https://sputnik-georgia.com/20231031/saqartvelo-ucxouri-parmacevtuli-sawarmoebis-shemowmeba-daiwyo-283830352.html
საქართველომ იმ უცხოური საწარმოების შემოწმება დაიწყო, რომელთა წამლებიც ქვეყანაში შემოდის
საქართველომ იმ უცხოური საწარმოების შემოწმება დაიწყო, რომელთა წამლებიც ქვეყანაში შემოდის
Sputnik საქართველო
სამინისტროს ცნობით, ბანგლადეშის შემდეგ ინდოეთსა და უზბეკეთში მდებარე საწარმოები შემოწმდება. 31.10.2023-ს, Sputnik საქართველო
2023-10-31T14:00+0400
2023-10-31T14:00+0400
2023-10-31T14:00+0400
საქართველო
ჯანდაცვა საქართველოში
საზოგადოება
ახალი ამბები
https://cdnn1.img.sputnik-georgia.com/img/07e7/0a/1f/283809597_0:265:1600:1165_1920x0_80_0_0_c927736430d203593726081b9037644b.jpg
თბილისი, 31 ოქტომბერი — Sputnik. სამედიცინო და ფარმაცევტული საქმიანობის რეგულირების სააგენტომ GMP-სტანდარტით იმ უცხოური საწარმოების შემოწმება დაიწყო, რომელთა მედიკამენტებიც საქართველოში იმპორტით შემოდის. ამის შესახებ ინფორმაციას საქართველოს ჯანდაცვის სამინისტრო ავრცელებს. შემოწმების მიზანი ქვეყანაში მედიკამენტების ხარისხის კონტროლი და მაღალი ხარისხის წამლის მიმოქცევის უზრუნველყოფაა. ინსპექტორებმა ერთ-ერთი პირველი ბანგლადეშში მდებარე ის საწარმოები შეამოწმეს, საიდანაც საქართველოს ბაზარზე 35 სხვადასხვა დასახელების მედიკამენტი შემოდის - სააგენტოს თანამშრომლებმა ბანგლადეშში Drug International Limited-ის სამი ობიექტი დაათვალიერეს. სპეციალისტებმა ადგილზე დეტალურად შეამოწმეს წარმოების პროცესი, შენობა-ნაგებობები, დანადგარები, საწარმოო და ხარისხის კონტროლის ოპერაციები, მასალების მართვა და ყველა ის პროცედურა, რაც აუცილებელია საქართველოში მოქმედი GMP-სტანდარტის დასაკმაყოფილებლად. წამლის მწარმოებელი რამდენი საწარმო შეესაბამება სტანდარტებს>>>ინსპექტირებისას აღმოჩენილი შეუსაბამობების აღმოსაფხვრელად განისაზღვრება გონივრული ვადა, რის შემდეგაც რეგულირების სააგენტო საწარმოში განმეორებით ინსპექტირებას განახორციელებს. რეგულირების სააგენტოს თანამშრომლები ბანგლადეშის შემდეგ ინდოეთსა და უზბეკეთში გაემგზავრებიან და ადგილობრივ საწარმოებს შეამოწმებენ. იმპორტირებული მედიკამენტების მწარმოებელთა ინსპექტირება დამკვიდრებული პრაქტიკაა თურქეთსა და ევროპაში, რომლებთანაც, საქართველო, ფარმაცევტულ სექტორში მიმდინარე რეფორმების ფარგლებში, აქტიურად თანამშრომლობს. აღსანიშნავია, რომ საქართველოს ეროვნული GMP-სტანდარტი, რომლის მიხედვითაც საწარმოები მოწმდება, ევროკავშირის მიერ აღიარებული სტანდარტების შესაბამისია. ჯანდაცვის სამინისტრო გეგმავს ეტაპობრივად შეამოწმოს მედიკამენტების მწარმოებელი ყველა კომპანია, რომელიც შემდგომ შემოვა საქართველოში. საქართველოში 2022 წლის 1 იანვრიდან ადგილობრივ ფარმაცევტულ კომპანიებს მოეთხოვებათ GMP (კარგი საწარმოო პრაქტიკა) და GDP (კარგი სადისტრიბუციო პრაქტიკა) სტანდარტების დაცვა. ხელისუფლება იმედოვნებს, რომ ეს გააუმჯობესებს საქართველოში წარმოებული მედიკამენტების ხარისხს და გაზრდის ქვეყნის საექსპორტო პოტენციალს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, ჯანდაცვა საქართველოში, საზოგადოება, ახალი ამბები
საქართველო, ჯანდაცვა საქართველოში, საზოგადოება, ახალი ამბები
საქართველომ იმ უცხოური საწარმოების შემოწმება დაიწყო, რომელთა წამლებიც ქვეყანაში შემოდის
სამინისტროს ცნობით, ბანგლადეშის შემდეგ ინდოეთსა და უზბეკეთში მდებარე საწარმოები შემოწმდება.
