კალაძე: უფასო სასადილოებში კვების ხარისხი გაუმჯობესდება

© Tbilisi City Hall კახა კალაძე
კახა კალაძე - Sputnik საქართველო, 1920, 13.11.2023
გამოწერა
НовостиTelegram
თბილისში 63 უფასო სასადილო ფუნქციონირებს, სადაც 38 ათასი ადამიანი იკვებება.
თბილისი, 13 ნოემბერი — Sputnik. დედაქალაქში არსებულ უფასო სასადილოებში კვების ხარისხის ეტაპობრივად გაუმჯობესდება, განაცხადა თბილისის მერმა კახა კალაძემ ჟურნალისტებთან.
თბილისში სოციალური სასადილოები უკვე ათ წელზე მეტია ფუნქციონირებს. უფასო სასადილოების ბენეფიციარები სოციალურად დაუცველის სტატუსის მქონე პირები, ძირითადად ხანდაზმული ადამიანები არიან.
მერის თქმით, ყველაფერი კეთდება იმისთვის, რომ ქვეყანაში მოქალაქეებს ღირსეულად იცხოვრონ. როგორც კალაძემ აღნიშნა, წინა წლებთან შედარებით, უფასო სასადილოებში კვება საგრძნობლად გაუმჯობესებულია და მომავალშიც ასე გაგრძელდება.
„სრული პასუხისმგებლობით ვაცხადებ, თუ გნებავთ, შევადაროთ, როგორ იკვებებოდნენ უფასო სასადილოებში წლების წინ და როგორ იკვებებიან დღეს. უფრო მეტის გაკეთება უკეთესია, მაგრამ ყველაფერს თავის დრო აქვს. ეტაპობრივად ვაუმჯობესებთ მდგომარეობას იმისთვის, რომ ამ ქვეყანაში თითოეულ მოქალაქეს ღირსეული ცხოვრების შესაძლებლობა ჰქონდეს", - განაცხადა კალაძემ.
უწყების მიერ გავრცელებული ინფორმაციით, ამ დროისთვის თბილისში 63 უფასო სასადილო ფუნქციონირებს, სადაც 38 ათასი ადამიანი იკვებება.
ყველა ახალი ამბავი
0