https://sputnik-georgia.com/20240223/kaxetshi-gzebis-mshenebloba-aqtiurad-mimdinareobs-286496078.html
კახეთში გზების მშენებლობა აქტიურ რეჟიმში მიმდინარეობს
კახეთში გზების მშენებლობა აქტიურ რეჟიმში მიმდინარეობს
Sputnik საქართველო
კახეთის მიმართულებით მშენებარე ახალი გზები სრულად განტვირთავს მოძრაობას დასახლებულ პუნქტებში, რითაც უზრუნველყოფს გადაადგილების უსაფრთხოების მაღალ სტანდარტს და... 23.02.2024-ს, Sputnik საქართველო
2024-02-23T13:06+0400
2024-02-23T13:06+0400
2024-02-23T13:06+0400
საქართველო
საქართველოს რეგიონული განვითარებისა და ინფრასტრუქტურის სამინისტრო
საავტომობილო გზების დეპარტამენტი
ტრანსპორტი საქართველოში
ახალი ამბები
https://cdnn1.img.sputnik-georgia.com/img/07e6/09/02/270041786_0:0:1499:844_1920x0_80_0_0_7377b1296912fbaecfc8ddf1700b4e3b.jpg
თბილისი, 23 თებერვალი — Sputnik. თბილისი-საგარეჯოს მაგისტრალური გზის 31-კილომეტრიანი და ბაკურციხე-წნორის 16,6 კილომეტრიანი მონაკვეთების მშენებლობა ინტენსიურად გრძელდება, ნათქვამია რეგიონული განვითარებისა და ინფრასტრუქტურის სამინისტროს განცხადებაში.თბილისი-საგარეჯოს მაგისტრალური გზა, თბილისის კახეთთან დამაკავშირებელი ძირითადი მაგისტრალის და ასევე, აზერბაიჯანის ჩრდილო–დასავლეთ რეგიონთან დამაკავშირებელი სატრანზიტო დერეფანის ნაწილია. მშენებლობა სახელმწიფო ბიუჯეტიდან ფინანსდება და მისი ღირებულება, საერთო ჯამში, 527 მილიონ ლარს აღემატება.თბილისი-საგარეჯოს გზის პროექტის ფარგლებში, შენდება ოთხზოლიანი ასფალტ-ბეტონის საფარიანი, გარე განათების სისტემით აღჭურვილი ჩქაროსნული საავტომობილო გზა. 35-კილომეტრიან ახალ ჩაქროსნულ მაგისტრალზე, პირველი ოთხკილომეტრიანი, ოთხზოლიანი მონაკვეთის (ვაზიანის შემოვლითი გზის) მშენებლობა უკვე დასრულდა და გზის ამ მონაკვეთზე ავტოტრანსპორტი უკვე მოძრაობს. რაც შეეხება ბაკურციხე–წნორის 16,6 კილომეტრიანი შემოვლითი გზის მშენებლობას, ამ ეტაპზე მიმდინარეობს სამშენებლო ობიექტზე მიწაყრილის მოწყობა, სახიდე გადასასვლელების, ხელოვნური ნაგებობების მშენებლობა და ასფალტ-ბეტონის საფარის მოწყობა.გზის ეს მონაკვეთი კახეთის რეგიონის ერთ-ერთი მთავარი გზის ნაწილია (თბილისი–ბაკურციხე–ლაგოდეხი), რომელსაც სატრანზიტო მოძრაობის მაღალი ინტენსივობა ახასიათებს. ამჟამად მოქმედი გზა მჭიდროდ დასახლებულ სოფლებზე გადის, ამიტომ გახდა საჭირო შემოვლითი გზის მშენებლობა.შემოვლითი გზა ალაზნის ველის მხარეს აშენდება და ის თბილისი–ბაკურციხე–ლაგოდეხი–აზერბაიჯანის საზღვრის საერთაშორისო გზის ახალი მონაკვეთი გახდება. ეს გზა გვერდს აუვლის მჭიდროდ დასახლებულ წნორსა და მიმდებარე ექვს სოფელს (ბაკურციხე, კარდენახი, ანაგა, ვაქირი, მაშნაარი, საქობო).შესაბამისად, ლაგოდეხისა და აზერბაიჯანის საზღვრის მიმართულებით მოძრავ ტრანსპორტს აღარ დასჭირდება ბაკურციხიდან წნორამდე სოფლების გავლა, არამედ შემოვლითი გზით ისარგებლებს.კახეთის საგზაო ინფრასტრუქტურის განვითარებისთვის, ასევე გრძელდება გომბორის საგზაო მონაკვეთის რეაბილიტაცია და ომალოს გზის საგზაო ინფრასტრუქტურის რეაბილიტაციისა და საგზაო უსაფრთხოების გაუმჯობესების პროექტი.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2024
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e6/09/02/270041786_155:0:1488:1000_1920x0_80_0_0_8da0f6a1a59b15664bf527118af09f26.jpgSputnik საქართველო
media@sputniknews.com
+74956456601
MIA „Rosiya Segodnya“
საქართველო, საქართველოს რეგიონული განვითარებისა და ინფრასტრუქტურის სამინისტრო, საავტომობილო გზების დეპარტამენტი, ტრანსპორტი საქართველოში, ახალი ამბები
საქართველო, საქართველოს რეგიონული განვითარებისა და ინფრასტრუქტურის სამინისტრო, საავტომობილო გზების დეპარტამენტი, ტრანსპორტი საქართველოში, ახალი ამბები
კახეთში გზების მშენებლობა აქტიურ რეჟიმში მიმდინარეობს
კახეთის მიმართულებით მშენებარე ახალი გზები სრულად განტვირთავს მოძრაობას დასახლებულ პუნქტებში, რითაც უზრუნველყოფს გადაადგილების უსაფრთხოების მაღალ სტანდარტს და შეამცირებს მგზავრობის დროს.
