https://sputnik-georgia.com/20240404/xelisuflebam-opozicias-lgbt-propagandis-amkrzalavi-kanonproeqtebis-ganxilvisken-mouwoda-287182596.html
ხელისუფლებამ ოპოზიციას ლგბტ-პროპაგანდის ამკრძალავი კანონპროექტების განხილვისკენ მოუწოდა
ხელისუფლებამ ოპოზიციას ლგბტ-პროპაგანდის ამკრძალავი კანონპროექტების განხილვისკენ მოუწოდა
Sputnik საქართველო
კანონპროექტების ეროვნული განხილვა გაიმართება როგორც თბილისში, ასევე რეგიონებში 04.04.2024-ს, Sputnik საქართველო
2024-04-04T23:58+0400
2024-04-04T23:58+0400
2024-04-05T07:37+0400
ახალი ამბები
საქართველო
პოლიტიკა საქართველოში
პოლიტიკა
საქართველოს პარლამენტის თავმჯდომარე
საქართველოს პარლამენტი
ლგბტ-თემის პრობლემები
https://cdnn1.img.sputnik-georgia.com/img/07e8/04/04/287174893_0:3:881:498_1920x0_80_0_0_8aab3774712ec86ed15f727f4b5ba1b7.jpg
თბილისი, 4 აპრილი – Sputnik. საქართველოს პარლამენტის თავმჯდომარემ შალვა პაპუაშვილმა მოუწოდა ოპოზიციას მონაწილეობა მიიღოს საკონსტიტუციო ცვლილებების საყოველთაო განხილვაში, რომლებიც ოჯახური ფასეულობებისა და არასრულწლოვანთა დაცვასა და ლგბტ პროპაგანდის აკრძალვას ითვალისწინებს.საპარლამენტო უმრავლესობის მიერ ინიცირებული კანონპროექტებით, იკრძალება ერთნაირსქესიანთა ქორწინება, სქესის შეცვლა, გენდერული მახასიათებლების განმსაზღვრელი ცნებების გამოყენების შეზღუდვა და ამ ყველაფრის პროპაგანდა. საყოველთაო განხილვა დაიწყება მას შემდეგ, რაც შესაბამისი კომისია შეიქმნება.ამ კომისიის ამოცანაა მოაწყოს შეხვედრები საზოგადოებასთან, მათ შორის რეგიონებში, გააცნოს კანონპროექტების პაკეტი და მოისმინოს მოსაზრებები, უნდა დარეგულირდეს თუ არა ესა თუ ის საკითხი კონსტიტუციური კანონით და როგორ უნდა დარეგულირდეს.საქართველოს ხელისუფლებამ ლგბტ პროპაგანდის აკრძალვის გეგმების შესახებ მარტის ბოლოს განაცხადა. არგუმენტად დასახელდა ოჯახური ღირებულებების და მომავალი თაობის დაცვის აუცილებლობა ფსევდო-ლიბერალური პროპაგანდის მოსალოდნელი გამოუსწორებელი შედეგებისგან.ინიცირებულია ორი კანონპროექტი - ცვლილებები საქართველოს კონსტიტუციაში და საკონსტიტუციო კანონპროექტი „ოჯახური ღირებულებებისა და არასრულწლოვანთა დაცვის შესახებ“.კანონპროექტი ლგბტ-პროპაგანდის წინააღმდეგ და ოჯახური ღირებულებების დაცვის შესახებ: დეტალები>>ამ კანონპროექტების მისაღებად საჭიროა პარლამენტის დეპუტატთა სიითი შემადგენლობის 2/3-ის ხმა, ანუ მინიმუმ 113 დეპუტატი. საპარლამენტო უმრავლესობას, რომელსაც წარმოადგენს „ქართული ოცნება“ და „ხალხის ძალა“, ამჟამად პარლამენტში მხოლოდ 83 ადგილი აქვს.მმართველ პარტია „ქართულ ოცნებაში“ უკვე განაცხადეს, რომ ოპოზიციის მხარდაჭერის იმედი არ აქვთ. ოპონენტების მხარდაჭერის გარეშე, ამჟამინდელი პარლამენტის პირობებში, ისინი აპირებენ მიიღონ ცვლილებები კანონებში, რომლებიც იცავს ოჯახურ ფასეულობებს და კრძალავს ლგბტ პროპაგანდას, რასაც 76 ხმა სჭირდება.საქართველოში საპარლამენტო არჩევნები 26 ოქტომბერს გაიმართება.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2024
