მარილის სასარგებლო თვისებები: რამდენიმე უჩვეულო წესი

ამცირებს კუჭის მჟავიანობას და შველის მუცლის შებერილობას. საამისო ხსნარის დასამზადებლად გახსენით ერთ ჭიქა წყალში ერთი ჩაის კოვზი მარილი;

სპობს ბაქტერიებს პირის ღრუში, ხელს უშლის კარიესის განვითარებას, წმენდს და ათეთრებს კბილებს. შეგიძლიათ გამოიყენთ როგორც ცალკე, ისე კბილის პასტაში არეული. მაგრამ მხოლოდ კვირაში ერთხელ და ისიც ძალიან წმინდად დაფქული;

კარგი სკრაბია სხეულისთვის. ოდნავ დაასველეთ გარკვეული რაოდენობის მარილი და ფაქიზად დაიზილეთ კანი;

ჩაუშვით ერთი ჭიქა მარილი აბაზანაში და ჩაწექით შიგ. ამ გზით გლუვი და სუფთა კანი გარანტირებულია;

კარგი საშუალებაა მწერების ნაკბენის წინააღმდეგ. საკმარისია შეიზილოთ ის ნაკბენზე და ის სწრაფად დაგიამდებათ;

კარგი საშუალებაა ხელებიდან უსიამოვნო სუნის გასაქრობად. უბრალოდ დაიბანეთ ხელები მარილით;

გააქრობს საფენით (პამპერსით) გამოწვეულ გაღიზიანებას ბავშვის კანიდან, თუ ბავშვის აბაზანაში ჩაამატებთ;

შველის ღრძილების დაავადებასა და პირიდან უსიამოვნო სუნის გაქრობას, თუ ერთ ჭიქა წყალში გახსნილ ნახევარ ჩაის კოვზ მარილს გამოივლებთ;

თუ თავის კანი და თმები ზედმეტად გიცხიმიანდებათ, ჩაამატეთ შამპუნში ცოტაოდენი მარილი. შეგიძლიათ ასევე გამოიყენოთ თბილის წყლის, ლიმონის წვენისა და მარილის ნაზავი თმებზე გადასავლებად;

მარილის აბაზანები დაგირბილებთ და მოგიშუშებთ ხელებზე დამსკდარ კანს;

აშუშებს და აამებს მედუზის ნაკბენს;

ხსნის სასუნთქ გზებს; ერთ ჭიქა გადადუღებულ წყალში დაამატეთ 0,5-1 ჩაის კოვზი მარილი, გაადნეთ სრულად (თუ საჭიროა, გადაწურეთ კიდეც) და ჩაიწვეთეთ ცხვირში;

ჩაყარეთ მარილი საფერფლეში და თამბაქოს უსიამოვნო სუნი საგრძნობლად შემცირდება;

კარგად აპრიალებს სარკეებსა და მინებს, თუ მარილწყალს სპრეით შეასხურებთ, შემდეგ კი რბილი ტილოთი გაწმენდთ;

ჩაამატეთ ცოტაოდენი მარილი სარეცხის ფხვნილში და თქვენი სარეცხი უკეთ გაირეცხება;

კარგად ასფთავებს მარმარილოს ზედაპირს;

შესანიშნავად წმენდს კბილის პროთეზს, თუ მას ცოტა ხნით მარილწყალში ჩადებთ.