https://sputnik-georgia.com/20240131/papuasvili-prezidentisgan-ariarebas-elodeba-286015207.html
პაპუაშვილი პრეზიდენტისგან აღიარებას ელოდება
პაპუაშვილი პრეზიდენტისგან აღიარებას ელოდება
Sputnik საქართველო
ზურაბიშვილს საქართველოს პარლამენტისთვის არაფერი აქვს სათქმელი, მიიჩნევს საკანონმდებლო ორგანოს თავმჯდომარე. 31.01.2024-ს, Sputnik საქართველო
2024-01-31T18:14+0400
2024-01-31T18:14+0400
2024-01-31T18:14+0400
პოლიტიკა საქართველოში
შალვა პაპუაშვილი
საქართველოს პარლამენტი
საქართველოს პარლამენტის თავმჯდომარე
საქართველოს პრეზიდენტი
სალომე ზურაბიშვილი
ახალი ამბები
საქართველო
ქართული ოცნება
პრეზიდენტის იმპიჩმენტი
https://cdnn1.img.sputnik-georgia.com/img/07e7/0a/05/282966186_0:166:1600:1067_1920x0_80_0_0_597d5c1422c3c7e5fa6e9d037c176d86.jpg
თბილისი, 31 იანვარი – Sputnik. საქართველოს პარლამენტის თავმჯდომარე შალვა პაპუაშვილი ელოდება, რომ საკანონმდებლო ორგანოში ყოველწლიური ანგარიშით გამოსვლისას პრეზიდენტი სალომე ზურაბიშვილი დაადასტურებს, რომ მან საქართველოს კონსტიტუცია დაარღვია.რეგლამენტის თანახმად, ზურაბიშვილი პარლამენტის წინაშე ყოველწლიური მოხსენებით 6 თებერვალს უნდა წარდგეს. უფრო ადრე პარტიების „ნაციონალური მოძრაობა“ და „ლელო საქართველოსთვის“ დეპუტატებმა განაცხადეს, რომ პრეზიდენტის გამოსვლა შეიძლება ჩავარდეს მმართველ პარტია „ქართულ ოცნებასთან“ უთანხმოების გამო.ზურაბიშვილისთვის ეს რიგით მეხუთე და ბოლო გამოსვლა იქნება დეპუტატების წინაშე პრეზიდენტის რანგში. პირველი გამოსვლა 2019 წლის მარტში იყო.საქართველოს ყოველწლიური გამოსვლა საგაზაფხულო სესიის პირველ სხდომაზე პარლამენტის რეგლამენტით არის გათვალისწინებული.გარდა იმისა, რომ ეს ზურაბიშვილის ბოლო გამოსვლა იქნება პარლამენტში პრეზიდენტის რანგში, ასევე ეს ბოლო საგაზაფხულო სესიაა მეათე მოწვევის პარლამენტის დეპუტატებისთვის.გამოუცხადებს თუ არა ბოიკოტს პრეზიდენტის პარლამენტში გამოსვლას „ქართული ოცნება“>>საქართველოში საპარლამენტო არჩევნები 2024 წლის 26 ოქტომბერს ჩატარდება. ამავე წლის ნოემბერ-დეკემბერში ქვეყნის ახალ პრეზიდენტს აირჩევენ.შემდეგ პრეზიდენტს აირჩევენ არა საქართველოს მოქალაქეები, როგორც ადრე, არამედ საარჩვენო კოლეგია, რომელშიც შევლენ პარტიები, რომელთაც 2024 წლის საპარლამენტო არჩევნებზე 5-პროცენტიანი ბარიერი გადალახეს.საქართველოს პრეზიდენტი და მმართველი პარტიასალომე ზურაბიშვილსა და მმართველ პარტია „ქართულ ოცნება - დემოკრატიულ საქართველოს“ შორის ურთიერთობა პრეზიდენტობის მესამე წელს გაუარესდა. ყოველ შემთხვევაში, ამის შესახებ ფართო საზოგადოებისთვის მაშინ გახდა ცნობილი.პრეზიდენტმა მმართველი პარტიის გადაწყვეტილებებით უკმაყოფილების პირველი, თავდაპირველად ფრთხილი მცდელობა 2021 წელს გამოხატა. დროთა განმავლობაში ზურაბიშვილის რიტორიკა სულ უფრო ხისტი ხდებოდა და ახლა არაფრით განსხვავდება ხელისუფლების მთავარი ოპონენტების განცხადებებისგან.მას შემდეგ, რაც ზურაბიშვილმა 2023 წლის 31 მარტს პარლამენტს წარუდგინა თავისი წლიური ანგარიში, რომელშიც მან, სხვა საკითხებთან ერთად, „ქართული ოცნება“ პროდასავლური გზიდან გადახვევაში დაადანაშაულა, მთავრობამ შეწყვიტა მისი უცხოური ვიზიტების დამტკიცება. ამის მიუხედავად, პრეზიდენტმა უცხოური ვიზიტები გააგრძელა, „ქართულმა ოცნებამ“ კი იმპიჩმენტის პროცესი დაიწყო.