https://sputnik-georgia.com/20240116/mtavrobam-chinur-kompaniastan-kontraqti-gawyvita-285664797.html
მთავრობამ ვალდებულებების შეუსრულებლობის გამო ჩინურ კომპანიასთან კონტრაქტი გაწყვიტა
მთავრობამ ვალდებულებების შეუსრულებლობის გამო ჩინურ კომპანიასთან კონტრაქტი გაწყვიტა
Sputnik საქართველო
გამოცხადდება ახალი ტენდერი, რათა სწრაფად მოიძებნოს სამშენებლო კომპანია, რომელიც 2024 წელს შეასრულებს საგზაო სამუშაოებს. 16.01.2024-ს, Sputnik საქართველო
2024-01-16T11:15+0400
2024-01-16T11:15+0400
2024-01-16T11:15+0400
საქართველო
საქართველოს ეკონომიკისა და მდგრადი განვითარების სამინისტრო
საზოგადოება
ახალი ამბები
https://cdnn1.img.sputnik-georgia.com/img/07e5/0c/16/263080907_32:0:2480:1377_1920x0_80_0_0_41ddd1a85b674da0a425aa5da99cf9e5.jpg
თბილისი, 16 იანვარი — Sputnik. საქართველოს მთავრობამ ჩინურ კომპანია „სინოჰიდროსთან" კონტრაქტი გააუქმა, რომელიც ბათუმი (ანგისა)-ახალციხის საავტომობილო გზის ხულო-ზარზმის 42-კილომეტრიან მონაკვეთს არემონტებდა, განაცხადა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა.ბათუმი (ანგისა)-ახალციხის საავტომობილო გზის პროექტი დაყოფილია 3 მონაკვეთად, მთლიანობაში აღდგება და შეკეთდება 47-კილომეტრიანი გზა და 7 ხიდი. მოეწყობა ორზოლიანი ასფალტობეტონის საფარი. 5 კმ-მდე სიგრძის მონაკვეთი სახელმწიფო ბიუჯეტიდან ფინანსდება, ხოლო 42-კილომეტრიანი მონაკვეთი ქუვეითის ფონდიდან. სამუშაოების ჯამური ღირებულება 95,7 მილიონი ლარია.ეკონომიკის მინისტრის თქმით, კონტრაქტორ-კომპანიას ადგილზე საკმარისი პროგრესი არ გააჩნდა, ამიტომაც ხელშეკრულების გაწყვეტის გადაწყვეტილება მიიღეს.„სინოჰიდრო“ მეორე კონტრაქტორია, რომელიც პროექტს ჩამოაშორეს. ამ მონაკვეთზე პირველი კონტრაქტორი იყო იტალიური კომპანია Todini, რომელთანაც 2018 წელს 110 მილიონი ლარის ღირებულების კონტრაქტი გაფორმდა, თუმცა კომპანიამ ნაკისრი ვალდებულებების მხოლოდ მცირე ნაწილი შეასრულა, ამიტომ 2020 წლის ოქტომბერში იგი „სინოჰიდრომ" ჩაანაცვლა.უწყების ინფორმაციით, გამოცხადდება ახალი ტენდერი, რათა სწრაფად მოიძებნოს სამშენებლო კომპანია, რომელიც 2024 წელს შეასრულებს საგზაო სამუშაოებს.ხულო–ზარზმის განახლებული გზა სამცხე-ჯავახეთისა და აჭარის რეგიონებს უმოკლესი გზით დააკავშირებს. გზა გადის რთულ გეოლოგიურ რელიეფზე და მისი რეაბილიტაცია-რეკონსტრუქცია ხელს შეუწყობს როგორც ზემო აჭარისა და სამცხე-ჯავახეთის მოსახლეობის სოციალურ-ეკონომიკური მდგომარეობის გაუმჯობესებას, ისე ტურიზმის განვითარებას, რადგან იგი აკავშირებს ბეშუმის სამთო-სათხილამურო კურორტს ბათუმთან და თბილისთან.საავტომობილო გზის რეაბილიტაცია-რეკონსტრუქციის შედეგად მნიშვნელოვნად გაუმჯობესდება საგზაო მოძრაობის უსაფრთხოებაც. ამასთან, განახლებული გზით ბათუმიდან ახალციხემდე მგზავრობის დრო 1,5 სთ-ით შემცირდება.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/07e5/0c/16/263080907_524:0:2360:1377_1920x0_80_0_0_3d258942313636641567430aad50d504.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეკონომიკისა და მდგრადი განვითარების სამინისტრო, საზოგადოება, ახალი ამბები
საქართველო, საქართველოს ეკონომიკისა და მდგრადი განვითარების სამინისტრო, საზოგადოება, ახალი ამბები
მთავრობამ ვალდებულებების შეუსრულებლობის გამო ჩინურ კომპანიასთან კონტრაქტი გაწყვიტა
გამოცხადდება ახალი ტენდერი, რათა სწრაფად მოიძებნოს სამშენებლო კომპანია, რომელიც 2024 წელს შეასრულებს საგზაო სამუშაოებს.