თბილისი, 31 ოქტომბერი — Sputnik. სამედიცინო და ფარმაცევტული საქმიანობის რეგულირების სააგენტომ GMP-სტანდარტით იმ უცხოური საწარმოების შემოწმება დაიწყო, რომელთა მედიკამენტებიც საქართველოში იმპორტით შემოდის. ამის შესახებ ინფორმაციას საქართველოს ჯანდაცვის სამინისტრო ავრცელებს.
შემოწმების მიზანი ქვეყანაში მედიკამენტების ხარისხის კონტროლი და მაღალი ხარისხის წამლის მიმოქცევის უზრუნველყოფაა.
ინსპექტორებმა ერთ-ერთი პირველი ბანგლადეშში მდებარე ის საწარმოები შეამოწმეს, საიდანაც საქართველოს ბაზარზე 35 სხვადასხვა დასახელების მედიკამენტი შემოდის - სააგენტოს თანამშრომლებმა ბანგლადეშში Drug International Limited-ის სამი ობიექტი დაათვალიერეს.
სპეციალისტებმა ადგილზე დეტალურად შეამოწმეს წარმოების პროცესი, შენობა-ნაგებობები, დანადგარები, საწარმოო და ხარისხის კონტროლის ოპერაციები, მასალების მართვა და ყველა ის პროცედურა, რაც აუცილებელია საქართველოში მოქმედი GMP-სტანდარტის დასაკმაყოფილებლად.
ინსპექტირებისას აღმოჩენილი შეუსაბამობების აღმოსაფხვრელად განისაზღვრება გონივრული ვადა, რის შემდეგაც რეგულირების სააგენტო საწარმოში განმეორებით ინსპექტირებას განახორციელებს.
რეგულირების სააგენტოს თანამშრომლები ბანგლადეშის შემდეგ ინდოეთსა და უზბეკეთში გაემგზავრებიან და ადგილობრივ საწარმოებს შეამოწმებენ.
იმპორტირებული მედიკამენტების მწარმოებელთა ინსპექტირება დამკვიდრებული პრაქტიკაა თურქეთსა და ევროპაში, რომლებთანაც, საქართველო, ფარმაცევტულ სექტორში მიმდინარე რეფორმების ფარგლებში, აქტიურად თანამშრომლობს. აღსანიშნავია, რომ საქართველოს ეროვნული GMP-სტანდარტი, რომლის მიხედვითაც საწარმოები მოწმდება, ევროკავშირის მიერ აღიარებული სტანდარტების შესაბამისია.
ჯანდაცვის სამინისტრო გეგმავს ეტაპობრივად შეამოწმოს მედიკამენტების მწარმოებელი ყველა კომპანია, რომელიც შემდგომ შემოვა საქართველოში.
საქართველოში 2022 წლის 1 იანვრიდან ადგილობრივ ფარმაცევტულ კომპანიებს მოეთხოვებათ GMP (კარგი საწარმოო პრაქტიკა) და GDP (კარგი სადისტრიბუციო პრაქტიკა) სტანდარტების დაცვა. ხელისუფლება იმედოვნებს, რომ ეს გააუმჯობესებს საქართველოში წარმოებული მედიკამენტების ხარისხს და გაზრდის ქვეყნის საექსპორტო პოტენციალს.
