https://sputnik-georgia.com/20231206/saqartvelos-evrokavsiris-signit-utanxmoebebi-ar-seexeba-papuasvili-284735540.html
საქართველოს ევროკავშირის შიგნით უთანხმოებები არ შეეხება - პაპუაშვილი
საქართველოს ევროკავშირის შიგნით უთანხმოებები არ შეეხება - პაპუაშვილი
Sputnik საქართველო
პარლამენტის თავმჯდომარემ გამორიცხა, რომ საქართველოს საკითხს უკრაინასთან და მოლდოვასთან ერთ კონტექსტში განიხილავენ. 06.12.2023-ს, Sputnik საქართველო
2023-12-06T10:49+0400
2023-12-06T10:49+0400
2023-12-06T10:49+0400
პოლიტიკა საქართველოში
პოლიტიკა
საქართველო-ევროკავშირის ურთიერთობები
საქართველო
ახალი ამბები
უნგრეთი
შალვა პაპუაშვილი
საქართველოს პარლამენტის თავმჯდომარე
https://cdnn1.img.sputnik-georgia.com/img/07e7/0c/04/284693569_35:253:2014:1366_1920x0_80_0_0_542e6fdaa1da8440fda1416323a67954.jpg
თბილისი, 6 დეკემბერი — Sputnik. უთანხმოებები ევროკავშირის ლიდერებს შორის არ შეუშლის ხელს საქართველოს კანდიდატის სტატუსის მიღებაში, განაცხადა საქართველოს პარლამენტის თავმჯდომარე შალვა პაპუაშვილმა. უნგრეთი თანამეგობრობის წევრი ქვეყნების მეთაურთა დეკემბრის სამიტზე უკრაინის ევროკავშირში შესვლის შესახებ მოლაპარაკებების დაწყების წინააღმდეგ გამოდის. შესაბამისი წერილი ქვეყნის პრემიერ-მინისტრმა ვიქტორ ორბანმა ევროპული საბჭოს პრეზიდენტს შარლ მიშელს გაუგზავნა. მისი თქმით, ევროკავშირის ქვეყნებს არაფერი უშლის ხელს, რომ საქართველოსთან დაკავშირებით დადებითი გადაწყვეტილება მიიღონ. პარლამენტის თავმჯდომარემ ასევე გამორიცხა, რომ საქართველოს საკითხს უკრაინასთან და მოლდოვასთან ერთ კონტექსტში განიხილავენ. „საქართველოში საუბარია, რომ განხილვა იყოს პაკეტად თუ ა.შ. არ ვიცი, შარშან, ივნისში, არ იყო ეს პაკეტი? რატომ იყო სხვადასხვა გადაწყვეტილებები? ევროკავშირის წევრ ქვეყნებს არაფერი უშლით ხელს, რომ საქართველოსთან დაკავშირებით პოზიტიური გადაწყვეტილება მიიღონ. ამიტომ, მხოლოდ პოზიტიურ გადაწყვეტილებას ველოდებით", - განაცხადა პაპუაშვილმა. საქართველოსა და ევროკავშირს შორის ურთიერთობები საქართველოსა და ევროკავშირის ურთიერთობები 2006 წლიდან განვითარდა. განსაკუთრებით მჭიდრო ეს ურთიერთობები 2009 წელს გახდა, როდესაც საქართველო „აღმოსავლეთ პარტნიორობის" პროგრამის მონაწილე გახდა. პროგრამა მიზნად ისახავს ევროკავშირის პოლიტიკურ და ეკონომიკურ ინტეგრაციას ექვს ქვეყანასთან – აზერბაიჯანთან, სომხეთთან, ბელარუსთან, საქართველოსთან, მოლდოვასთან და უკრაინასთან. რას მიაღწია „ქართულმა ოცნებამ" ევროკავშირისკენ გზაზე - წულუკიანის პასუხი>>პროგრამის ფარგლებში 2014 წლის ივნისში საქართველომ და ევროკავშირმა ხელი მოაწერეს ასოცირების შეთანხმებას, რომლის განუყოფელი ნაწილია შეთანხმება ღრმა და ყოვლისმომცველი თავისუფალი ვაჭრობის ზონის შესახებ. 