტის ადმინისტრაციის ინფორმაციაში.
საუბარია ცენტრალური საარჩევნო კომისიის გადაწყვეტილებებზე, რომლებიც ეხება ქვედა რგოლის საარჩევნო კომისიების მიერ მიღებული გადაწყვეტილებების გაუქმებას, მათ შორის, საარჩევნო ოლქის/უბნის შედეგებს, საუბნო საარჩევნო კომისიიდან შემოსული პაკეტების გახსნას და ბიულეტენების გადათვლას.
კანონპროექტის ავტორებმა განმარტეს, რომ შემოღებული ცვლილებები ხელს შეუწყობს ცესკოს ეფექტურ ფუნქციონირებას და მის მუშაობაში დაბრკოლებების აღკვეთას.
პრეზიდენტის ვეტოს პარლამენტი განიხილავს, რის შემდეგაც კენჭისყრა გაიმართება. თუ პარლამენტის უმრავლესობა ზურაბიშვილის არგუმენტებს არაობიექტურად მიიჩნევს, იგი ვეტოს დაძლევას შეძლებს. თუ პრეზიდენტი ამჯერადაც უარს იტყვის კანონპროექტის ხელმოწერაზე, ამის გაკეთება პარლამენტის თავმჯდომარეს შეუძლია.
საპარლამენტო არჩევნები საქართველოში 26 ოქტომბერს გაიმართება.
