https://sputnik-georgia.com/20231208/tamuna-ziraqishvili-xelnaket-nivtebs-amzadebs-284795548.html
„სიყვარულმა ლამაზი ნივთების გაკეთება შემაძლებინა“
„სიყვარულმა ლამაზი ნივთების გაკეთება შემაძლებინა“
Sputnik საქართველო
თამუნა ზირაქიშვილის შემთხვევაში ყველაფერი ბავშვობის გატაცებიდან დაიწყო. 08.12.2023-ს, Sputnik საქართველო
2023-12-08T12:45+0400
2023-12-08T12:45+0400
2023-12-08T12:45+0400
საქართველო
კულტურა საქართველოში
ინტერვიუ
ეს საინტერესოა
https://cdnn1.img.sputnik-georgia.com/img/24891/49/248914922_0:52:1000:615_1920x0_80_0_0_6f9b184cfd6877d8ec475ea1bce93627.jpg
„იმედია, ჩემი ნივთებით ადამიანებს დღევანდელ ყოფას ცოტათი მაინც ვულამაზებ“- გვითხრა თამუნა ზირაქიშვილმა. უკვე წლებია ტყავზე მუშაობს და მისი ბრენდი Tamara,s line მომხმარებლებს ორიგინალურ ჩანთებს, საფულეებს, სამკაულებს და სხვადასხვა აქსესუარებს სთავაზობს. სამედიცინო განათლების მიღების მერე ხელოვნების აკადემიაში ისწავლა. - თამუნა, შემოქმედებითი ადამიანი ხართ და სამედიცინო განათლების მიღება რატომ გადაწყვიტეთ?- სამედიცინო განათლება რომ მიმეღო, ეს უფრო მშობლების სურვილი იყო, სამკურნალო ფაკულტეტზე ვსწავლობდი. ბოლოს მაინც ჩემს მოწოდებას მივუბრუნდი და თანამედროვე ხელოვნების აკადემიაში ტანსაცმლისა და აქსესუარების ფაკულტეტი დავამთავრე. სწავლის პერიოდში ახალი დაოჯახებული ვიყავი და სამწუხაროდ, მაშინ გამოფენებში მონაწილეობა ვერ მივიღე.- ტანსაცმლის მოდელების შექმნა როდის გადავწყვიტეთ?- როცა აკადემიაში ესკიზებს ვხატავდი და სტილზე ვმუშაობდი, პროფესიულ დონეზე ტანსაცმლის შექმნაც სწორედ მაშინ დავიწყე. განსაკუთრებით საქორწინო კაბებით ვიყავი გატაცებული და ეს საქმე საკმაოდ კარგად გამომდიდა. საერთოდ ხელსაქმით ბავშვობიდან ვიყავი დაინტერესებული. დიდ დროს ვუთმობდი ხატვას და თოჯინების სტილის შეცვლას. ჩემი პირველი მნიშვნელოვანი ნამუშევარიც კარგად მახსოვს, ეს იყო ლამაზად მოქარგული ყვავილი, რომლითაც ყველა გავაოცე.- ქარგვა და ქსოვა ვინ გასწავლათ?- ორივე ბებიამ მასწავლა. საოცრად თბილი ადამიანი იყო და პირველად ჩხირების ხელში დაჭერა და თვლების ამოყვანა მისგან ვისწავლე. მერე ვთხოვდი, რომ ჩემთვის ორნამენტები ესწავლებინა, მაგრამ მეუბნებოდა, შენთვის ადრეა, ჯერ პატარა ხარო. მაშინ დაახლოებით ცხრა წლის ვიყავი. დანარჩენი უკვე თვითონ ვისწავლე. კერვაც ვცადე, მაგრამ სანამ სრულყოფილად არ შევისწავლე სპეციალისტთან, ისეთი არ გამომდიოდა, როგორიც ჩანაფიქრში მქონდა.- თქვენი საქმინობა ტყავის აქსესუარებით დაიწყეთ?- დიახ, რადგან ნატურალური ტყავისგან შექმნილი განსხვავებული ჩანთები ძალიან მომწონდა. ამ სიყვარულმა ლამაზი ნივთების გაკეთება შემაძლებინა. ტყავზე მუშაობა საკმაოდ ძნელი და ხანგრძლივი პროცესია, რადგან ყველა პროცედურას მხოლოდ ხელით ვაკეთებ. ჯერ ვხაზავ თარგს და მერე მის მიხედვით ვჭრი ტყავს, რომელსაც ვამუშავებ, ბოლოს მოხატვას ვიწყებ. ტყავის მოხატვას ვაკეთებ კვეთით, რაც რთულია, მაგრამ როცა შედეგს ვხედავ, სირთულე მავიწყდება და ბედნიერებას განვიცდი.- ისე გიცნობენ როგორც პოზიტიურ ადამიანს, ეს ფაქტორი რამდენად გეხმარებათ საქმიანობის დროს?- საერთოდ პოზიტიური ადამიანი ვარ და ყველაფერს ლამაზად აღვიქვამ. მიყვარს ადამიანები, ცხოველები, ბუნება და, საერთოდ, სამყარო. არ მიყვარს, როცა ვინმეს ჩაგრავენ და სხვების ცუდად ყოფნას მართლა განვიცდი. შესაძლებლობა რომ მქონდეს, ყველას დავეხმარებოდი.- მომხმარებლებთან როგორი ურთიერთობა გაქვთ?- მახარებს ის ამბავი, რომ ჩემი მომხმარებლებიდან ბევრს დავუმეგობრდი. უკვე ვიცი მათი გემოვნება და ეს ფაქტი ურთიერთობას მიადვილებს. ძალიან ბევრი „შეკვეთა“ მაქვს ოჯახის წევრებისგანაც, საერთოდ, გარშემო ყველა ჩემ გაკეთებულ აქსესუარს ატარებს.ნინო მამულაშვილი
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, კულტურა საქართველოში, ინტერვიუ, ეს საინტერესოა
საქართველო, კულტურა საქართველოში, ინტერვიუ, ეს საინტერესოა
„სიყვარულმა ლამაზი ნივთების გაკეთება შემაძლებინა“
თამუნა ზირაქიშვილის შემთხვევაში ყველაფერი ბავშვობის გატაცებიდან დაიწყო.
