https://sputnik-georgia.com/20240108/stalini-samebasi-skandali-xatis-irgvliv-stalinis-gamosaxulebit-285503600.html
სტალინი სამებაში: სკანდალი „ხალხთა ბელადის" ხატის გამო
სტალინი სამებაში: სკანდალი „ხალხთა ბელადის" ხატის გამო
Sputnik საქართველო
ეს პირველი შემთხვევა არ არის, როდესაც მართლმადიდებლური დღესასწაულის სკანდალით გადაფარვა უნდათ, განაცხადა საქართველოს საპატრიარქოს პრეს-სამსახურის უფროსმა. 08.01.2024-ს, Sputnik საქართველო
2024-01-08T16:13+0400
2024-01-08T16:13+0400
2024-01-08T16:31+0400
ახალი ამბები
საქართველო
საზოგადოება
რელიგია
https://cdnn1.img.sputnik-georgia.com/img/07e7/0b/17/284442590_0:0:3078:1731_1920x0_80_0_0_3ce6799a2ab2bae1fee72db22c4fc4cc.jpg
თბილისი, 8 იანვარი — Sputnik. წმინდა სამების საკათედრო ტაძარში წარმოდგენილი წმინდა მატრონა მოსკოველის ხატი, რომლის ერთ-ერთ ფრაგმენტზე საბჭოთა ბელადი იოსებ სტალინია გამოსახული, ქართულ საზოგადოებაში კონფლიქტის საგანი გახდა და ნამდვილი სკანდალი გამოიწვია. საზოგადოებაში მღელვარება მას შემდეგ დაიწყო, რაც საქართველოს პარლამენტის ყოფილმა დეპუტატმა გიორგი კანდელაკმა შობის წინა დღეს გამოაქვეყნა ვიდეო სამებიდან, სადაც ხატის ერთ-ერთ სიუჟეტურ ფრაგმენტზე გამოსახულია სტალინი. თავის პოსტში ოპოზიციონერმა სტალინს საქართველოს დამოუკიდებლობის განადგურების ინიციატორი, ათასობით სამღვდელო პირის მკვლელი და საბჭოთა ტოტალიტარული სისტემის შემქმნელი უწოდა. ინფორმაციამ ფართო რეზონანსი გამოიწვია არა მხოლოდ სოციალურ ქსელში, არამედ ოპოზიციურ მასმედიაშიც. თუმცა, ოფიციალური განცხადება ამ საკითხზე საპატრიარქოს მხრიდან ჯერჯერობით არ ყოფილა. ეს საკითხი განმარტა მხოლოდ საპატრიარქოს საზოგადოებასთან ურთიერთობების სამსახურის უფროსმა, დეკანოზმა ანდრია ჯაღმაიძემ. როგორც მან აღნიშნა, საკითხი შობის დღესასწაულზე შემთხვევით არ წამოწიეს და ეს პირველი შემთხვევა არაა, როდესაც დღესასწაულის გადაფარვა უნდათ სკანდალით. სტალინის ხატი, როგორც ასეთი, არ არსებობს, განაცხადა თავის მხრივ არქიმანდრიტმა იოანე მჭედლიშვილმა ტელეკომპანია "ტვ პირველის" ეთერში. როგორც მჭედლიშვილმა აღნიშნა, ხატზე ადამიანები ლოცულობენ, სტალინის ხატი კი, როგორც ასეთი არ არსებობს. ეს სიცრუეა. ესაა წმინდა მატრონას ხატი, რომელიც რამდენიმე თვის წინ მოიტანეს. მასზე, სადღაც კუთხეში დახატულია რაღაც ისტორიული ფაქტი, რომ თითქოს სტალინი იქ მივიდა. სულ ესაა. რა შუაშია აქ სტალინის ხატი? ძალიან არასწორი და მიზანმიმართული პროპაგანდაა, განაცხადა არქიმანდრიტმა. როგორ მოხვდა ხატი სამების ტაძარში როგორც აღმოჩნდა, წმინდა მატრონას ხატი სამების ტაძარში პარტია „საქართველოს პატრიოტთა ალიანსის" ლიდერებმა ირმა ინაშვილმა და დავით თარხან-მოურავმა დააბრძანეს. ინაშვილის ინფორმაციით, ხატი ქართველმა ხატმწერმა დაწერა და რამდენიმე წლის წინ სამებას შესწირა, ხატის ირგვლივ ატეხილ აჟიოტაჟს ინაშვილმა სრული უწიგნურებისა და სიბნელის ზეიმი უწოდა. სტალინის პიროვნებას როგორც საქართველოში, ისე მთელ მსოფლიოში არაერთმნიშვნელოვნად აფასებენ. ვიღაც მიიჩნევს, რომ გამოჩენილი პოლიტიკური მოღვაწე იყო, ვიღაც კი მას სასტიკ ტირანს უწოდებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საზოგადოება, რელიგია
ახალი ამბები, საქართველო, საზოგადოება, რელიგია
სტალინი სამებაში: სკანდალი „ხალხთა ბელადის" ხატის გამო
16:13 08.01.2024 (განახლებულია: 16:31 08.01.2024) ეს პირველი შემთხვევა არ არის, როდესაც მართლმადიდებლური დღესასწაულის სკანდალით გადაფარვა უნდათ, განაცხადა საქართველოს საპატრიარქოს პრეს-სამსახურის უფროსმა.
