https://sputnik-georgia.com/20231228/respublikeli-kongresmenebi-baidens-seamowmeben-285295608.html
უშლიდა თუ არა ჯო ბაიდენი ხელს კონგრესის გამოძიებას: რესპუბლიკელები შემოწმებას იწყებენ
უშლიდა თუ არა ჯო ბაიდენი ხელს კონგრესის გამოძიებას: რესპუბლიკელები შემოწმებას იწყებენ
Sputnik საქართველო
თბილისი, 28 დეკემბერი — Sputnik. აშშ-ის წარმომადგენელთა პალატის რესპუბლიკელი წევრები აპირებენ გამოიკვლიონ, უქმნიდა თუ არა პრეზიდენტი ჯო ბაიდენი კონგრესის... 28.12.2023-ს, Sputnik საქართველო
2023-12-28T10:26+0400
2023-12-28T10:26+0400
2023-12-28T10:32+0400
მსოფლიო დღეს
ახალი ამბები
მსოფლიოს ახალი ამბები
აშშ
ჯო ბაიდენი
პოლიტიკა
https://cdnn1.img.sputnik-georgia.com/img/07e7/04/0c/276664101_0:320:3072:2048_1920x0_80_0_0_1d82c336a8ed79622b8d320977eea96e.jpg
თბილისი, 28 დეკემბერი — Sputnik. აშშ-ის წარმომადგენელთა პალატის რესპუბლიკელი წევრები აპირებენ გამოიკვლიონ, უქმნიდა თუ არა პრეზიდენტი ჯო ბაიდენი კონგრესის გამოძიებას თავის ვაჟთან — ჰანტერ ბაიდენთან დაკავშირებით.ამის შესახებ ნათქვამია წერილში, რომელიც თეთრ სახლს პალატის ზედამხედველობისა და იურიდიული კომიტეტების თავმჯდომარეებმა, ჯეიმს კომერმა და ჯიმ ჯორდანმა გაუგზავნეს.წერილის თანახმად, ჰანტერბაიდენმა დეკემბრის დასაწყისში უარი თქვა, გამოცხადებულიყო კონგრესში მოსმენაზე, სადაც ის პრეზიდენტის იმპიჩმენტის საქმეზე ჩვენების მისაცემად იყო დაბარებული. ჰანტერ ბაიდენი ამტკიცებდა, რომ რესპუბლიკელები, „ფაქტების გაყალბების, მტკიცებულებებით მანიპულაციიისა და სიცრუის“ გზით „არაკანონიერ გამოძიებას“ აწარმოებდნენ მისი და მისი ოჯახის წევრების წინააღმდეგ.მან ხაზგასმით აღნიშნა, რომ ჩვენებას მხოლოდ ღია სხდომებზე მისცემდა და არა დახურულ კარს მიღმა, როგორც ამას კანონმდებლები ითხოვდნენ. ამის შემდეგ, 13 დეკემბერს, თეთრი სახლის პრესმდივანმა კარინ ჟან-პიერმა რეგულარულ ბრიფინგზე განაცხადა, რომ ჯო ბაიდენმა წინასწარ იცოდა, რა განცხადებას გააკეთებდა მისი შვილი იმპიჩმენტის საქმესთან და ჩვენებასთან დაკავშირებით.როგორც კონგრესმენებს მიაჩნიათ, აუცილებელია გაირკვეს, „ცდილობდა თუ არა პრეზიდენტი კორუფციული გზით მოეხდინა გავლენა კომიტეტების მუშაობაზე, ან გაერთულებინა მათთვის მუშაობა“ იმით, რომ შვილი დაარწმუნა, თავი აერიდებინა კონგრესში მისვლისთვის.საქმე ისაა, რომ შეერთებულ შტატებში კანონმდებლების მოთხოვნების შეუსრულებლობა, ანუ მოსმენებზე გამოუცხადებლობა, კონგრესის მიმართ შეურაცხყოფად განიხილება და შეიძლება სისხლისსამართლებრივი დევნა გამოიწვიოს.ამასთან დაკავშირებით, კანონმდებლები თეთრ სახლისგან მოითხოვენ, მიაწოდოს ინფორმაცია და დოკუმენტები, რომლებიც შესაძლოა აშშ-ის პრეზიდენტის თანაშემწეებსა და ჰანტერ ბაიდენს შორის კონსულტაციებს ეხებოდეს კონგრესის მოსმენებზე გამოცხადებასთან დაკავშირებით.პრეზიდენტის იმპიჩმენტის საკითხზე გამოძიება აშშ-ში რამდენიმე თვის წინ დაიწყო. დეკემბერში წარმომადგენელთა პალატამ მხარი დაუჭირა რეზოლუციას მისი გაგრძელების შესახებ. გამოძიების საფუძვლად ჰანტერ ბაიდენის საქმიანობა და სახელმწიფოს მეთაურის ოჯახის საეჭვო გარიგებები დასახელდა. რესპუბლიკელებს მიაჩნიათ, რომ ჯო ბაიდენის ოჯახის წევრებს ბიზნესში მისი გავლენით სარგებლობა შეეძლოთ.
