https://sputnik-georgia.com/20240105/tavdasxma-tibisi-bankze-barldebuls-patimroba-seefarda-285452041.html
თავდასხმა თიბისი ბანკის ფილიალზე - ბრალდებულს პატიმრობა შეეფარდა
თავდასხმა თიბისი ბანკის ფილიალზე - ბრალდებულს პატიმრობა შეეფარდა
Sputnik საქართველო
ბრალდებულმა სასამართლო სხდომაზე განაცხადა, რომ „მძიმე ფსიქოლოგიური პრობლემები“ აქვს. 05.01.2024-ს, Sputnik საქართველო
2024-01-05T21:51+0400
2024-01-05T21:51+0400
2024-01-05T21:51+0400
ახალი ამბები
საქართველო
შემთხვევები საქართველოში
შემთხვევები
თბილისი დღეს
თბილისის საქალაქო სასამართლო
https://cdnn1.img.sputnik-georgia.com/img/07e4/0b/1e/250207789_0:85:1620:996_1920x0_80_0_0_ab9791bf8ddb7a0b55ea085b31828bf5.jpg
თბილისი, 5 იანვარი – Sputnik. თბილისის საქალაქო სასამართლომ „თიბისი ბანკში“ მომხდარი ყაჩაღური თავდასხმის ფაქტზე ბრალდებულ გუგა გოცირიძეს პატიმრობა შეუფარდა, იუწყება „პირველი არხი“.გამოძიებით დადგინდა, რომ 3 იანვარს თბილისში, სულხან ცინცაძის ქუჩაზე მდებარე „თიბისი ბანკის“ ფილიალში ბრალდებული პისტოლეტის მსგავსი საგნის დემონსტრირებით თავს დაესხა ბანკის თანამშრომლებს და სიცოცხლის მოსპობის მუქარით ფულს ითხოვდა, თუმცა განგაშის სიგნალის ჩართვის გამო ბრალდებულმა თანხის დაუფლება ვერ შეძლო და შემთხვევის ადგილიდან მიიმალა.ადვოკატ დავით ბარბაქაძის განცხადებით, გუგა გოცირიძე თანამშრომლობს გამოძიებასთან და აღიარებს დანაშაულს. დაცვის მხარე გირაოს შეფარდებას მოითხოვდა, თუმცა სასამართლომ ადვოკატის შუამდგომლობა არ დააკმაყოფილა.ბრალდების მხარე აღკვეთის ღონისძიებად პატიმრობის შეფარდებას ითხოვდა. პროკურორ გიორგი ნადირაძის განცხადებით, შემდგომი დანაშაულების გაგრძელებისა და მტკიცებულებათა განადგურების საფრთხე არსებობდა. მოსამართლემ, ირაკლი ხუსკივაძემ პროკურორის შუამდგომლობა დააკმაყოფილა.ადვოკატის თქმით, გოცირიძემ ბანკი 15 წამში, სიგნალიზაციის ჩართვის შემდეგ დატოვა.„გოცირიძე შენიღბული არ ყოფილა, კეპი ეხურა. ის ჩემი ბავშვობის მეგობარია და არაადეკვატურობა არასდროს შემინიშნავს“, – განაცხადა ადვოკატმა.მისივე თქმით, 3 იანვარს „თიბისი ბანკში“ შეჭრას თავად დაკავებულიც ვერ ხსნის და ამას მძიმე ფსიქოლოგიურ სტრესს და ოჯახურ პრობლემებს უკავშირებს. ბანკში შეჭრამდე, ადვოკატის ინფორმაციით, ამ პრობლემების გამო გოცირიძემ თვითმკვლელობაც სცადა.რაც შეეხება დაკავების ადგილს, ადვოკატის თქმით, გოცირიძე მომხდარიდან რამდენიმე საათში საკუთარ სახლში, ბახტრიონზე დააკავეს. ბანკიდან მიმალვის შემდეგ ის სახლში წავიდა.რაც შეეხება ბრალდებულს, მან სასამართლო სხდომაზე განაცხადა, რომ „მძიმე ფსიქოლოგიური პრობლემები“ აქვს.დაკავებულს ბრალდება საქართველოს სისხლის სამართლის კოდექსის 179-ე მუხლის 1-ლი ნაწილით წარედგინა, რაც გულისხმობს ყაჩაღობას, ესე იგი თავდასხმას სხვისი მოძრავი ნივთის მართლსაწინააღმდეგო მისაკუთრების მიზნით, ჩადენილი სიცოცხლისათვის საშიში ძალადობის გამოყენების მუქარით.ბრალის დამტკიცების შემთხვევაში მამაკაცს 5-დან 7 წლამდე თავისუფლების აღკვეთა ემუქრება.თავდაპირველად გამოძიება ბრალდებულს ცეცხლსასროლი იარაღის უკანონო შეძენა-შენახვა-ტარებასაც ედევაბოდა, რაც შემდგომში მოეხსნა, რადგან პისტოლეტი სათამაშო აღნოჩნდა.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2024
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საქართველო, შემთხვევები საქართველოში, შემთხვევები, თბილისი დღეს, თბილისის საქალაქო სასამართლო
ახალი ამბები, საქართველო, შემთხვევები საქართველოში, შემთხვევები, თბილისი დღეს, თბილისის საქალაქო სასამართლო
თავდასხმა თიბისი ბანკის ფილიალზე - ბრალდებულს პატიმრობა შეეფარდა
ბრალდებულმა სასამართლო სხდომაზე განაცხადა, რომ „მძიმე ფსიქოლოგიური პრობლემები“ აქვს.
