https://sputnik-georgia.com/20240206/salome-zurabishvili-parlamentshi-angarishit-gamova-286122829.html
პრეზიდენტის რანგში სალომე ზურაბიშვილი პარლამენტის წინაშე ბოლო წლიური ანგარიშით წარდგება
პრეზიდენტის რანგში სალომე ზურაბიშვილი პარლამენტის წინაშე ბოლო წლიური ანგარიშით წარდგება
Sputnik საქართველო
გარდა იმისა, რომ ეს ზურაბიშვილის ბოლო გამოსვლა იქნება პარლამენტში პრეზიდენტის რანგში, ასევე ეს ბოლო საგაზაფხულო სესიაა მეათე მოწვევის პარლამენტის... 06.02.2024-ს, Sputnik საქართველო
2024-02-06T09:51+0400
2024-02-06T09:51+0400
2024-02-06T09:51+0400
საქართველო
პოლიტიკა საქართველოში
საქართველოს პრეზიდენტი
საქართველოს პარლამენტი
ახალი ამბები
https://cdnn1.img.sputnik-georgia.com/img/07e7/0a/13/283440177_0:0:3100:1743_1920x0_80_0_0_d2d18de1b96dad236a35b1c8c1863936.jpg
თბილისი, 6 თებერვალი — Sputnik. საქართველოს პრეზიდენტი სალომე ზურაბიშვილი კანონმდებლების წინაშე ბოლო წლიური ანგარიშით წარდგება.საქართველოს პრეზიდენტის ყოველწლიური გამოსვლა საგაზაფხულო სესიის პირველ სხდომაზე პარლამენტის რეგლამენტით არის გათვალისწინებული - ზურაბიშვილი საკანონმდებლო ორგანოში 12:00 საათზე მივა.ზურაბიშვილისთვის ეს დეპუტატების წინაშე პრეზიდენტის რანგში რიგით მეხუთე გამოსვლა იქნება - პირველი გამოსვლა 2019 წლის მარტში იყო.საპარლამენტო ოპოზიციური პარტიების „ნაცმოძრაობის“ და „ლელო საქართველოსთვის“ დეპუტატებმა უკვე განაცხადეს, რომ მმართველ პარტია „ქართულ ოცნებასთან“ უთანხმოების გამო პრეზიდენტის გამოსვლა შეიძლება ჩავარდეს.ოპოზიციის განმარტებით, საინტერესო იქნება სალომე ზურაბიშვილის პოზიცია ახალ მთავრობასთან დაკავშირებით, ასევე - საარჩევნო წელსა და უსაფრთხოების მიმართულებით არსებულ გამოწვევებზე.„ზღაპრებს მოყვება" - დეპუტატი ზურაბიშვილის პარლამენტში გამოსვლაზე>>>გარდა იმისა, რომ ეს ზურაბიშვილის ბოლო გამოსვლა იქნება პარლამენტში პრეზიდენტის რანგში, ასევე ეს ბოლო საგაზაფხულო სესიაა მეათე მოწვევის პარლამენტის დეპუტატებისთვის.საქართველოში საპარლამენტო არჩევნები 2024 წლის 26 ოქტომბერს ჩატარდება. ამავე წლის ნოემბერ-დეკემბერში ქვეყნის ახალ პრეზიდენტს აირჩევენ.შემდეგ პრეზიდენტს აირჩევენ არა საქართველოს მოქალაქეები, როგორც ადრე, არამედ საარჩვენო კოლეგია, რომელშიც შევლენ პარტიები, რომელთაც 2024 წლის საპარლამენტო არჩევნებზე 5-პროცენტიანი ბარიერი გადალახეს.საქართველოს პრეზიდენტი და მმართველი პარტიასალომე ზურაბიშვილსა და მმართველ პარტია „ქართულ ოცნება - დემოკრატიულ საქართველოს“ შორის ურთიერთობა პრეზიდენტობის მესამე წელს გაუარესდა. ყოველ შემთხვევაში, ამის შესახებ ფართო საზოგადოებისთვის მაშინ გახდა ცნობილი.პრეზიდენტმა მმართველი პარტიის გადაწყვეტილებებით უკმაყოფილების პირველი, თავდაპირველად ფრთხილი მცდელობა 2021 წელს გამოხატა. დროთა განმავლობაში ზურაბიშვილის რიტორიკა სულ უფრო ხისტი ხდებოდა და ახლა არაფრით განსხვავდება ხელისუფლების მთავარი ოპონენტების განცხადებებისგან.მას შემდეგ, რაც ზურაბიშვილმა 2023 წლის 31 მარტს პარლამენტს წარუდგინა თავისი წლიური ანგარიში, რომელშიც მან, სხვა საკითხებთან ერთად, „ქართული ოცნება“ პროდასავლური გზიდან გადახვევაში დაადანაშაულა, მთავრობამ შეწყვიტა მისი უცხოური ვიზიტების დამტკიცება. ამის მიუხედავად, პრეზიდენტმა უცხოური ვიზიტები გააგრძელა, „ქართულმა ოცნებამ“ კი იმპიჩმენტის პროცესი დაიწყო.