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, მსოფლიოს ახალი ამბები, აშშ , ჯო ბაიდენი, პოლიტიკა
ახალი ამბები, მსოფლიოს ახალი ამბები, აშშ , ჯო ბაიდენი, პოლიტიკა
თბილისი, 28 დეკემბერი — Sputnik. აშშ-ის წარმომადგენელთა პალატის რესპუბლიკელი წევრები აპირებენ გამოიკვლიონ, უქმნიდა თუ არა პრეზიდენტი ჯო ბაიდენი კონგრესის გამოძიებას თავის ვაჟთან — ჰანტერ ბაიდენთან დაკავშირებით.
ამის შესახებ ნათქვამია
წერილში, რომელიც თეთრ სახლს პალატის ზედამხედველობისა და იურიდიული კომიტეტების თავმჯდომარეებმა, ჯეიმს კომერმა და ჯიმ ჯორდანმა გაუგზავნეს.
წერილის თანახმად, ჰანტერბაიდენმა დეკემბრის დასაწყისში უარი თქვა, გამოცხადებულიყო კონგრესში მოსმენაზე, სადაც ის პრეზიდენტის იმპიჩმენტის საქმეზე ჩვენების მისაცემად იყო დაბარებული.
ჰანტერ ბაიდენი ამტკიცებდა, რომ რესპუბლიკელები, „ფაქტების გაყალბების, მტკიცებულებებით მანიპულაციიისა და სიცრუის“ გზით „არაკანონიერ გამოძიებას“ აწარმოებდნენ მისი და მისი ოჯახის წევრების წინააღმდეგ.
მან ხაზგასმით აღნიშნა, რომ ჩვენებას მხოლოდ ღია სხდომებზე მისცემდა და არა დახურულ კარს მიღმა, როგორც ამას კანონმდებლები ითხოვდნენ. ამის შემდეგ, 13 დეკემბერს, თეთრი სახლის პრესმდივანმა კარინ ჟან-პიერმა რეგულარულ ბრიფინგზე განაცხადა, რომ ჯო ბაიდენმა წინასწარ იცოდა, რა განცხადებას გააკეთებდა მისი შვილი იმპიჩმენტის საქმესთან და ჩვენებასთან დაკავშირებით.
„თეთრი სახლის ოფიციალური განცხადების გათვალისწინებით, რომ პრეზიდენტმა ბაიდენმა წინასწარ იცოდა, რომ მისი ვაჟი ჰანტერ ბაიდენი შეგნებულად არ დაემორჩილა კონგრესის ორ გამოძახებას, იძულებული ვართ, იმპიჩმენტის საქმის ფარგლებში შევამოწმოთ, მონაწილეობდა თუ არა პრეზიდენტი შეთქმულებაში, რომლის მიზანიც კონგრესის მუშაობისთვის ხელის შეშლა იყო“, — წერენ კომერი და ჯორდანი გზავნილში.
როგორც კონგრესმენებს მიაჩნიათ, აუცილებელია გაირკვეს, „ცდილობდა თუ არა პრეზიდენტი კორუფციული გზით მოეხდინა გავლენა კომიტეტების მუშაობაზე, ან გაერთულებინა მათთვის მუშაობა“ იმით, რომ შვილი დაარწმუნა, თავი აერიდებინა კონგრესში მისვლისთვის.
„ასეთი ქმედებები შეიძლება იყოს დანაშაული, რომელთაც იმპიჩმენტი მოჰყვება“, — განმარტავენ წერილის ავტორები.
საქმე ისაა, რომ შეერთებულ შტატებში კანონმდებლების მოთხოვნების შეუსრულებლობა, ანუ მოსმენებზე გამოუცხადებლობა, კონგრესის მიმართ შეურაცხყოფად განიხილება და შეიძლება სისხლისსამართლებრივი დევნა გამოიწვიოს.
ამასთან დაკავშირებით, კანონმდებლები თეთრ სახლისგან მოითხოვენ, მიაწოდოს ინფორმაცია და დოკუმენტები, რომლებიც შესაძლოა აშშ-ის პრეზიდენტის თანაშემწეებსა და ჰანტერ ბაიდენს შორის კონსულტაციებს ეხებოდეს კონგრესის მოსმენებზე გამოცხადებასთან დაკავშირებით.
პრეზიდენტის იმპიჩმენტის საკითხზე გამოძიება აშშ-ში რამდენიმე თვის წინ დაიწყო. დეკემბერში წარმომადგენელთა პალატამ მხარი დაუჭირა რეზოლუციას მისი გაგრძელების შესახებ. გამოძიების საფუძვლად ჰანტერ ბაიდენის საქმიანობა და სახელმწიფოს მეთაურის ოჯახის საეჭვო გარიგებები დასახელდა. რესპუბლიკელებს მიაჩნიათ, რომ ჯო ბაიდენის ოჯახის წევრებს ბიზნესში მისი გავლენით სარგებლობა შეეძლოთ.
