https://sputnik-georgia.com/20240327/strasburgma-gvaramias-sarcheli-ar-miigo-287062209.html
სტრასბურგის სასამართლომ გვარამიას სარჩელი განსახილველად არ მიიღო
სტრასბურგის სასამართლომ გვარამიას სარჩელი განსახილველად არ მიიღო
Sputnik საქართველო
გვარამიამ სტრასბურგის სასამართლოს მას შემდეგ მიმართა, რაც მისი სარჩელი უზენაესმა სასამართლომ დაუშვებლად მიიჩნია 27.03.2024-ს, Sputnik საქართველო
2024-03-27T19:00+0400
2024-03-27T19:00+0400
2024-03-28T08:25+0400
საქართველო
პოლიტიკა საქართველოში
ადამიანის უფლებათა ევროპული სასამართლო
საზოგადოება
ქართული ოპოზიცია
ახალი ამბები
https://cdnn1.img.sputnik-georgia.com/img/07e6/05/10/266667655_0:0:1801:1014_1920x0_80_0_0_459b22d9fe60c026125018085f50c27c.jpg
თბილისი, 27 მარტი — Sputnik. ადამიანის უფლებათა ევროპულმა სასამართლომ „რუსთავი 2-ის" ყოფილი გენდირექტორის, ოპოზიციური ტელეკომპანია „მთავარი არხის" დამფუძნებლის, აამჟამად პარტია „ახალის" ლიდერის ნიკა გვარამიას სარჩელი განსახილველად არ მიიღო. ამის თაობაზე სოციალურ ქსელში გვარამიამ დაწერა.გვარამიამ სასამართლოს მას შემდეგ მიმართა, რაც უზენაესმა სასამართლომ მისი სარჩელი დაუშვებლად მიიჩნია და ძალაში დატოვა თბილისის სააპელაციო სასამართლოს 2022 წლის 2 ნოემბრის გადაწყვეტილება, რომელმაც, თავის მხრივ, ძალაში დატოვა პირველი ინსტანციის სასამართლოს გადაწყვეტილება.გვარამია 2022 წლის 16 მაისიდან პატიმრობაში იმყოფებოდა. იგი, განაჩენის გამოტანისთანავე, თბილისის საქალაქო სასამართლოს სხდომათა დარბაზში დააკავეს. მას სამსახურებრივი უფლებამოსილების გადამეტებისთვის 3 წლითა 6 თვით თავისუფლების აღკვეთა მიესაჯა. საუბარია ტელეკომპანია „რუსთავი 2“-სთვის 6,8 მილიონი ლარის ოდენობის ზარალის მიყენებაზე მაშინ, როცა გვარამია მისი გენერალური დირექტორი იყო.მისი თქმით, ეს სამწუხარო ამბავია, მაგრამ „რუსთავი 2“-ის საქმეზე ამავე სასამართლოს გადაწყვეტილების შემდეგ მისთვის გასაკვირი ნამდვილად არაა.„არა უშავს, შეიცვლება ხელისუფლებაც, შეიცვლება სასამართლოც და ყველა პოლიტიკური საქმის ყველა დეტალს დაწვრილებით გავიგებთ, ჩვენც და ევროპული სასამართლოც“, - დაწერა გვარამიამ.მმართველ პარტიაში არაერთხელ განაცხადეს, რომ გვარამიამ თანხების „გადაქაჩვა" ტელეკომპანიიდან მაშინ დაიწყო, როცა მისი დაბრუნება ყოფილმა მფლობელმა ქიბარ ხალვაშმა გადაწყვიტა. ხალვაშის თქმით, გვარამიას მთავარი მიზანი „რუსთავი 2"-ის გაკოტრება იყო, რათა კომპანიის დაბრუნებას კანონიერი მფლობელისთვის აზრი დაეკარგა.ოპოზიციის წარმომადგენლებმა არაერთხელ მოითხოვეს გვარამიას გათავისუფლება, რომელსაც პოლიტპატიმარს, სასამართლოს გადაწყვეტილებას კი უსამართლოს უწოდებდნენ. შედეგად, საქართველოს პრეზიდენტმა სალომე ზურაბიშვილმა გვარამია 2023 წლის 22 ივნისს შეიწყალა.გვარამიამ ციხის დატოვებისთანავე განაცხადა, რომ აღარ იქნება „მთავარი არხის" ხელმძღვანელი. 2023 წლის სექტემბერში მან პირდაპირ განაცხადა, რომ პოლიტიკაში აპირებს მოსვლას. 