თბილისი, 5 იანვარი – Sputnik. თბილისის საქალაქო სასამართლომ „თიბისი ბანკში“ მომხდარი ყაჩაღური თავდასხმის ფაქტზე ბრალდებულ გუგა გოცირიძეს პატიმრობა შეუფარდა, იუწყება „პირველი არხი“.
გამოძიებით დადგინდა, რომ 3 იანვარს თბილისში, სულხან ცინცაძის ქუჩაზე მდებარე „თიბისი ბანკის“ ფილიალში ბრალდებული პისტოლეტის მსგავსი საგნის დემონსტრირებით თავს დაესხა ბანკის თანამშრომლებს და სიცოცხლის მოსპობის მუქარით ფულს ითხოვდა, თუმცა განგაშის სიგნალის ჩართვის გამო ბრალდებულმა თანხის დაუფლება ვერ შეძლო და შემთხვევის ადგილიდან მიიმალა.
ადვოკატ დავით ბარბაქაძის განცხადებით, გუგა გოცირიძე თანამშრომლობს გამოძიებასთან და აღიარებს დანაშაულს. დაცვის მხარე გირაოს შეფარდებას მოითხოვდა, თუმცა სასამართლომ ადვოკატის შუამდგომლობა არ დააკმაყოფილა.
ბრალდების მხარე აღკვეთის ღონისძიებად პატიმრობის შეფარდებას ითხოვდა. პროკურორ გიორგი ნადირაძის განცხადებით, შემდგომი დანაშაულების გაგრძელებისა და მტკიცებულებათა განადგურების საფრთხე არსებობდა. მოსამართლემ, ირაკლი ხუსკივაძემ პროკურორის შუამდგომლობა დააკმაყოფილა.
ადვოკატის თქმით, გოცირიძემ ბანკი 15 წამში, სიგნალიზაციის ჩართვის შემდეგ დატოვა.
„გოცირიძე შენიღბული არ ყოფილა, კეპი ეხურა. ის ჩემი ბავშვობის მეგობარია და არაადეკვატურობა არასდროს შემინიშნავს“, – განაცხადა ადვოკატმა.
მისივე თქმით, 3 იანვარს „თიბისი ბანკში“ შეჭრას თავად დაკავებულიც ვერ ხსნის და ამას მძიმე ფსიქოლოგიურ სტრესს და ოჯახურ პრობლემებს უკავშირებს. ბანკში შეჭრამდე, ადვოკატის ინფორმაციით, ამ პრობლემების გამო გოცირიძემ თვითმკვლელობაც სცადა.
რაც შეეხება დაკავების ადგილს, ადვოკატის თქმით, გოცირიძე მომხდარიდან რამდენიმე საათში საკუთარ სახლში, ბახტრიონზე დააკავეს. ბანკიდან მიმალვის შემდეგ ის სახლში წავიდა.
რაც შეეხება ბრალდებულს, მან სასამართლო სხდომაზე განაცხადა, რომ „მძიმე ფსიქოლოგიური პრობლემები“ აქვს.
დაკავებულს ბრალდება საქართველოს სისხლის სამართლის კოდექსის 179-ე მუხლის 1-ლი ნაწილით წარედგინა, რაც გულისხმობს ყაჩაღობას, ესე იგი თავდასხმას სხვისი მოძრავი ნივთის მართლსაწინააღმდეგო მისაკუთრების მიზნით, ჩადენილი სიცოცხლისათვის საშიში ძალადობის გამოყენების მუქარით.
ბრალის დამტკიცების შემთხვევაში მამაკაცს 5-დან 7 წლამდე თავისუფლების აღკვეთა ემუქრება.
თავდაპირველად გამოძიება ბრალდებულს ცეცხლსასროლი იარაღის უკანონო შეძენა-შენახვა-ტარებასაც ედევაბოდა, რაც შემდგომში მოეხსნა, რადგან პისტოლეტი სათამაშო აღნოჩნდა.