2017 წლის 28 მარტიდან ევროკავშირმა საქართველოს მოქალაქეებისთვის შენგენის ზონის ქვეყნებში მოკლევადიან ვიზიტებზე ვიზები გააუქმა. 2022 წლის 3 მარტს კი საქართველომ კანდიდატის სტატუსის მისაღებად ევროკავშირში განაცხადი შეიტანა. 2022 წლის ივნისში ევროპულმა საბჭომ მიიღო გადაწყვეტილება, აღიაროს საქართველოს ევროპული პერსპექტივა და გამოთქვა მზადყოფნა, მიანიჭოს მას კანდიდატი ქვეყნის სტატუსი, როგორც კი შესრულდება 12 პირობა. იმავე დღეს კანდიდატის სტატუსი მოლდოვამ და უკრაინამ მიიღეს. მინისტრი: ჩვენ ვატარებთ ევროკავშირის საგარეო პოლიტიკას - არ ვივიწყებთ საკუთარ ინტერესებს>>საქართველოს ხელისუფლებამ განაცხადა, რომ 2022 წელს საქართველოსთვის სტატუსის მინიჭებაზე უარი უსამართლო გადაწყვეტილება იყო და რომ საქართველო, ყველა კრიტერიუმით, ჯერ კიდევ მაშინ უსწრებდა უკრაინას და მოლდოვას. ევროკომისიამ 8 ნოემბერს გამოაქვეყნა ანგარიში საქართველოს მიერ ევროკავშირის კანდიდატის სტატუსის მოსაპოვებლად აუცილებელი 12 რეკომენდაციის შესრულების შესახებ - ევროკომისიამ ევროპულ საბჭოს საქართველოსთვის კანდიდატის სტატუსის მინიჭების რეკომენდაციით მიმართა. საქართველო კანდიდატის სტატუსს მიიღებს, თუ ევროკავშირის 27-ვე ქვეყნის ლიდერი მხარს დაუჭერს ევროკომისიის გადაწყვეტილებას. გადაწყვეტილებას 2023 წლის 14-15 დეკემბერს მიიღებენ.
საქართველო
უნგრეთი
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
პოლიტიკა საქართველოში, პოლიტიკა, საქართველო-ევროკავშირის ურთიერთობები, საქართველო, ახალი ამბები, უნგრეთი, შალვა პაპუაშვილი, საქართველოს პარლამენტის თავმჯდომარე
პოლიტიკა საქართველოში, პოლიტიკა, საქართველო-ევროკავშირის ურთიერთობები, საქართველო, ახალი ამბები, უნგრეთი, შალვა პაპუაშვილი, საქართველოს პარლამენტის თავმჯდომარე
საქართველოს ევროკავშირის შიგნით უთანხმოებები არ შეეხება - პაპუაშვილი
პარლამენტის თავმჯდომარემ გამორიცხა, რომ საქართველოს საკითხს უკრაინასთან და მოლდოვასთან ერთ კონტექსტში განიხილავენ.
თბილისი, 6 დეკემბერი — Sputnik. უთანხმოებები ევროკავშირის ლიდერებს შორის არ შეუშლის ხელს საქართველოს კანდიდატის სტატუსის მიღებაში, განაცხადა საქართველოს პარლამენტის თავმჯდომარე შალვა პაპუაშვილმა.
უნგრეთი თანამეგობრობის წევრი ქვეყნების მეთაურთა დეკემბრის სამიტზე უკრაინის ევროკავშირში შესვლის შესახებ მოლაპარაკებების დაწყების წინააღმდეგ გამოდის. შესაბამისი წერილი ქვეყნის პრემიერ-მინისტრმა ვიქტორ ორბანმა ევროპული საბჭოს პრეზიდენტს შარლ მიშელს გაუგზავნა.
„ეს არის ევროკავშირის შიდა დისკუსიები, რომელშიც, რა თქმა უნდა, ჩვენ არ და ვერ ჩავერთვებით. ჩვენ ჩვენი საკითხი გვაინტერესებს. ევროკომისიის მხრიდან დადებითი რეკომენდაცია გვაქვს და ამას არაფერი უშლის ხელს. ვხედავთ, რომ ამას საჯაროდ არც ერთი ქვეყანა კითხვის ნიშნის ქვეშ არ აყენებს, ამიტომ, ველოდებით გადაწყვეტილებას საქართველოსთან დაკავშირებით", - განაცხადა პაპუაშვილმა.