2024 წლის მარტში გვარამიამ „ნაცმოძრაობის" ექს-თავმჯდომარე ნიკა მელიასთან ერთად ოპოზიციური პარტია „ახალი" დააფუძნა.რეაქციები სტრასბურგის სასამართლოს გადაწყვეტილებაზეამ სამართლებრივი ჟესტით კიდევ ერთხელ დადასტურდა, რომ ქართული კანონის წინაშე ნიკა გვარამია დამნაშავე იყო და უმნიშვნელოა, ის აღიარებდა თუ არა მის მიმართ წაყენებულ ბრალს, აცხადებს პარტია „ხალხის ძალის“ წევრი თამთა მეგრელიშვილი.უფრო მეტიც, სტრასბურგის სასამართლომ მათი პოზიციის არაკანონიერებაში და ტყუილში ამხილა აშშ-ის ყოფილი ელჩი კელი დეგნანი და ევროკავშირის ყოფილი ელჩი კარლ ჰარცელი, რომლებიც ნიკა გვარამიას საქმესთან დაკავშირებით პოლიტიკურ მართლმსაჯულებაზე საუბრობდნენ, აღნიშნა მეგრელიშვილმა.მისი თქმით, სტრასბურგის სასამართლომ ასევე ეჭვქვეშ დააყენა გვარამიას შეწყალების თაობაზე ზურაბიშვილის გადაწყვეტილება.„რადგან სტრასბურგის სასამართლომ არ დაუშვა რა გვარამიას სარჩელი განხილვაზეც, პირდაპირ დაადასტურა, რომ პრეზიდენტმა დამნაშავე კრიმინალი შეიწყალა და ის ამ შეწყალებისას არა სამართლიანობის, არამედ „ნაციონალური მოძრაობის" პოლიტიკური დავალებით მოქმედებდა", - განაცხადა მეგრელიშვილმა.სტრასბურგის სასამართლოს გადაწყვეტილებასთან დაკავშირებით კითხვის ნიშნები არ გასჩენია ოპოზიციონერ დეპუტატ თეონა აქუბარდიას.„ბრალდება, რომლითაც ნიკა გვარამია ციხეში იჯდა, საქართველოში აქამდე არ გამოუყენებიათ. ეს ფაქტი იყო. რაც შეეხება სტრასბურგს, თუ რატომ არ მიიღო ერთმა მოსამართლემ სარჩელი, ამის შესახებ ინფორმაცია არ მაქვს. მე ეჭვქვეშ არ ვაყენებ სტრასბურგის გადაწყვეტილებებს“, - განაცხადა აქუბარდიამ.თავის მხრივ, გვარამიას დაპატიმრებაში პოლიტიკურ მოტივებს ხედავს პარტია „აღმაშენებლის" გენმდივანი, ოპოზიციონერი დეპუტატი პაატა მანჯგალაძე.„ამ საკითხს კვლავინდებურად ასე ვუყურებ, პოზიცია არ შემიცვლია იმის მიუხედავად, ოპონენტები ვართ თუ არა. რაც შეეხება სტრასბურგს, საქმეს არ ვიცნობ და არ ვიცი, რა მიმართულებით იყო წარდგენილი სარჩელი... სტრასბურგის სასამართლო იმსახურებს პატივისცემას“, - აღნიშნა მანჯგალაძემ.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2024
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, პოლიტიკა საქართველოში, ადამიანის უფლებათა ევროპული სასამართლო, საზოგადოება, ქართული ოპოზიცია, ახალი ამბები
საქართველო, პოლიტიკა საქართველოში, ადამიანის უფლებათა ევროპული სასამართლო, საზოგადოება, ქართული ოპოზიცია, ახალი ამბები
სტრასბურგის სასამართლომ გვარამიას სარჩელი განსახილველად არ მიიღო
19:00 27.03.2024 (განახლებულია: 08:25 28.03.2024) გვარამიამ სტრასბურგის სასამართლოს მას შემდეგ მიმართა, რაც მისი სარჩელი უზენაესმა სასამართლომ დაუშვებლად მიიჩნია
თბილისი, 27 მარტი — Sputnik. ადამიანის უფლებათა ევროპულმა სასამართლომ „რუსთავი 2-ის" ყოფილი გენდირექტორის, ოპოზიციური ტელეკომპანია „მთავარი არხის" დამფუძნებლის, აამჟამად პარტია „ახალის" ლიდერის ნიკა გვარამიას სარჩელი განსახილველად არ მიიღო. ამის თაობაზე სოციალურ ქსელში გვარამიამ დაწერა.
