https://sputnik-georgia.com/20240505/elevand-xels-sheuwobs-pinteq-ekosistemis-popularizacias-287757284.html
Elevand-ი ხელს შეუწყობს ქართული ფინტექ-ეკოსისტემის პოპულარიზაციას
Elevand-ი ხელს შეუწყობს ქართული ფინტექ-ეკოსისტემის პოპულარიზაციას
Sputnik საქართველო
ნათია თურნავას განცხადებით, საქართველოს საბანკო სექტორი რეგიონში ლიდერია გაციფრულებისა და ფინტექებთან თანამშრომლობის თვალსაზრისით. 05.05.2024-ს, Sputnik საქართველო
2024-05-05T15:55+0400
2024-05-05T15:55+0400
2024-05-05T15:55+0400
საქართველო
საქართველოს ეროვნული ბანკი
საქართველოს ეკონომიკა
ეკონომიკა
ახალი ამბები
https://cdnn1.img.sputnik-georgia.com/img/24539/48/245394890_1:0:3642:2048_1920x0_80_0_0_db7da7e1c366d2f70a751d83bb2d002f.jpg
თბილისი, 5 მაისი — Sputnik. საქართველოს ეროვნული ბანკი და სინგაპურული ორგანიზაცია Elevand-ი ფინანსური ტექნოლოგიების ინდუსტრიაში ცოდნისა და გამოცდილების გაზიარებაზე შეთანხმდნენ, ნათქვამია საქართველოს ეროვნული ბანკის განცხადებაში.ეროვნული ბანკის პრეზიდენტის მოვალეობის შემსრულებელმა ნათია თურნავამ და Elevand-ის აღმასრულებელმა დირექტორმა პატ პატელმა ურთიერთგაგების შესახებ მემორანდუმს ხელი აზიის განვითარების ბანკის (ADB) 57-ე ყოველწლიური შეხვედრის ფარგლებში მოაწერეს.აზიის განვითარების ბანკის ყოველწლიურ შეხვედრას საქართველო 2 მაისიდან 5 მაისის ჩათვლით მასპინძლობს. საერთაშორისო ფორუმში 68 ქვეყნის 4 ათასამდე დელეგატი მონაწილეობს, მათ შორის ADB-ის პრეზიდენტი, საერთაშორისო ფინანსური ინსტიტუტებისა და კერძო სექტორის, სამოქალაქო საზოგადოებისა და მედიის წარმომადგენლები.აღიარებენ რა საქართველოს პოტენციალს „შუა დერეფანში“, მხარეები განიხილავენ ურთიერთთანამშრომლობის შესაძლებლობას საქართველოს, როგორც რეგიონული ფინტექ-ჰაბის მხარდასაჭერად. სწორედ ამ მიზნით ორგანიზაცია თანახმაა მხარი დაუჭიროს ისეთ ინიციატივებს, რომლებიც საქართველოს ფინტექ-ეკოსისტემის პოპულარიზაციას ისახავს მიზნად.მხარეები გეგმავენ ერთობლივად მოაწყონ პირისპირ და ვირტუალური ფორმატის სემინარები და ტრენინგები, რომლებიც საქართველოში არსებული და პერსპექტიული ფინტექ კომპანიების ცნობიერებისა და ცოდნის გაზრდაზეა მიმართული.მემორანდუმის მიხედვით, მხარეები იღებენ ვალდებულებას მოაწყონ მრგვალი მაგიდის დისკუსიები და ფორუმები, რომლებიც გააერთიანებს მარეგულირებელი ორგანოების, პოლიტიკის სფეროს წარმომადგენლებს, დარგის ლიდერებს და სხვა დაინტერესებულ მხარეებს ფინტექის სფეროში თანამშრომლობის შესაძლებლობების შესასწავლად, გამოწვევების მოსაგვარებლად და ფინანსური ტექნოლოგიების განვითარებისთვის ხელსაყრელი გარემოს ხელშესაწყობად.Elevand – სინგაპურის მონეტარული ორგანოს (Monetary Authority of Singapore) მიერ დაარსებული არაკომერციული ორგანიზაციაა, რომელიც მთავრობის, ბიზნესის, საგანმანათლებლო წრეებისა და სამოქალაქო საზოგადოების ლიდერებთან ურთიერთობით ხელს უწყობს საერთაშორისო თანამშრომლობას ნოვატორული ტექნოლოგიების, მათი გამოყენებისა და დანერგვის მიმართულებით.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეროვნული ბანკი , საქართველოს ეკონომიკა, ეკონომიკა, ახალი ამბები
საქართველო, საქართველოს ეროვნული ბანკი , საქართველოს ეკონომიკა, ეკონომიკა, ახალი ამბები
Elevand-ი ხელს შეუწყობს ქართული ფინტექ-ეკოსისტემის პოპულარიზაციას
ნათია თურნავას განცხადებით, საქართველოს საბანკო სექტორი რეგიონში ლიდერია გაციფრულებისა და ფინტექებთან თანამშრომლობის თვალსაზრისით.