თბილისი, 16 იანვარი — Sputnik. საქართველოს მთავრობამ ჩინურ კომპანია „სინოჰიდროსთან" კონტრაქტი გააუქმა, რომელიც ბათუმი (ანგისა)-ახალციხის საავტომობილო გზის ხულო-ზარზმის 42-კილომეტრიან მონაკვეთს არემონტებდა, განაცხადა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა.
ბათუმი (ანგისა)-ახალციხის საავტომობილო გზის პროექტი დაყოფილია 3 მონაკვეთად, მთლიანობაში აღდგება და შეკეთდება 47-კილომეტრიანი გზა და 7 ხიდი. მოეწყობა ორზოლიანი ასფალტობეტონის საფარი. 5 კმ-მდე სიგრძის მონაკვეთი სახელმწიფო ბიუჯეტიდან ფინანსდება, ხოლო 42-კილომეტრიანი მონაკვეთი ქუვეითის ფონდიდან. სამუშაოების ჯამური ღირებულება 95,7 მილიონი ლარია.
„ხელშეკრულების შეწყვეტა მოხდა შეუსრულებელი ვალდებულებების გამო. თუ კონტრაქტორი არ ასრულებს ვალდებულებას, მაშინ შესაბამისი იურიდიული პროცედურები უნდა განხორციელდეს,"- განაცხადა დავითაშვილმა ჟურნალისტებთან.
ეკონომიკის მინისტრის თქმით, კონტრაქტორ-კომპანიას ადგილზე საკმარისი პროგრესი არ გააჩნდა, ამიტომაც ხელშეკრულების გაწყვეტის გადაწყვეტილება მიიღეს.
„სინოჰიდრო“ მეორე კონტრაქტორია, რომელიც პროექტს ჩამოაშორეს. ამ მონაკვეთზე პირველი კონტრაქტორი იყო იტალიური კომპანია Todini, რომელთანაც 2018 წელს 110 მილიონი ლარის ღირებულების კონტრაქტი გაფორმდა, თუმცა კომპანიამ ნაკისრი ვალდებულებების მხოლოდ მცირე ნაწილი შეასრულა, ამიტომ 2020 წლის ოქტომბერში იგი „სინოჰიდრომ" ჩაანაცვლა.
უწყების ინფორმაციით, გამოცხადდება ახალი ტენდერი, რათა სწრაფად მოიძებნოს სამშენებლო კომპანია, რომელიც 2024 წელს შეასრულებს საგზაო სამუშაოებს.
ხულო–ზარზმის განახლებული გზა სამცხე-ჯავახეთისა და აჭარის რეგიონებს უმოკლესი გზით დააკავშირებს. გზა გადის რთულ გეოლოგიურ რელიეფზე და მისი რეაბილიტაცია-რეკონსტრუქცია ხელს შეუწყობს როგორც ზემო აჭარისა და სამცხე-ჯავახეთის მოსახლეობის სოციალურ-ეკონომიკური მდგომარეობის გაუმჯობესებას, ისე ტურიზმის განვითარებას, რადგან იგი აკავშირებს ბეშუმის სამთო-სათხილამურო კურორტს ბათუმთან და თბილისთან.
საავტომობილო გზის რეაბილიტაცია-რეკონსტრუქციის შედეგად მნიშვნელოვნად გაუმჯობესდება საგზაო მოძრაობის უსაფრთხოებაც. ამასთან, განახლებული გზით ბათუმიდან ახალციხემდე მგზავრობის დრო 1,5 სთ-ით შემცირდება.