მაჭარაშვილი: საქართველოს პრეზიდენტი ტრიბუნასთან არ უნდა მიუშვა>>იმპიჩმენტის პროცედურა მას შემდეგ დაიწყო, რაც ზურაბიშვილი 31 აგვისტოს საგარეო ტურნეში გაემგზავრა და მთავრობის თანხმობის გარეშე დაიწყო შეხვედრები ევროკავშირის ქვეყნების ლიდერებთან. მინისტრთა კაბინეტმა მოგზაურობის ნებართვის მიცემაზე უარი ახსნა იმით, რომ ხელისუფლებამ დაკარგა ნდობა მის მიმართ. ზურაბიშვილმა განაცხადა, რომ მისი ევროპაში მოგზაურობის მიზანია დაეხმაროს საქართველოს ევროკავშირის წევრობის კანდიდატი ქვეყნის სტატუსის მოპოვებაში.საქართველოს საკონსტიტუციო სასამართლომ 16 ოქტომბერს დაადასტურა ქვეყნის პრეზიდენტ სალომე ზურაბიშვილის მიერ ქვეყნის მთავარი კანონის – კონსტიტუციის 52-ე მუხლის დარღვევა, რომლის თანახმად პრეზიდენტს საგარეო ურთიერთობებში წარმომადგენლობითი ფუნქციების განხორციელება მხოლოდ მთავრობის ნებართვით შეუძლია. მაგრამ „ქართული ოცნების“ წარმატებები ამით დასრულდა, თუმცა, როგორც თავდაპირველად მმართველი პარტიის წარმომადგენლებმა განაცხადეს, მეტის იმედი არც ჰქონდათ, რადგან საქმის ბოლომდე მისაყვანად პარლამენტში საკმარისი ხმები არ აქვთ.ზურაბიშვილის იმპიჩმენტს ხმა მხოლოდ 86-მა დეპუტატმა დაუჭირა მინიმალური 100-ის ნაცვლად. შესაბამისად, პრეზიდენტმა თანამდებობა შეინარჩუნა.იმავე დღეს „ქართული ოცნების“ ლიდერმა, ირაკლი კობახიძემ განაცხადა, რომ ამიერიდან ზურაბიშვილი ქვეყნის პრეზიდენტი კი არა, მხოლოდ „ერთიანი ნაციონალური მოძრაობის“ პრეზიდენტია. ხელისუფლება ამ პარტიას და მის თანამოაზრეებს „რადიკალურ ოპოზიციას“ უწოდებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
პოლიტიკა საქართველოში, შალვა პაპუაშვილი, საქართველოს პარლამენტი, საქართველოს პარლამენტის თავმჯდომარე , საქართველოს პრეზიდენტი, სალომე ზურაბიშვილი , ახალი ამბები, საქართველო, ქართული ოცნება , პრეზიდენტის იმპიჩმენტი
პოლიტიკა საქართველოში, შალვა პაპუაშვილი, საქართველოს პარლამენტი, საქართველოს პარლამენტის თავმჯდომარე , საქართველოს პრეზიდენტი, სალომე ზურაბიშვილი , ახალი ამბები, საქართველო, ქართული ოცნება , პრეზიდენტის იმპიჩმენტი
პაპუაშვილი პრეზიდენტისგან აღიარებას ელოდება
ზურაბიშვილს საქართველოს პარლამენტისთვის არაფერი აქვს სათქმელი, მიიჩნევს საკანონმდებლო ორგანოს თავმჯდომარე.
თბილისი, 31 იანვარი – Sputnik. საქართველოს პარლამენტის თავმჯდომარე შალვა პაპუაშვილი ელოდება, რომ საკანონმდებლო ორგანოში ყოველწლიური ანგარიშით გამოსვლისას პრეზიდენტი სალომე ზურაბიშვილი დაადასტურებს, რომ მან საქართველოს კონსტიტუცია დაარღვია.
რეგლამენტის თანახმად, ზურაბიშვილი პარლამენტის წინაშე ყოველწლიური მოხსენებით 6 თებერვალს უნდა წარდგეს. უფრო ადრე პარტიების „ნაციონალური მოძრაობა“ და „ლელო საქართველოსთვის“ დეპუტატებმა განაცხადეს, რომ პრეზიდენტის გამოსვლა შეიძლება ჩავარდეს მმართველ პარტია „ქართულ ოცნებასთან“ უთანხმოების გამო.
„სინამდვილეში სალომე ზურაბიშვილს სათქმელი არაფერი აქვს საქართველოს პარლამენტისთვის. მან დაარღვია კონსტიტუცია, ეს დადგენილია საქართველოს საკონსტიტუციო სასამართლოს მიერ. ამ გადაწყვეტილების აღსრულებაზე როგორც ჩანს, ის უარს ამბობს. ერთადერთი, რასაც დიდი ხანია მისგან მოველი, არის ის, რომ დაადასტუროს, მან დაარღვია კონსტიტუცია და დადოს პირობა, აღარ დაარღვევს კონსტიტუციას“, - განაცხადა პაპუაშვილმა.
