KazanForum-ზე საინვესტიციო და ინფრასტრუქტურული პროექტების გამოფენა გაიხსნა
15:42 15.05.2024 (განახლებულია: 12:05 16.05.2024)
© АНО "Дирекция спортивных и социальных проектов" / გადასვლა მედიაბანკშიგამოფენა Russia Halal Expo-ს გახსნა
![გამოფენა Russia Halal Expo-ს გახსნა გამოფენა Russia Halal Expo-ს გახსნა - Sputnik საქართველო, 1920, 15.05.2024](https://cdnn1.img.sputnik-georgia.com/img/07e8/05/10/287939874_0:157:3085:1892_1920x0_80_0_0_13345bde2a7081b65c073b77eabf70fe.jpg)
© АНО "Дирекция спортивных и социальных проектов"
/ გამოწერა
ყაზანში საერთაშორისო ეკონომიკური ფორუმი „რუსეთი - ისლამური სამყარო: KazanForum“ 14-19 მაისის პერიოდში იმართება.
თბილისი, 15 მაისი – Sputnik. ყაზანში რიგით მე-15 ეკონომიკური ფორუმის „რუსეთი - ისლამური სამყარო: KazanForum" ფარგლებში რუსეთის უმსხვილესი საინვესტიციო და ინფრასტრუქტურული პროექტების გამოფენა Russia Halal Expo გაიხსნა, იუწყება РИА Новости.
„ისლამური სამყარო ყოველთვის იყო და რჩება რუსეთისთვის ერთ-ერთ ყველაზე მნიშვნელოვან ეკონომიკურ პარტნიორად. ბოლო წლებში ჩვენი ბიზნეს-კავშირები სტაბილურად იზრდება და ძლიერდება. საკმარისია ითქვას, რომ რუსეთსა და ისლამური თანამშრომლობის ორგანიზაციის ქვეყნებს შორის ტვირთბრუნვა ბოლო სამი წლის განმავლობაში გაიზარდა 37%-ით და შეადგინა 156 მილიარდ დოლარზე მეტი“, - განაცხადა თათრეთის პრემიერ-მინისტრმა ალექსეი პესოშინმა გამოფენის გახსნაზე.
როგორც პესოშინმა აღნიშნა, დღეს რუსეთის ეკონომიკის სიმძლავრე მიზნად ისახავს საწარმოო ძალების და მომსახურების სექტორის ფართომასშტაბიან ზრდას, ინფრასტრუქტურული ქსელის ფართო გაძლიერებას, მოწინავე ტექნოლოგიების განვითარებას და ახალი თანამედროვე ინდუსტრიების შექმნას. მთელი ეს პოტენციალი წარმოდგენილია საერთაშორისო გამოფენაზე Russia Halal Expo. მისი თქმით, გამოფენაში რუსეთის 11 ქვეყანა და 17 რეგიონი მონაწილეობს.
„ეს არის რუსეთის ფედერაციის რეგიონებისა და ისლამური თანამშრომლობის ორგანიზაციის ქვეყნების ეკონომიკური, სამეცნიერო-ტექნოლოგიური თანამშრომლობის უდიდესი გამოფენა, რომელიც წარმოადგენს უნიკალურ სივრცეს ბიზნეს-პროექტების ხელშეწყობისა და განვითარებისთვის, იგი არის პლატფორმა ფორუმის მონაწილეებს შორის კონსტრუქციული დიალოგისთვის“, -აღნიშნა პრემიერ-მინისტრმა.
Russia Halal Expo გამოფენა მოიცავს საინვესტიციო და ინფრასტრუქტურულ პროექტებს, ისლამურ ეკონომიკაში ორმხრივად მომგებიანი ტექნოლოგიური ალიანსების პრეზენტაციას, B2B პროექტებს, ისლამური ეკონომიკის ინიციატივებს და ა.შ.
ყაზანში საერთაშორისო ეკონომიკური ფორუმი „რუსეთი - ისლამური სამყარო: KazanForum“ 14-19 მაისის პერიოდში იმართება. KazanForum არის პლატფორმა რუსეთსა და ისლამური თანამშრომლობის ორგანიზაციის ქვეყნებს შორის სავაჭრო, ეკონომიკური, სამეცნიერო, ტექნიკური, სოციალური და კულტურული კავშირების გასაძლიერებლად. რუსეთის ფედერაციის პრეზიდენტის ბრძანებულებით, ფორუმმა 2023 წელს მიიღო ფედერალური სტატუსი. საორგანიზაციო კომიტეტს ხელმძღვანელობს რუსეთის ფედერაციის ვიცე-პრემიერი მარატ ხუსნულინი.