გვარამიამ სასამართლოს მას შემდეგ მიმართა, რაც უზენაესმა სასამართლომ მისი სარჩელი დაუშვებლად მიიჩნია და ძალაში დატოვა თბილისის სააპელაციო სასამართლოს 2022 წლის 2 ნოემბრის გადაწყვეტილება, რომელმაც, თავის მხრივ, ძალაში დატოვა პირველი ინსტანციის სასამართლოს გადაწყვეტილება.
გვარამია 2022 წლის 16 მაისიდან პატიმრობაში იმყოფებოდა. იგი, განაჩენის გამოტანისთანავე, თბილისის საქალაქო სასამართლოს სხდომათა დარბაზში დააკავეს. მას სამსახურებრივი უფლებამოსილების გადამეტებისთვის 3 წლითა 6 თვით თავისუფლების აღკვეთა მიესაჯა. საუბარია ტელეკომპანია „რუსთავი 2“-სთვის 6,8 მილიონი ლარის ოდენობის ზარალის მიყენებაზე მაშინ, როცა გვარამია მისი გენერალური დირექტორი იყო.
„ძალიან ვწუხვარ, მაგრამ სტრასბურგის ადამიანის უფლებათა სასამართლომ განსახილველად არ მიიღო ჩემი სარჩელი. ერთმა მოსამართლემ გადაწყვიტა, რომ საქმე საერთოდ არ განიხილება და მან ისეთი ვერაფერი დაინახა საქმეში, რაც მსოფლიოს ყველა უფლებადამცველმა ორგანიზაციამ დაინახა და ხმამაღლა გააპროტესტა", - დაწერა გვარამიამ.
მისი თქმით, ეს სამწუხარო ამბავია, მაგრამ „რუსთავი 2“-ის საქმეზე ამავე სასამართლოს გადაწყვეტილების შემდეგ მისთვის გასაკვირი ნამდვილად არაა.
„არა უშავს, შეიცვლება ხელისუფლებაც, შეიცვლება სასამართლოც და ყველა პოლიტიკური საქმის ყველა დეტალს დაწვრილებით გავიგებთ, ჩვენც და ევროპული სასამართლოც“, - დაწერა გვარამიამ.
მმართველ პარტიაში არაერთხელ განაცხადეს, რომ გვარამიამ თანხების „გადაქაჩვა" ტელეკომპანიიდან მაშინ დაიწყო, როცა მისი დაბრუნება ყოფილმა მფლობელმა ქიბარ ხალვაშმა გადაწყვიტა. ხალვაშის თქმით, გვარამიას მთავარი მიზანი „რუსთავი 2"-ის გაკოტრება იყო, რათა კომპანიის დაბრუნებას კანონიერი მფლობელისთვის აზრი დაეკარგა.
ოპოზიციის წარმომადგენლებმა არაერთხელ მოითხოვეს გვარამიას გათავისუფლება, რომელსაც პოლიტპატიმარს, სასამართლოს გადაწყვეტილებას კი უსამართლოს უწოდებდნენ. შედეგად, საქართველოს პრეზიდენტმა სალომე ზურაბიშვილმა გვარამია 2023 წლის 22 ივნისს შეიწყალა.
