მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„გრემის“ პრემიის რეკორდი: ტეილორ სვიფტი მეოთხედ დაჯილდოვდა

© AP Photo / Chris Pizzello
  - Sputnik საქართველო, 1920, 05.02.2024
გამოწერა
თბილისი, 5 თებერვალი − Sputnik. ყველაზე პრესტიჟული მუსიკალური პრემია „გრემი“ წლის საუკეთესო ალბომისთვის ამერიკელ მომღერალ ტეილორ სვიფტს ერგო. იგი გახდა პირველი შემსრულებელი, რომელმაც ეს ჯილდო ოთხჯერ მიიღო.
ამჯერად მისი ალბომი Midnights დაჯილდოვდა.
სვიფტს ჯილდო მომღერალმა სელინ დიონმა გადასცა, რომელმაც ამ კატეგორიაში გრემი 27 წლის წინ მიიღო.
„გრემის“ 66-ე ცერემონია ლოს-ანჯელესში 4 თებერვალს გაიმართა. მასზე ჯილდოები გადაეცა იმ სიმღერებსა და ალბომებს, რომლებიც 2022 წლის 1 ოქტომბრიდან 2023 წლის 15 სექტემბრამდე პერიოდში გამოვიდა.
პრემიაზე ნომინანტები 94 კატეგორიაში იყვნენ წარდგენილი. აქედან ყველაზე მნიშვნელოვანია ნომინაციები: „წლის სიმღერა", „წლის ალბომი", „წლის ჩანაწერი", „საუკეთესო დებიუტანტი“.
ნომინაციაში „წლის სიმღერა“ ამერიკელმა მომღერალმა ბილი ეილიშმა გაიმარჯვა ფილმ „ბარბიში“ შესრულებული სიმღერისთვის What Was I Made For?
მომღერალმა მაილი საირუსმა მიიღო ჯილდო კატეგორიაში „საუკეთესო ჩანაწერი“ ალბომისთვის Flowers, ხოლო „საუკეთესო დებიუტანტი“ ვიქტორია მონე გახდა.
ყველა ახალი ამბავი
0