მისი თქმით, ევროკავშირის ქვეყნებს არაფერი უშლის ხელს, რომ საქართველოსთან დაკავშირებით დადებითი გადაწყვეტილება მიიღონ.
პარლამენტის თავმჯდომარემ ასევე გამორიცხა, რომ საქართველოს საკითხს უკრაინასთან და მოლდოვასთან ერთ კონტექსტში განიხილავენ.
„საქართველოში საუბარია, რომ განხილვა იყოს პაკეტად თუ ა.შ. არ ვიცი, შარშან, ივნისში, არ იყო ეს პაკეტი? რატომ იყო სხვადასხვა გადაწყვეტილებები? ევროკავშირის წევრ ქვეყნებს არაფერი უშლით ხელს, რომ საქართველოსთან დაკავშირებით პოზიტიური გადაწყვეტილება მიიღონ. ამიტომ, მხოლოდ პოზიტიურ გადაწყვეტილებას ველოდებით", - განაცხადა პაპუაშვილმა.
საქართველოსა და ევროკავშირს შორის ურთიერთობები
საქართველოსა და ევროკავშირის ურთიერთობები 2006 წლიდან განვითარდა. განსაკუთრებით მჭიდრო ეს ურთიერთობები 2009 წელს გახდა, როდესაც საქართველო „აღმოსავლეთ პარტნიორობის" პროგრამის მონაწილე გახდა.
პროგრამა მიზნად ისახავს ევროკავშირის პოლიტიკურ და ეკონომიკურ ინტეგრაციას ექვს ქვეყანასთან – აზერბაიჯანთან, სომხეთთან, ბელარუსთან, საქართველოსთან, მოლდოვასთან და უკრაინასთან.
პროგრამის ფარგლებში 2014 წლის ივნისში საქართველომ და ევროკავშირმა ხელი მოაწერეს ასოცირების შეთანხმებას, რომლის განუყოფელი ნაწილია შეთანხმება ღრმა და ყოვლისმომცველი თავისუფალი ვაჭრობის ზონის შესახებ.
2017 წლის 28 მარტიდან ევროკავშირმა საქართველოს მოქალაქეებისთვის შენგენის ზონის ქვეყნებში მოკლევადიან ვიზიტებზე ვიზები გააუქმა.
2022 წლის 3 მარტს კი საქართველომ კანდიდატის სტატუსის მისაღებად ევროკავშირში განაცხადი შეიტანა.
2022 წლის ივნისში ევროპულმა საბჭომ მიიღო გადაწყვეტილება, აღიაროს საქართველოს ევროპული პერსპექტივა და გამოთქვა მზადყოფნა, მიანიჭოს მას კანდიდატი ქვეყნის სტატუსი, როგორც კი შესრულდება 12 პირობა. იმავე დღეს კანდიდატის სტატუსი მოლდოვამ და უკრაინამ მიიღეს.
საქართველოს ხელისუფლებამ განაცხადა, რომ 2022 წელს საქართველოსთვის სტატუსის მინიჭებაზე უარი უსამართლო გადაწყვეტილება იყო და რომ საქართველო, ყველა კრიტერიუმით, ჯერ კიდევ მაშინ უსწრებდა უკრაინას და მოლდოვას.
ევროკომისიამ 8 ნოემბერს გამოაქვეყნა ანგარიში საქართველოს მიერ ევროკავშირის კანდიდატის სტატუსის მოსაპოვებლად აუცილებელი 12 რეკომენდაციის შესრულების შესახებ - ევროკომისიამ ევროპულ საბჭოს საქართველოსთვის კანდიდატის სტატუსის მინიჭების რეკომენდაციით მიმართა.
საქართველო კანდიდატის სტატუსს მიიღებს, თუ ევროკავშირის 27-ვე ქვეყნის ლიდერი მხარს დაუჭერს ევროკომისიის გადაწყვეტილებას. გადაწყვეტილებას 2023 წლის 14-15 დეკემბერს მიიღებენ.