„იმედია, ჩემი ნივთებით ადამიანებს დღევანდელ ყოფას ცოტათი მაინც ვულამაზებ“- გვითხრა თამუნა ზირაქიშვილმა. უკვე წლებია ტყავზე მუშაობს და მისი ბრენდი Tamara,s line მომხმარებლებს ორიგინალურ ჩანთებს, საფულეებს, სამკაულებს და სხვადასხვა აქსესუარებს სთავაზობს. სამედიცინო განათლების მიღების მერე ხელოვნების აკადემიაში ისწავლა.
- თამუნა, შემოქმედებითი ადამიანი ხართ და სამედიცინო განათლების მიღება რატომ გადაწყვიტეთ?
- სამედიცინო განათლება რომ მიმეღო, ეს უფრო მშობლების სურვილი იყო, სამკურნალო ფაკულტეტზე ვსწავლობდი. ბოლოს მაინც ჩემს მოწოდებას მივუბრუნდი და თანამედროვე ხელოვნების აკადემიაში ტანსაცმლისა და აქსესუარების ფაკულტეტი დავამთავრე. სწავლის პერიოდში ახალი დაოჯახებული ვიყავი და სამწუხაროდ, მაშინ გამოფენებში მონაწილეობა ვერ მივიღე.
- ტანსაცმლის მოდელების შექმნა როდის გადავწყვიტეთ?
- როცა აკადემიაში ესკიზებს ვხატავდი და სტილზე ვმუშაობდი, პროფესიულ დონეზე ტანსაცმლის შექმნაც სწორედ მაშინ დავიწყე. განსაკუთრებით საქორწინო კაბებით ვიყავი გატაცებული და ეს საქმე საკმაოდ კარგად გამომდიდა. საერთოდ ხელსაქმით ბავშვობიდან ვიყავი დაინტერესებული. დიდ დროს ვუთმობდი ხატვას და თოჯინების სტილის შეცვლას. ჩემი პირველი მნიშვნელოვანი ნამუშევარიც კარგად მახსოვს, ეს იყო ლამაზად მოქარგული ყვავილი, რომლითაც ყველა გავაოცე.
- ქარგვა და ქსოვა ვინ გასწავლათ?
- ორივე ბებიამ მასწავლა. საოცრად თბილი ადამიანი იყო და პირველად ჩხირების ხელში დაჭერა და თვლების ამოყვანა მისგან ვისწავლე. მერე ვთხოვდი, რომ ჩემთვის ორნამენტები ესწავლებინა, მაგრამ მეუბნებოდა, შენთვის ადრეა, ჯერ პატარა ხარო. მაშინ დაახლოებით ცხრა წლის ვიყავი. დანარჩენი უკვე თვითონ ვისწავლე. კერვაც ვცადე, მაგრამ სანამ სრულყოფილად არ შევისწავლე სპეციალისტთან, ისეთი არ გამომდიოდა, როგორიც ჩანაფიქრში მქონდა.
- თქვენი საქმინობა ტყავის აქსესუარებით დაიწყეთ?
- დიახ, რადგან ნატურალური ტყავისგან შექმნილი განსხვავებული ჩანთები ძალიან მომწონდა. ამ სიყვარულმა ლამაზი ნივთების გაკეთება შემაძლებინა. ტყავზე მუშაობა საკმაოდ ძნელი და ხანგრძლივი პროცესია, რადგან ყველა პროცედურას მხოლოდ ხელით ვაკეთებ. ჯერ ვხაზავ თარგს და მერე მის მიხედვით ვჭრი ტყავს, რომელსაც ვამუშავებ, ბოლოს მოხატვას ვიწყებ. ტყავის მოხატვას ვაკეთებ კვეთით, რაც რთულია, მაგრამ როცა შედეგს ვხედავ, სირთულე მავიწყდება და ბედნიერებას განვიცდი.
- ისე გიცნობენ როგორც პოზიტიურ ადამიანს, ეს ფაქტორი რამდენად გეხმარებათ საქმიანობის დროს?
- საერთოდ პოზიტიური ადამიანი ვარ და ყველაფერს ლამაზად აღვიქვამ. მიყვარს ადამიანები, ცხოველები, ბუნება და, საერთოდ, სამყარო. არ მიყვარს, როცა ვინმეს ჩაგრავენ და სხვების ცუდად ყოფნას მართლა განვიცდი. შესაძლებლობა რომ მქონდეს, ყველას დავეხმარებოდი.
- მომხმარებლებთან როგორი ურთიერთობა გაქვთ?
- მახარებს ის ამბავი, რომ ჩემი მომხმარებლებიდან ბევრს დავუმეგობრდი. უკვე ვიცი მათი გემოვნება და ეს ფაქტი ურთიერთობას მიადვილებს. ძალიან ბევრი „შეკვეთა“ მაქვს ოჯახის წევრებისგანაც, საერთოდ, გარშემო ყველა ჩემ გაკეთებულ აქსესუარს ატარებს.