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, პოლიტიკა საქართველოში, პოლიტიკა, საქართველოს პარლამენტის თავმჯდომარე , საქართველოს პარლამენტი, ლგბტ-თემის პრობლემები
ახალი ამბები, საქართველო, პოლიტიკა საქართველოში, პოლიტიკა, საქართველოს პარლამენტის თავმჯდომარე , საქართველოს პარლამენტი, ლგბტ-თემის პრობლემები
ხელისუფლებამ ოპოზიციას ლგბტ-პროპაგანდის ამკრძალავი კანონპროექტების განხილვისკენ მოუწოდა
23:58 04.04.2024 (განახლებულია: 07:37 05.04.2024) კანონპროექტების ეროვნული განხილვა გაიმართება როგორც თბილისში, ასევე რეგიონებში
თბილისი, 4 აპრილი – Sputnik. საქართველოს პარლამენტის თავმჯდომარემ შალვა პაპუაშვილმა მოუწოდა ოპოზიციას მონაწილეობა მიიღოს საკონსტიტუციო ცვლილებების საყოველთაო განხილვაში, რომლებიც ოჯახური ფასეულობებისა და არასრულწლოვანთა დაცვასა და ლგბტ პროპაგანდის აკრძალვას ითვალისწინებს.
საპარლამენტო უმრავლესობის მიერ ინიცირებული კანონპროექტებით, იკრძალება ერთნაირსქესიანთა ქორწინება, სქესის შეცვლა, გენდერული მახასიათებლების განმსაზღვრელი ცნებების გამოყენების შეზღუდვა და ამ ყველაფრის პროპაგანდა. საყოველთაო განხილვა დაიწყება მას შემდეგ, რაც შესაბამისი კომისია შეიქმნება.
„მინდა მივმართო ყველა ფრაქციასა და პოლიტიკურ ჯგუფს შემდეგი წინადადებით, რომ დაასახელონ თითო წარმომადგენელი საყოველთაო სახალხო განხილვის კომისიაში. მივმართავ ოპოზიციას, გამოიყენონ შესაძლებლობა, ჩაერთონ დისკუსიაში, საზოგადოებისთვის მნიშვნელოვანი საკითხია“, - განაცხადა პაპუაშვილმა.
ამ კომისიის ამოცანაა მოაწყოს შეხვედრები საზოგადოებასთან, მათ შორის რეგიონებში, გააცნოს კანონპროექტების პაკეტი და მოისმინოს მოსაზრებები, უნდა დარეგულირდეს თუ არა ესა თუ ის საკითხი კონსტიტუციური კანონით და როგორ უნდა დარეგულირდეს.
საქართველოს ხელისუფლებამ ლგბტ პროპაგანდის აკრძალვის გეგმების შესახებ მარტის ბოლოს განაცხადა. არგუმენტად დასახელდა ოჯახური ღირებულებების და მომავალი თაობის დაცვის აუცილებლობა ფსევდო-ლიბერალური პროპაგანდის მოსალოდნელი გამოუსწორებელი შედეგებისგან.
ინიცირებულია ორი კანონპროექტი - ცვლილებები საქართველოს კონსტიტუციაში და საკონსტიტუციო კანონპროექტი „ოჯახური ღირებულებებისა და არასრულწლოვანთა დაცვის შესახებ“.
ამ კანონპროექტების მისაღებად საჭიროა პარლამენტის დეპუტატთა სიითი შემადგენლობის 2/3-ის ხმა, ანუ მინიმუმ 113 დეპუტატი. საპარლამენტო უმრავლესობას, რომელსაც წარმოადგენს „ქართული ოცნება“ და „ხალხის ძალა“, ამჟამად პარლამენტში მხოლოდ 83 ადგილი აქვს.
მმართველ პარტია „ქართულ ოცნებაში“ უკვე განაცხადეს, რომ ოპოზიციის მხარდაჭერის იმედი არ აქვთ. ოპონენტების მხარდაჭერის გარეშე, ამჟამინდელი პარლამენტის პირობებში, ისინი აპირებენ მიიღონ ცვლილებები კანონებში, რომლებიც იცავს ოჯახურ ფასეულობებს და კრძალავს ლგბტ პროპაგანდას, რასაც 76 ხმა სჭირდება.
საქართველოში საპარლამენტო არჩევნები 26 ოქტომბერს გაიმართება.
