https://sputnik-georgia.com/20240108/gaeros-specialuri-momxseneblebisdaskvna-danasauli-adamianurobis-winaarmdeg-285507186.html
დანაშული ადამიანურობის წინააღმდეგ: გაეროს ექსპერტების მძიმე დასკვნა 7 ოქტომბრის ტერაქტზე
დანაშული ადამიანურობის წინააღმდეგ: გაეროს ექსპერტების მძიმე დასკვნა 7 ოქტომბრის ტერაქტზე
Sputnik საქართველო
თბილისი, 8 იანვარი — Sputnik. გასული წლის 7 ოქტომბერს ისრაელის მშვიდობიან მოქალაქეებზე თავდასხმები და მათ მიმართ ჩადენილი სექსუალური და ფიზიკური ძალადობა... 08.01.2024-ს, Sputnik საქართველო
2024-01-08T17:34+0400
2024-01-08T17:34+0400
2024-01-08T17:34+0400
მსოფლიო დღეს
ახალი ამბები
მსოფლიოს ახალი ამბები
ისრაელი-ჰამასის ომი
გაერო
პოლიტიკა
https://cdnn1.img.sputnik-georgia.com/img/07e7/0b/0e/284195649_0:160:3072:1888_1920x0_80_0_0_80f06cfcf041f066bce367f873a44fb6.jpg
თბილისი, 8 იანვარი — Sputnik. გასული წლის 7 ოქტომბერს ისრაელის მშვიდობიან მოქალაქეებზე თავდასხმები და მათ მიმართ ჩადენილი სექსუალური და ფიზიკური ძალადობა შესაძლოა ადამიანობის წინააღმდეგ ჩადენილ დანაშაულად იყოს კვალიფიცირებული, ნათქვამია გაეროს სპეციალური მომხსენებლების განცხადებაში, რომელიც ადამიანის უფლებათა უმაღლესი კომისრის ოფისმა (OHCHR) გაავრცელა.გაეროს ექსპერტთა ბრალდებები მოიცავს საერთაშორისო სამართლის მძიმე დარღვევებს: მკვლელობებს, მძევლების აყვანასა და წამებას — მათ შორის სექსუალურ წამებას.გაეროს ექსპერტების თქმით, ადამიანები, სავარაუდოდ, ცოცხლად დაწვეს საკუთარ სახლებში ან თავშესაფრებში. ნაპოვნია თავმოჭრილი და დასახიჩრებული გვამები, ბევრ ცხედარს სიკვდილით დასჯისა და უშუალოდ სიკვდილის წინ ცემის აშკარა ნიშნები ეტყობოდა.როგორც OHCHR-ის საიტზეა ნათქვამი, სექსუალური წამების ბრალდებები მოიცავს ცალკეულ თუ ჯგუფურ გაუპატიურებას, სექსუალურ ძალადობას, სასქესო ორგანოების ცეცხლსასროლი იარაღით დასახიჩრებას. ნაპოვნია სრულად გაშიშვლებული ან წელამდე ტანსაცმელაწეული ქალების ცხედრები.მათი თქმით, „არ არსებობს გარემოებები, რომლებიც ამგვარ ქმედებებს გაამართლებს“. ამასთან ისინი ხაზს უსვამენ, რომ თითოეული მსხვერპლი იმსახურებს აღიარებას, განურჩევლად ეთნიკური წარმომავლობისა, რელიგიისა თუ სქესისა.ისინი მოუწოდებენ ყველა მხარეს, შეთანხმდნენ ცეცხლის შეწყვეტაზე, დაიცვან საერთაშორისო სამართალი და გამოიძიონ ნებისმიერი დანაშაული, რომელიც შეიარაღებული კონფლიქტის დროს შეიძლება ხდებოდეს.როგორც განცხადებაშია ნათქვამი, ექსპერტებმა უკვე გაუგზავნეს წერილი გაეროში პალესტინის წარმომადგენლებს და ჰამასის ხელმძღვანელობას, და ამ ძალადობის გამოძიება მოითხოვეს. წერილის ასლი ასევე გაეგზავნა ისრაელის ხელისუფლებას.დოკუმენტს ხელს აწერენ ალისა ჯილ ედვარდსი — სპეციალური მომხსენებელი წამებისა და სხვა სასტიკი, არაადამიანური ან დამამცირებელი მოპყრობა-დასჯის საკითხებში და მორის ტიდბოლ-ბინცი — სპეციალური მომხსენებელი სასამართლოს გარეშე, ჯგუფური ან თვითნებურად სიკვდილით დასჯის საკითხებში.