თბილისი, 8 იანვარი — Sputnik. წმინდა სამების საკათედრო ტაძარში წარმოდგენილი წმინდა მატრონა მოსკოველის ხატი, რომლის ერთ-ერთ ფრაგმენტზე საბჭოთა ბელადი იოსებ სტალინია გამოსახული, ქართულ საზოგადოებაში კონფლიქტის საგანი გახდა და ნამდვილი სკანდალი გამოიწვია.
საუბარია ხატწერისთვის დამახასიათებელ ფრაგმენტებზე, რომლებიც ძირითადი ხატის ერთგვარ განმარტებებს ან კომენტარებს წარმოადგენს მცირე სიუჟეტების სახით.
საზოგადოებაში მღელვარება მას შემდეგ დაიწყო, რაც საქართველოს პარლამენტის ყოფილმა დეპუტატმა გიორგი კანდელაკმა შობის წინა დღეს გამოაქვეყნა ვიდეო სამებიდან, სადაც ხატის ერთ-ერთ სიუჟეტურ ფრაგმენტზე გამოსახულია სტალინი. თავის პოსტში ოპოზიციონერმა სტალინს საქართველოს დამოუკიდებლობის განადგურების ინიციატორი, ათასობით სამღვდელო პირის მკვლელი და საბჭოთა ტოტალიტარული სისტემის შემქმნელი უწოდა.
„რუსული საინფორმაციო ომის მანქანის მორიგი წარმატება რომელიც დროა შევიმჩნიოთ", - დაწერა კანდელაკმა სოციალურ ქსელში.
ინფორმაციამ ფართო რეზონანსი გამოიწვია არა მხოლოდ სოციალურ ქსელში, არამედ ოპოზიციურ მასმედიაშიც. თუმცა, ოფიციალური განცხადება ამ საკითხზე საპატრიარქოს მხრიდან ჯერჯერობით არ ყოფილა.
ეს საკითხი განმარტა მხოლოდ საპატრიარქოს საზოგადოებასთან ურთიერთობების სამსახურის უფროსმა, დეკანოზმა ანდრია ჯაღმაიძემ. როგორც მან აღნიშნა, საკითხი შობის დღესასწაულზე შემთხვევით არ წამოწიეს და ეს პირველი შემთხვევა არაა, როდესაც დღესასწაულის გადაფარვა უნდათ სკანდალით.
„ამას მატრონას ხატი ეწოდება და არა სტალინის… თუ წმინდა გიორგის ფრესკაზე სადმე დიოკლიტიანეა გამოსახული, ეს დიოკლიტიანეს ხატი არ არის", - განაცხადა ჯაღმაიძემ.
სტალინის ხატი, როგორც ასეთი, არ არსებობს, განაცხადა თავის მხრივ არქიმანდრიტმა იოანე მჭედლიშვილმა ტელეკომპანია "ტვ პირველის" ეთერში.
როგორც მჭედლიშვილმა აღნიშნა, ხატზე ადამიანები ლოცულობენ, სტალინის ხატი კი, როგორც ასეთი არ არსებობს. ეს სიცრუეა. ესაა წმინდა მატრონას ხატი, რომელიც რამდენიმე თვის წინ მოიტანეს. მასზე, სადღაც კუთხეში დახატულია რაღაც ისტორიული ფაქტი, რომ თითქოს სტალინი იქ მივიდა. სულ ესაა. რა შუაშია აქ სტალინის ხატი? ძალიან არასწორი და მიზანმიმართული პროპაგანდაა, განაცხადა არქიმანდრიტმა.
როგორ მოხვდა ხატი სამების ტაძარში
როგორც აღმოჩნდა, წმინდა მატრონას ხატი სამების ტაძარში პარტია „საქართველოს პატრიოტთა ალიანსის" ლიდერებმა ირმა ინაშვილმა და დავით თარხან-მოურავმა დააბრძანეს. ინაშვილის ინფორმაციით, ხატი ქართველმა ხატმწერმა დაწერა და რამდენიმე წლის წინ სამებას შესწირა, ხატის ირგვლივ ატეხილ აჟიოტაჟს ინაშვილმა სრული უწიგნურებისა და სიბნელის ზეიმი უწოდა.
„რატომ არის გამოსახული წმინდა მატრონას ხატზე სტალინი? ამ ხატზე არის წარმოდგენილი მისი ცხოვრების ერთ-ერთი ეპიზოდი - სტალინის მატრონასთან შეხვედრა, როდესაც უღმერთო რეჟიმის წარმომადგენელი, ხელისუფალი იძულებულია წმინდანს შეხვდეს და იძულებულია ფრონტზე შექმნილი მდგომარეობის შესახებ ესაუბროს", - განაცხადა ინაშვილმა თავის ვიდეომიმართვაში.
სტალინის პიროვნებას როგორც საქართველოში, ისე მთელ მსოფლიოში არაერთმნიშვნელოვნად აფასებენ. ვიღაც მიიჩნევს, რომ გამოჩენილი პოლიტიკური მოღვაწე იყო, ვიღაც კი მას სასტიკ ტირანს უწოდებს.