თბილისი, 5 მაისი — Sputnik. საქართველოს ეროვნული ბანკი და სინგაპურული ორგანიზაცია Elevand-ი ფინანსური ტექნოლოგიების ინდუსტრიაში ცოდნისა და გამოცდილების გაზიარებაზე შეთანხმდნენ, ნათქვამია საქართველოს ეროვნული ბანკის განცხადებაში.
ეროვნული ბანკის პრეზიდენტის მოვალეობის შემსრულებელმა ნათია თურნავამ და Elevand-ის აღმასრულებელმა დირექტორმა პატ პატელმა ურთიერთგაგების შესახებ მემორანდუმს ხელი აზიის განვითარების ბანკის (ADB) 57-ე ყოველწლიური შეხვედრის ფარგლებში მოაწერეს.
აზიის განვითარების ბანკის ყოველწლიურ შეხვედრას საქართველო 2 მაისიდან 5 მაისის ჩათვლით მასპინძლობს. საერთაშორისო ფორუმში 68 ქვეყნის 4 ათასამდე დელეგატი მონაწილეობს, მათ შორის ADB-ის პრეზიდენტი, საერთაშორისო ფინანსური ინსტიტუტებისა და კერძო სექტორის, სამოქალაქო საზოგადოებისა და მედიის წარმომადგენლები.
„მემორანდუმის მიზანია საქართველოს ეროვნულ ბანკსა და Elevand-ს შორის თანამშრომლობის გაღრმავება. მემორანდუმის მიხედვით, მხარეები გამოთქვამენ მზადყოფნას სამომავლო თანამშრომლობისათვის, რათა ჩამოაყალიბონ თანამშრომლობის საფუძველი განვითარების მხარდასაჭერად, რამაც ხელი უნდა შეუწყო ცოდნისა და გამოცდილების ეფექტურ გაზიარებას ფინანსური ტექნოლოგიების ინდუსტრიაში“, - ნათქვამია განცხადებაში.
აღიარებენ რა საქართველოს პოტენციალს „შუა დერეფანში“, მხარეები განიხილავენ ურთიერთთანამშრომლობის შესაძლებლობას საქართველოს, როგორც რეგიონული ფინტექ-ჰაბის მხარდასაჭერად. სწორედ ამ მიზნით ორგანიზაცია თანახმაა მხარი დაუჭიროს ისეთ ინიციატივებს, რომლებიც საქართველოს ფინტექ-ეკოსისტემის პოპულარიზაციას ისახავს მიზნად.
მხარეები გეგმავენ ერთობლივად მოაწყონ პირისპირ და ვირტუალური ფორმატის სემინარები და ტრენინგები, რომლებიც საქართველოში არსებული და პერსპექტიული ფინტექ კომპანიების ცნობიერებისა და ცოდნის გაზრდაზეა მიმართული.
მემორანდუმის მიხედვით, მხარეები იღებენ ვალდებულებას მოაწყონ მრგვალი მაგიდის დისკუსიები და ფორუმები, რომლებიც გააერთიანებს მარეგულირებელი ორგანოების, პოლიტიკის სფეროს წარმომადგენლებს, დარგის ლიდერებს და სხვა დაინტერესებულ მხარეებს ფინტექის სფეროში თანამშრომლობის შესაძლებლობების შესასწავლად, გამოწვევების მოსაგვარებლად და ფინანსური ტექნოლოგიების განვითარებისთვის ხელსაყრელი გარემოს ხელშესაწყობად.
Elevand – სინგაპურის მონეტარული ორგანოს (Monetary Authority of Singapore) მიერ დაარსებული არაკომერციული ორგანიზაციაა, რომელიც მთავრობის, ბიზნესის, საგანმანათლებლო წრეებისა და სამოქალაქო საზოგადოების ლიდერებთან ურთიერთობით ხელს უწყობს საერთაშორისო თანამშრომლობას ნოვატორული ტექნოლოგიების, მათი გამოყენებისა და დანერგვის მიმართულებით.
