საგარეო სავაჭრო ბრუნვა იზრდება - 2023 წლის მონაცემები
© photo: Sputnik / Alexander Imedashvili
გამოწერა
ექსპორტმა დაახლოებით 6,1 მილიარდი დოლარი შეადგინა, რაც 2022 წლის იანვარ-დეკემბრის მაჩვენებელზე 9,1%-ით მეტია.
თბილისი, 23 იანვარი — Sputnik. საქართველოს საგარეო სავაჭრო ბრუნვა 2023 წელს 2022 წელთან შედარებით, 12,5%-ით გაიზარდა და 21,5 მილიარდი აშშ დოლარი შეადგინა (არაორგანიზებული ვაჭრობის გაუთვალისწინებლად), ნათქვამია სტატისტიკის ეროვნული სამსახურის „საქსტატის" მასალებში.
2023 წელს 15,4 მლრდ დოლარის ღირებულების პროდუქცია გავიდა ქვეყნიდან – 2022 წელთან შედარებით 14%-ით მეტი.
საქართველოს საგარეო ბრუნვა 2023 წელს
მაჩვენებელი | მოცულობა, მლნ დოლარი | ზრდა, % |
ექსპორტი | 6.090,6 | 9,1 |
იმპორტი | 15.438,4 | 14,0 |
სულ | 21.529,0 | 12,5 |
ექსპორტმა დაახლოებით 6,1 მილიარდი დოლარი შეადგინა, რაც 2022 წლის იანვარ-დეკემბრის მაჩვენებელზე 9,1%-ით მეტია.
2023 წელს უარყოფითმა სავაჭრო ბალანსმა 9,3 მლრდ დოლარი შეადგინა, რაც 2022 წელთან შედარებით 17,4%-ით მეტია.
რით ვაჭრობს საქართველო
საქართველოდან საქონლის ფართო ასორტიმენტი გააქვთ – სპილენძის მადნები და კონცენტრატები, ფეროშენადნობები, ნატურალური ღვინო, სპირტიანი სასმელები, მინერალური წყლები, მსუბუქი ავტომობილები, დამუშავებული ან ნახევრადდამუშავებული ოქრო, თხილი და სხვა კაკლოვანები და ა.შ.
საქართველოდან ექსპორტირებული პროდუქციის ტოპ-ხუთი 2023 წელს
საქონელი | მოცულობა, მლნ დოლარი | ზრდა/ვარდნა, % |
მსუბუქი ავტომობილები | 2.126,6 | 134,8 |
პილენძის მადნები და კონცენტრატები | 479,3 | -53,2 |
ღვინო | 259,0 | 2,6 |
სპირტიანი სასმელები | 196,2 | 41,6 |
ფეროშენადნობები | 180,7 | -60,7 |
2023 წელს ყველაზე მეტად გაიზარდა ექსპორტი მსუბუქი ავტომობილების - თითქმის 135%-ით, სპირტიანი სასმელების - 41,6%-ით, ასევე წყლის, მათ შორის, მინერალური და გაზიანი, შაქრიანი დანამატების შემცვლელი - 31,8%-ით.
ამავე დროს, 2023 წელს დავარდა ფეროშენადნობების ექსპორტი 60,7%-ით, სპილენძისა და კონცენტრატების - 53,2%-ით, ასევე აზოტის სასუქის - 43,7%.
საქართველოში შემოდის ნავთობი და ნავთობპროდუქტები, მსუბუქი ავტომობილები, სპილენძის მადნები და კონცენტრატები, სამკურნალო საშუალებები, ხორბალი, ელექტროენერგია, სატელეფონო აპარატები და სხვ.
საქართველოში იმპორტირებული საქონლის ტოპ-ხუთი 2023 წელს
საქონელი | მოცულობა, მლნ დოლარი | ზრდა/ვარდნა, % |
მსუბუქი ავტომობილები | 3.162,4 | 84,5 |
ნავთობპროდუქტები | 1.166,9 | -12,6 |
წამლები | 542,8 | 34,3 |
გაზი | 445,0 | -2,8 |
სატელეფონო აპარატები | 375,1 | 15,9 |
გასულ წელს ყველაზე მეტად გაიზარდა მსუბუქი ავტომობილების იმპორტი - 84,5%-ით, სატვირთო ავტომობილების - 66,4%, ასევე წამლების - 34,3%-ით.
გარდა ამისა, 2023 წელს შემცირდა სპილენძის მადნებისა და კონცენტრატების იმპორტი 69,5%-ით, გამომთვლელი მანქანებისა და მათი ბლოკების - 13,6%-ით, ნავთობისა და ნავთობპროდუქტების - 12,6%-ით, ასევე ნავთობის გაზისა და სხვა გაზის ნახშირწყალბადების - 2,8%-ით.
ვისთან ვაჭრობს საქართველო
საქართველოს მსხვილ სავაჭრო პარტნიორებს შორის პირველი ადგილი თურქეთს უკავია. მეზობელ ქვეყანასთან საგარეო სავაჭრო ბრუნვამ 2023 წელს თითქმის 3 მლრდ დოლარი შეადგინა, რაც მთლიანი სავაჭრო ბრუნვის 13,8%-ია.
საქართველოს უმსხვილესი სავაჭრო პარტნიორი ქვეყნების ტოპ-ხუთი 2023 წელს
ქვეყანა | მოცულობა, მლნ დოლარი | ზრდა/ვარდნა, % |
თურქეთი | 2.979,3 | 6,1 |
რუსეთი | 2.401,5 | -3,1 |
აშშ | 2.046,3 | 60,2 |
ჩინეთი | 1.639,6 | -12,0 |
აზერბაიჯანი | 1.515,9 | 15,5 |
საქართველოს სავაჭრო პარტნიორების ათეულში ასევე შედიან სომხეთი, გერმანია, ყაზახეთი, ყირგიზეთი და იაპონია.