თბილისი, 23 თებერვალი — Sputnik. თბილისი-საგარეჯოს მაგისტრალური გზის 31-კილომეტრიანი და ბაკურციხე-წნორის 16,6 კილომეტრიანი მონაკვეთების მშენებლობა ინტენსიურად გრძელდება, ნათქვამია რეგიონული განვითარებისა და ინფრასტრუქტურის სამინისტროს განცხადებაში.
თბილისი-საგარეჯოს მაგისტრალური გზა, თბილისის კახეთთან დამაკავშირებელი ძირითადი მაგისტრალის და ასევე, აზერბაიჯანის ჩრდილო–დასავლეთ რეგიონთან დამაკავშირებელი სატრანზიტო დერეფანის ნაწილია. მშენებლობა სახელმწიფო ბიუჯეტიდან ფინანსდება და მისი ღირებულება, საერთო ჯამში, 527 მილიონ ლარს აღემატება.
თბილისი-საგარეჯოს გზის პროექტის ფარგლებში, შენდება ოთხზოლიანი ასფალტ-ბეტონის საფარიანი, გარე განათების სისტემით აღჭურვილი ჩქაროსნული საავტომობილო გზა. 35-კილომეტრიან ახალ ჩაქროსნულ მაგისტრალზე, პირველი ოთხკილომეტრიანი, ოთხზოლიანი მონაკვეთის (ვაზიანის შემოვლითი გზის) მშენებლობა უკვე დასრულდა და გზის ამ მონაკვეთზე ავტოტრანსპორტი უკვე მოძრაობს.
ამ ეტაპზე თბილისი-საგარეჯოს მაგისტრალური გზის დარჩენილ 31 კილომეტრი გზის მშენებლობა მიმდინარეობს. სამუშაოების 50% უკვე შესრულებულია და მშენებლობის დასრულება 2024 წელს იგეგმება - აღნიშნული გზის მშენებლობა სახელმწიფო ბიუჯეტიდან დაფინანსდა და მისი ღირებულება 64 მილიონ ლარამდეა. ვაზიანის შემოვლითი ოთხკილომეტრიანი გზა ქართულმა კომპანიამ ააშენა.
რაც შეეხება ბაკურციხე–წნორის 16,6 კილომეტრიანი შემოვლითი გზის მშენებლობას, ამ ეტაპზე მიმდინარეობს სამშენებლო ობიექტზე მიწაყრილის მოწყობა, სახიდე გადასასვლელების, ხელოვნური ნაგებობების მშენებლობა და ასფალტ-ბეტონის საფარის მოწყობა.
გზის ეს მონაკვეთი კახეთის რეგიონის ერთ-ერთი მთავარი გზის ნაწილია (თბილისი–ბაკურციხე–ლაგოდეხი), რომელსაც სატრანზიტო მოძრაობის მაღალი ინტენსივობა ახასიათებს. ამჟამად მოქმედი გზა მჭიდროდ დასახლებულ სოფლებზე გადის, ამიტომ გახდა საჭირო შემოვლითი გზის მშენებლობა.
პროექტის მიხედვით, აშენდება ორზოლიანი, ასფალტ-ბეტონის საფარიანი გზა და 6 ხიდი. პროექტის ღირებულება 87,8 მილიონი ლარია. მისი რეალიზება აზიის განვითარების ბანკის (ADB) მხარდაჭერით მიმდინარეობს.
შემოვლითი გზა ალაზნის ველის მხარეს აშენდება და ის თბილისი–ბაკურციხე–ლაგოდეხი–აზერბაიჯანის საზღვრის საერთაშორისო გზის ახალი მონაკვეთი გახდება. ეს გზა გვერდს აუვლის მჭიდროდ დასახლებულ წნორსა და მიმდებარე ექვს სოფელს (ბაკურციხე, კარდენახი, ანაგა, ვაქირი, მაშნაარი, საქობო).
შესაბამისად, ლაგოდეხისა და აზერბაიჯანის საზღვრის მიმართულებით მოძრავ ტრანსპორტს აღარ დასჭირდება ბაკურციხიდან წნორამდე სოფლების გავლა, არამედ შემოვლითი გზით ისარგებლებს.
კახეთის საგზაო ინფრასტრუქტურის განვითარებისთვის, ასევე გრძელდება გომბორის საგზაო მონაკვეთის რეაბილიტაცია და ომალოს გზის საგზაო ინფრასტრუქტურის რეაბილიტაციისა და საგზაო უსაფრთხოების გაუმჯობესების პროექტი.