https://sputnik-georgia.com/20231114/kurilis-kunzulebis-problema-284194522.html
რუსეთთან სადავო კურილის კუნძულებზე იაპონიის პოზიცია არ იცვლება
რუსეთთან სადავო კურილის კუნძულებზე იაპონიის პოზიცია არ იცვლება
Sputnik საქართველო
თბილისი, 14 ნოემბერი — Sputnik. რუსეთთან სამშვიდობო ხელშეკრულებაზე მოლაპარაკების საგანი ჩრდილოეთის ტერიტორიების კუთვნილებაა, განაცხადა იაპონიის მთავრობის... 14.11.2023-ს, Sputnik საქართველო
2023-11-14T09:01+0400
2023-11-14T09:01+0400
2023-11-14T09:02+0400
მსოფლიო დღეს
მსოფლიოს ახალი ამბები
ახალი ამბები
იაპონია
რუსეთი
კურილის კუნძულების პრობლემა
პოლიტიკა
https://cdnn1.img.sputnik-georgia.com/img/07e6/03/16/265399032_899:144:3037:1347_1920x0_80_0_0_cd5373f418aaa1781046ccceed479860.jpg
თბილისი, 14 ნოემბერი — Sputnik. რუსეთთან სამშვიდობო ხელშეკრულებაზე მოლაპარაკების საგანი ჩრდილოეთის ტერიტორიების კუთვნილებაა, განაცხადა იაპონიის მთავრობის გენერალურმა მდივანმა ჰიროკაზუ მაცუნომ.ასე უპასუხა მან ჟურნალისტს, რომელმაც რუსეთის პრეზიდენტ ვლადიმირ პუტინსა და იაპონიის მაშინდელ პრემიერ-მინისტრ სინძო აბეს სინგაპურში შეხვედრის ხუთი წლისთავთან დაკავშირებით დაუსვა შეკითხვა და ტოკიოს ამჟამინდელი პოზიციით დაინტერესდა.აღსანიშნავია, რომ იმ შეხვედრაზე მხარეები სამშვიდობო შეთანხმებაზე მოლაპარაკების პროცესის დაჩქარებაზე შეთანხმდნენ 1956 წლის ერთობლივი დეკლარაციის საფუძველზე, რომელიც კუნძულ ჰაბომაისა და შიკოტანის იაპონიისთვის გადაცემას ითვალისწინებს.
იაპონია
კურილის კუნძულების პრობლემა
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
მსოფლიოს ახალი ამბები, ახალი ამბები, იაპონია , რუსეთი, კურილის კუნძულების პრობლემა, პოლიტიკა
მსოფლიოს ახალი ამბები, ახალი ამბები, იაპონია , რუსეთი, კურილის კუნძულების პრობლემა, პოლიტიკა
რუსეთთან სადავო კურილის კუნძულებზე იაპონიის პოზიცია არ იცვლება
09:01 14.11.2023 (განახლებულია: 09:02 14.11.2023) თბილისი, 14 ნოემბერი — Sputnik. რუსეთთან სამშვიდობო ხელშეკრულებაზე მოლაპარაკების საგანი ჩრდილოეთის ტერიტორიების კუთვნილებაა, განაცხადა იაპონიის მთავრობის გენერალურმა მდივანმა ჰიროკაზუ მაცუნომ.
„ჩრდილოეთის ტერიტორიები არის კუნძულები, რომლებზეც ჩვენი ქვეყნის სუვერენიტეტი ვრცელდება და ჩვენი ქვეყნის ძირძველი ტერიტორიებია. იაპონიის მთავრობის პოზიცია არ იცვლება. სამშვიდობო ხელშეკრულებაზე მოლაპარაკების საგანი არის ოთხი კუნძულის ტერიტორიული კუთვნილება — ეს ჩვენი ქვეყნის თანმიმდევრული პოზიციაა“, — განაცხადა მაცუნომ.
ასე უპასუხა მან ჟურნალისტს, რომელმაც რუსეთის პრეზიდენტ ვლადიმირ პუტინსა და იაპონიის მაშინდელ პრემიერ-მინისტრ სინძო აბეს სინგაპურში შეხვედრის ხუთი წლისთავთან დაკავშირებით დაუსვა შეკითხვა და ტოკიოს ამჟამინდელი პოზიციით დაინტერესდა.
აღსანიშნავია, რომ იმ შეხვედრაზე მხარეები სამშვიდობო შეთანხმებაზე მოლაპარაკების პროცესის დაჩქარებაზე შეთანხმდნენ 1956 წლის ერთობლივი დეკლარაციის საფუძველზე, რომელიც კუნძულ ჰაბომაისა და შიკოტანის იაპონიისთვის გადაცემას ითვალისწინებს.
„სინგაპურში მიღწეული შეთანხმებების მიხედვით, ისევე როგორც სხვა ადრინდელი შეთანხმებებისა, ჩვენ დაჟინებულ მოლაპარაკებებს ვაწარმოებდით ჩრდილოეთ ტერიტორიების პრობლემის გადასაჭრელად და სამშვიდობო ხელშეკრულების დასადებად <...>. რუსეთის უკრაინაზე თავდასხმის გამო, ახლა არ არის ისეთი ვითარება, რომ რაიმე კონკრეტულის თქმა შეიძლებოდეს სამშვიდობო ხელშეკრულებასთან დაკავშირებულ მოლაპარაკებებზე. მაგრამ [იაპონიის] მთავრობა კვლავაც თავისი პოზიციის ერთგულია ჩრდილოეთის ტერიტორიებთან და სამშვიდობო ხელშეკრულების გაფორმებასთან დაკავშირებით“, — დასძინა მაცუნომ.
მეორე მსოფლიო ომის დასრულების შემდეგ რუსეთსა და იაპონიას შორის სამშვიდობო ხელშეკრულება არ გაფორმებულა, რაც ორ ქვეყანას შორის კურილის ოთხი კუნძულის საკითხს დღემდე პრობლემად ტოვებს. აღნიშნული კუნძულები საბჭოთა კავშირს მეორე მსოფლიო ომის შედეგების საფუძველზე გადაეცა. თუმცა 1951 წელს საბჭოთა დელეგაციამ ხელი არ მოაწერა სან-ფრანცისკოს ზავს, რომელშიც იაპონიასთან ომის შედეგები მტკიცდებოდა, მაგრამ არ იყო შესული სსრკ-ის სუვერენიტეტის საკითხი კურილებზე.
1956 წელს საბჭოთა კავშირმა და იაპონიამ ხელი მოაწერეს ერთობლივ დეკლარაციას, რომლის მიხედვითაც მოსკოვი ეთანხმებოდა იაპონიისთვის ორი კუნძულის — ჰაბომაისა და შიკოტანის გადაცემის საკითხის განხილვას ორ ქვეყანას შორის სამშვიდობო ხელშეკრულების გაფორმების შემდეგ, მაგრამ შემდგომმა მოლაპარაკებებმა ვითარება ვერანაირად ვერ შეცვალა.