გვარამიამ ციხის დატოვებისთანავე განაცხადა, რომ აღარ იქნება „მთავარი არხის" ხელმძღვანელი. 2023 წლის სექტემბერში მან პირდაპირ განაცხადა, რომ პოლიტიკაში აპირებს მოსვლას. 2024 წლის მარტში გვარამიამ „ნაცმოძრაობის" ექს-თავმჯდომარე ნიკა მელიასთან ერთად ოპოზიციური პარტია „ახალი" დააფუძნა.
რეაქციები სტრასბურგის სასამართლოს გადაწყვეტილებაზე
ამ სამართლებრივი ჟესტით კიდევ ერთხელ დადასტურდა, რომ ქართული კანონის წინაშე ნიკა გვარამია დამნაშავე იყო და უმნიშვნელოა, ის აღიარებდა თუ არა მის მიმართ წაყენებულ ბრალს, აცხადებს პარტია „ხალხის ძალის“ წევრი თამთა მეგრელიშვილი.
უფრო მეტიც, სტრასბურგის სასამართლომ მათი პოზიციის არაკანონიერებაში და ტყუილში ამხილა აშშ-ის ყოფილი ელჩი კელი დეგნანი და ევროკავშირის ყოფილი ელჩი კარლ ჰარცელი, რომლებიც ნიკა გვარამიას საქმესთან დაკავშირებით პოლიტიკურ მართლმსაჯულებაზე საუბრობდნენ, აღნიშნა მეგრელიშვილმა.
„სტრასბურგის სასამართლომ ასევე ამხილა ე.წ. ფსევდოლიბერალური ელიტა, რომელიც გამუდმებით გვარამიას უდანაშაულობაზე საუბრობდა. მან ასევე არ დაინდო ადგილობრივი “ენჯეო სექტორი” რომელიც მუდმივად პოლიტიკურ მართლმსაჯულებასა და გადაწყვეტილების დაუსაბუთებლობაზე აპელირებდა", - განაცხადა მეგრელიშვილმა.
მისი თქმით, სტრასბურგის სასამართლომ ასევე ეჭვქვეშ დააყენა გვარამიას შეწყალების თაობაზე ზურაბიშვილის გადაწყვეტილება.
„რადგან სტრასბურგის სასამართლომ არ დაუშვა რა გვარამიას სარჩელი განხილვაზეც, პირდაპირ დაადასტურა, რომ პრეზიდენტმა დამნაშავე კრიმინალი შეიწყალა და ის ამ შეწყალებისას არა სამართლიანობის, არამედ „ნაციონალური მოძრაობის" პოლიტიკური დავალებით მოქმედებდა", - განაცხადა მეგრელიშვილმა.
სტრასბურგის სასამართლოს გადაწყვეტილებასთან დაკავშირებით კითხვის ნიშნები არ გასჩენია ოპოზიციონერ დეპუტატ თეონა აქუბარდიას.
„ბრალდება, რომლითაც ნიკა გვარამია ციხეში იჯდა, საქართველოში აქამდე არ გამოუყენებიათ. ეს ფაქტი იყო. რაც შეეხება სტრასბურგს, თუ რატომ არ მიიღო ერთმა მოსამართლემ სარჩელი, ამის შესახებ ინფორმაცია არ მაქვს. მე ეჭვქვეშ არ ვაყენებ სტრასბურგის გადაწყვეტილებებს“, - განაცხადა აქუბარდიამ.
თავის მხრივ, გვარამიას დაპატიმრებაში პოლიტიკურ მოტივებს ხედავს პარტია „აღმაშენებლის" გენმდივანი, ოპოზიციონერი დეპუტატი პაატა მანჯგალაძე.
„ამ საკითხს კვლავინდებურად ასე ვუყურებ, პოზიცია არ შემიცვლია იმის მიუხედავად, ოპონენტები ვართ თუ არა. რაც შეეხება სტრასბურგს, საქმეს არ ვიცნობ და არ ვიცი, რა მიმართულებით იყო წარდგენილი სარჩელი... სტრასბურგის სასამართლო იმსახურებს პატივისცემას“, - აღნიშნა მანჯგალაძემ.