ცხარე დებატები არ იქნება: ვიცე-სპიკერი პრეზიდენტის პარლამენტში გამოსვლაზე>>>იმპიჩმენტის პროცედურა მას შემდეგ დაიწყო, რაც ზურაბიშვილი 31 აგვისტოს უცხოეთის ტურნეში გაემგზავრა და მთავრობის თანხმობის გარეშე დაიწყო შეხვედრები ევროკავშირის ქვეყნების ლიდერებთან. მინისტრთა კაბინეტმა მოგზაურობის ნებართვის მიცემაზე უარი ახსნა იმით, რომ ხელისუფლებამ დაკარგა ნდობა მის მიმართ. ზურაბიშვილმა განაცხადა, რომ მისი ევროპაში მოგზაურობის მიზანია დაეხმაროს საქართველოს ევროკავშირის წევრობის კანდიდატი ქვეყნის სტატუსის მოპოვებაში.საქართველოს საკონსტიტუციო სასამართლომ 16 ოქტომბერს დაადასტურა ქვეყნის პრეზიდენტ სალომე ზურაბიშვილის მიერ ქვეყნის მთავარი კანონის – კონსტიტუციის 52-ე მუხლის დარღვევა, რომლის თანახმად პრეზიდენტს საგარეო ურთიერთობებში წარმომადგენლობითი ფუნქციების განხორციელება მხოლოდ მთავრობის ნებართვით შეუძლია. მაგრამ „ქართული ოცნების“ წარმატებები ამით დასრულდა, თუმცა, როგორც თავდაპირველად მმართველი პარტიის წარმომადგენლებმა განაცხადეს, მეტის იმედი არც ჰქონდათ, რადგან საქმის ბოლომდე მისაყვანად პარლამენტში საკმარისი ხმები არ აქვთ.ზურაბიშვილის იმპიჩმენტს ხმა მხოლოდ 86-მა დეპუტატმა დაუჭირა მინიმალური 100-ის ნაცვლად. შესაბამისად, პრეზიდენტმა თანამდებობა შეინარჩუნა.იმავე დღეს „ქართული ოცნების“ ლიდერმა, ირაკლი კობახიძემ განაცხადა, რომ ამიერიდან ზურაბიშვილი ქვეყნის პრეზიდენტი კი არა, მხოლოდ „ერთიანი ნაციონალური მოძრაობის“ პრეზიდენტია. ხელისუფლება ამ პარტიას და მის თანამოაზრეებს „რადიკალურ ოპოზიციას“ უწოდებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, პოლიტიკა საქართველოში, საქართველოს პრეზიდენტი, საქართველოს პარლამენტი, ახალი ამბები
საქართველო, პოლიტიკა საქართველოში, საქართველოს პრეზიდენტი, საქართველოს პარლამენტი, ახალი ამბები
პრეზიდენტის რანგში სალომე ზურაბიშვილი პარლამენტის წინაშე ბოლო წლიური ანგარიშით წარდგება
გარდა იმისა, რომ ეს ზურაბიშვილის ბოლო გამოსვლა იქნება პარლამენტში პრეზიდენტის რანგში, ასევე ეს ბოლო საგაზაფხულო სესიაა მეათე მოწვევის პარლამენტის დეპუტატებისთვის.
თბილისი, 6 თებერვალი — Sputnik. საქართველოს პრეზიდენტი სალომე ზურაბიშვილი კანონმდებლების წინაშე ბოლო წლიური ანგარიშით წარდგება.
საქართველოს პრეზიდენტის ყოველწლიური გამოსვლა საგაზაფხულო სესიის პირველ სხდომაზე პარლამენტის რეგლამენტით არის გათვალისწინებული - ზურაბიშვილი საკანონმდებლო ორგანოში 12:00 საათზე მივა.
ზურაბიშვილისთვის ეს დეპუტატების წინაშე პრეზიდენტის რანგში რიგით მეხუთე გამოსვლა იქნება - პირველი გამოსვლა 2019 წლის მარტში იყო.
საპარლამენტო ოპოზიციური პარტიების „ნაცმოძრაობის“ და „ლელო საქართველოსთვის“ დეპუტატებმა უკვე განაცხადეს, რომ მმართველ პარტია „ქართულ ოცნებასთან“ უთანხმოების გამო პრეზიდენტის გამოსვლა შეიძლება ჩავარდეს.
ოპოზიციის განმარტებით, საინტერესო იქნება სალომე ზურაბიშვილის პოზიცია ახალ მთავრობასთან დაკავშირებით, ასევე - საარჩევნო წელსა და უსაფრთხოების მიმართულებით არსებულ გამოწვევებზე.