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, მსოფლიოს ახალი ამბები, ისრაელი-ჰამასის ომი, გაერო, პოლიტიკა
ახალი ამბები, მსოფლიოს ახალი ამბები, ისრაელი-ჰამასის ომი, გაერო, პოლიტიკა
თბილისი, 8 იანვარი — Sputnik. გასული წლის 7 ოქტომბერს ისრაელის მშვიდობიან მოქალაქეებზე თავდასხმები და მათ მიმართ ჩადენილი სექსუალური და ფიზიკური ძალადობა შესაძლოა ადამიანობის წინააღმდეგ ჩადენილ დანაშაულად იყოს კვალიფიცირებული, ნათქვამია გაეროს სპეციალური მომხსენებლების განცხადებაში, რომელიც ადამიანის უფლებათა უმაღლესი კომისრის ოფისმა (OHCHR)
გაავრცელა.
გაეროს ექსპერტთა ბრალდებები მოიცავს საერთაშორისო სამართლის მძიმე დარღვევებს: მკვლელობებს, მძევლების აყვანასა და წამებას — მათ შორის სექსუალურ წამებას.
„სანამ შეიარაღებული პალესტინური დაჯგუფებები ღაზის სექტორის მოსაზღვრე ისრაელის სოფლებში თარეშობდნენ, ათასობით ადამიანი დაექვემდებარა მიზანმიმართულ და სასტიკ თავდასხმებს, რომელთა აბსოლუტური უმრავლესობა მშვიდობიანი მოსახლეობა იყო. განსაკუთრებით შემზარავია სექსუალური ძალადობის შესახებ მტკიცებულებების მზარდი რაოდენობა“, — აცხადებენ მომხსენებლები.
გაეროს ექსპერტების თქმით, ადამიანები, სავარაუდოდ, ცოცხლად დაწვეს საკუთარ სახლებში ან თავშესაფრებში. ნაპოვნია თავმოჭრილი და დასახიჩრებული გვამები, ბევრ ცხედარს სიკვდილით დასჯისა და უშუალოდ სიკვდილის წინ ცემის აშკარა ნიშნები ეტყობოდა.
როგორც OHCHR-ის საიტზეა ნათქვამი, სექსუალური წამების ბრალდებები მოიცავს ცალკეულ თუ ჯგუფურ გაუპატიურებას, სექსუალურ ძალადობას, სასქესო ორგანოების ცეცხლსასროლი იარაღით დასახიჩრებას. ნაპოვნია სრულად გაშიშვლებული ან წელამდე ტანსაცმელაწეული ქალების ცხედრები.
„ეს ქმედებები წარმოადგენს საერთაშორისო სამართლის უხეშ დარღვევას, რაც ომის დანაშაულის ტოლფასია. მსხვერპლთა რაოდენობის, თავდასხმების განზრახვისა და დაგეგმვის გათვალისწინებით, ეს შეიძლება ადამიანურობის წინააღმდეგ ჩადენილ დანაშაულად კვალიფიცირდეს“, — აცხადებენ ექსპერტები.
მათი თქმით, „არ არსებობს გარემოებები, რომლებიც ამგვარ ქმედებებს გაამართლებს“. ამასთან ისინი ხაზს უსვამენ, რომ თითოეული მსხვერპლი იმსახურებს აღიარებას, განურჩევლად ეთნიკური წარმომავლობისა, რელიგიისა თუ სქესისა.
„ჩვენი როლია, ვიყოთ მათი ხმა“, — აცხადებენ გაეროს სპეციალური მომხსენებლები.
ისინი მოუწოდებენ ყველა მხარეს, შეთანხმდნენ ცეცხლის შეწყვეტაზე, დაიცვან საერთაშორისო სამართალი და გამოიძიონ ნებისმიერი დანაშაული, რომელიც შეიარაღებული კონფლიქტის დროს შეიძლება ხდებოდეს.
როგორც განცხადებაშია ნათქვამი, ექსპერტებმა უკვე გაუგზავნეს წერილი გაეროში პალესტინის წარმომადგენლებს და ჰამასის ხელმძღვანელობას, და ამ ძალადობის გამოძიება მოითხოვეს. წერილის ასლი ასევე გაეგზავნა ისრაელის ხელისუფლებას.
დოკუმენტს ხელს აწერენ ალისა ჯილ ედვარდსი — სპეციალური მომხსენებელი წამებისა და სხვა სასტიკი, არაადამიანური ან დამამცირებელი მოპყრობა-დასჯის საკითხებში და მორის ტიდბოლ-ბინცი — სპეციალური მომხსენებელი სასამართლოს გარეშე, ჯგუფური ან თვითნებურად სიკვდილით დასჯის საკითხებში.