ზურაბიშვილისთვის ეს რიგით მეხუთე და ბოლო გამოსვლა იქნება დეპუტატების წინაშე პრეზიდენტის რანგში. პირველი გამოსვლა 2019 წლის მარტში იყო.
საქართველოს ყოველწლიური გამოსვლა საგაზაფხულო სესიის პირველ სხდომაზე პარლამენტის რეგლამენტით არის გათვალისწინებული.
გარდა იმისა, რომ ეს ზურაბიშვილის ბოლო გამოსვლა იქნება პარლამენტში პრეზიდენტის რანგში, ასევე ეს ბოლო საგაზაფხულო სესიაა მეათე მოწვევის პარლამენტის დეპუტატებისთვის.
საქართველოში საპარლამენტო არჩევნები 2024 წლის 26 ოქტომბერს ჩატარდება. ამავე წლის ნოემბერ-დეკემბერში ქვეყნის ახალ პრეზიდენტს აირჩევენ.
შემდეგ პრეზიდენტს აირჩევენ არა საქართველოს მოქალაქეები, როგორც ადრე, არამედ საარჩვენო კოლეგია, რომელშიც შევლენ პარტიები, რომელთაც 2024 წლის საპარლამენტო არჩევნებზე 5-პროცენტიანი ბარიერი გადალახეს.
საქართველოს პრეზიდენტი და მმართველი პარტია
სალომე ზურაბიშვილსა და მმართველ პარტია „ქართულ ოცნება - დემოკრატიულ საქართველოს“ შორის ურთიერთობა პრეზიდენტობის მესამე წელს გაუარესდა. ყოველ შემთხვევაში, ამის შესახებ ფართო საზოგადოებისთვის მაშინ გახდა ცნობილი.
პრეზიდენტმა მმართველი პარტიის გადაწყვეტილებებით უკმაყოფილების პირველი, თავდაპირველად ფრთხილი მცდელობა 2021 წელს გამოხატა. დროთა განმავლობაში ზურაბიშვილის რიტორიკა სულ უფრო ხისტი ხდებოდა და ახლა არაფრით განსხვავდება ხელისუფლების მთავარი ოპონენტების განცხადებებისგან.
მას შემდეგ, რაც ზურაბიშვილმა 2023 წლის 31 მარტს პარლამენტს წარუდგინა თავისი წლიური ანგარიში, რომელშიც მან, სხვა საკითხებთან ერთად, „ქართული ოცნება“ პროდასავლური გზიდან გადახვევაში დაადანაშაულა, მთავრობამ შეწყვიტა მისი უცხოური ვიზიტების დამტკიცება. ამის მიუხედავად, პრეზიდენტმა უცხოური ვიზიტები გააგრძელა, „ქართულმა ოცნებამ“ კი იმპიჩმენტის პროცესი დაიწყო.
იმპიჩმენტის პროცედურა მას შემდეგ დაიწყო, რაც ზურაბიშვილი 31 აგვისტოს საგარეო ტურნეში გაემგზავრა და მთავრობის თანხმობის გარეშე დაიწყო შეხვედრები ევროკავშირის ქვეყნების ლიდერებთან. მინისტრთა კაბინეტმა მოგზაურობის ნებართვის მიცემაზე უარი ახსნა იმით, რომ ხელისუფლებამ დაკარგა ნდობა მის მიმართ. ზურაბიშვილმა განაცხადა, რომ მისი ევროპაში მოგზაურობის მიზანია დაეხმაროს საქართველოს ევროკავშირის წევრობის კანდიდატი ქვეყნის სტატუსის მოპოვებაში.
საქართველოს საკონსტიტუციო სასამართლომ 16 ოქტომბერს დაადასტურა ქვეყნის პრეზიდენტ სალომე ზურაბიშვილის მიერ ქვეყნის მთავარი კანონის – კონსტიტუციის 52-ე მუხლის დარღვევა, რომლის თანახმად პრეზიდენტს საგარეო ურთიერთობებში წარმომადგენლობითი ფუნქციების განხორციელება მხოლოდ მთავრობის ნებართვით შეუძლია. მაგრამ „ქართული ოცნების“ წარმატებები ამით დასრულდა, თუმცა, როგორც თავდაპირველად მმართველი პარტიის წარმომადგენლებმა განაცხადეს, მეტის იმედი არც ჰქონდათ, რადგან საქმის ბოლომდე მისაყვანად პარლამენტში საკმარისი ხმები არ აქვთ.
ზურაბიშვილის იმპიჩმენტს ხმა მხოლოდ 86-მა დეპუტატმა დაუჭირა მინიმალური 100-ის ნაცვლად. შესაბამისად, პრეზიდენტმა თანამდებობა შეინარჩუნა.
იმავე დღეს „ქართული ოცნების“ ლიდერმა, ირაკლი კობახიძემ განაცხადა, რომ ამიერიდან ზურაბიშვილი ქვეყნის პრეზიდენტი კი არა, მხოლოდ „ერთიანი ნაციონალური მოძრაობის“ პრეზიდენტია. ხელისუფლება ამ პარტიას და მის თანამოაზრეებს „რადიკალურ ოპოზიციას“ უწოდებს.