გარდა იმისა, რომ ეს ზურაბიშვილის ბოლო გამოსვლა იქნება პარლამენტში პრეზიდენტის რანგში, ასევე ეს ბოლო საგაზაფხულო სესიაა მეათე მოწვევის პარლამენტის დეპუტატებისთვის.
საქართველოში საპარლამენტო არჩევნები 2024 წლის 26 ოქტომბერს ჩატარდება. ამავე წლის ნოემბერ-დეკემბერში ქვეყნის ახალ პრეზიდენტს აირჩევენ.
შემდეგ პრეზიდენტს აირჩევენ არა საქართველოს მოქალაქეები, როგორც ადრე, არამედ საარჩვენო კოლეგია, რომელშიც შევლენ პარტიები, რომელთაც 2024 წლის საპარლამენტო არჩევნებზე 5-პროცენტიანი ბარიერი გადალახეს.
საქართველოს პრეზიდენტი და მმართველი პარტია
სალომე ზურაბიშვილსა და მმართველ პარტია „ქართულ ოცნება - დემოკრატიულ საქართველოს“ შორის ურთიერთობა პრეზიდენტობის მესამე წელს გაუარესდა. ყოველ შემთხვევაში, ამის შესახებ ფართო საზოგადოებისთვის მაშინ გახდა ცნობილი.
პრეზიდენტმა მმართველი პარტიის გადაწყვეტილებებით უკმაყოფილების პირველი, თავდაპირველად ფრთხილი მცდელობა 2021 წელს გამოხატა. დროთა განმავლობაში ზურაბიშვილის რიტორიკა სულ უფრო ხისტი ხდებოდა და ახლა არაფრით განსხვავდება ხელისუფლების მთავარი ოპონენტების განცხადებებისგან.
მას შემდეგ, რაც ზურაბიშვილმა 2023 წლის 31 მარტს პარლამენტს წარუდგინა თავისი წლიური ანგარიში, რომელშიც მან, სხვა საკითხებთან ერთად, „ქართული ოცნება“ პროდასავლური გზიდან გადახვევაში დაადანაშაულა, მთავრობამ შეწყვიტა მისი უცხოური ვიზიტების დამტკიცება. ამის მიუხედავად, პრეზიდენტმა უცხოური ვიზიტები გააგრძელა, „ქართულმა ოცნებამ“ კი იმპიჩმენტის პროცესი დაიწყო.
იმპიჩმენტის პროცედურა მას შემდეგ დაიწყო, რაც ზურაბიშვილი 31 აგვისტოს უცხოეთის ტურნეში გაემგზავრა და მთავრობის თანხმობის გარეშე დაიწყო შეხვედრები ევროკავშირის ქვეყნების ლიდერებთან. მინისტრთა კაბინეტმა მოგზაურობის ნებართვის მიცემაზე უარი ახსნა იმით, რომ ხელისუფლებამ დაკარგა ნდობა მის მიმართ. ზურაბიშვილმა განაცხადა, რომ მისი ევროპაში მოგზაურობის მიზანია დაეხმაროს საქართველოს ევროკავშირის წევრობის კანდიდატი ქვეყნის სტატუსის მოპოვებაში.
საქართველოს საკონსტიტუციო სასამართლომ 16 ოქტომბერს დაადასტურა ქვეყნის პრეზიდენტ სალომე ზურაბიშვილის მიერ ქვეყნის მთავარი კანონის – კონსტიტუციის 52-ე მუხლის დარღვევა, რომლის თანახმად პრეზიდენტს საგარეო ურთიერთობებში წარმომადგენლობითი ფუნქციების განხორციელება მხოლოდ მთავრობის ნებართვით შეუძლია. მაგრამ „ქართული ოცნების“ წარმატებები ამით დასრულდა, თუმცა, როგორც თავდაპირველად მმართველი პარტიის წარმომადგენლებმა განაცხადეს, მეტის იმედი არც ჰქონდათ, რადგან საქმის ბოლომდე მისაყვანად პარლამენტში საკმარისი ხმები არ აქვთ.
ზურაბიშვილის იმპიჩმენტს ხმა მხოლოდ 86-მა დეპუტატმა დაუჭირა მინიმალური 100-ის ნაცვლად. შესაბამისად, პრეზიდენტმა თანამდებობა შეინარჩუნა.
იმავე დღეს „ქართული ოცნების“ ლიდერმა, ირაკლი კობახიძემ განაცხადა, რომ ამიერიდან ზურაბიშვილი ქვეყნის პრეზიდენტი კი არა, მხოლოდ „ერთიანი ნაციონალური მოძრაობის“ პრეზიდენტია. ხელისუფლება ამ პარტიას და მის თანამოაზრეებს „რადიკალურ ოპოზიციას“ უწოდებს.
