https://sputnik-georgia.com/20231030/tendenciebi-ekonomikashi-erovnuli-bankis-angarishi-283771274.html
ძირითადი ტენდენციები საქართველოს ეკონომიკაში - ეროვნული ბანკის ანგარიში
ძირითადი ტენდენციები საქართველოს ეკონომიკაში - ეროვნული ბანკის ანგარიში
Sputnik საქართველო
ინფლაციის კლებას ეროვნული ბანკის მკაცრი მონეტარული პოლიტიკა უზრუნველყოფს, აღნიშნავს მარეგულირებელი. 30.10.2023-ს, Sputnik საქართველო
2023-10-30T10:52+0400
2023-10-30T10:52+0400
2023-10-30T16:50+0400
საქართველო
საქართველოს ეროვნული ბანკი
საქართველოს ეკონომიკა
ახალი ამბები
https://cdnn1.img.sputnik-georgia.com/img/07e6/0b/01/271830304_918:800:2626:1761_1920x0_80_0_0_f38238ee445ff36b3967e3e1523dcdc3.jpg
თბილისი, 30 ოქტომბერი — Sputnik. ქვეყანაში მაღალი ინფლაციური რისკები რჩება, თუმცა საქართველოს ეკონომიკა აგრძელებს ზრდას, ნათქვამია საქართველოს ეროვნული ბანკის „ფულად-საკრედიტო პოლიტიკის ანგარიშში". საქართველოს ეროვნულმა ბანკმა ოქტომბერში გადაწყვიტა არ შეემცირებინა რეფინანსირების განაკვეთი და ის 10%-ის ნიშნულზე დატოვა. მარეგულირებელმა აღნიშნული გადაწყვეტილება ინფლაციური რისკებით ახსნა. ინფლაციის დაბალი დონე გამოწვეულია უკრაინაში კონფლიქტითა და პანდემიით წარმოქმნილი ფასებზე ზეწოლის შესუსტებით. ამასთან, ინფლაციის შემცირებას უზრუნველყოფს ეროვნული ბანკის მკაცრი ფულად-საკრედიტო პოლიტიკა. თუმცა, ეროვნული ბანკი აქვე აღნიშნავს, რომ მწვავე გეოპოლიტიკური მდგომარეობა ქმნის არასტაბილურ ვითარებას მსოფლიოში და ინფლაციის პროგნოზის გარშემო დამატებით გაურკვევლობას აჩენს. ამ კონტექსტში მარეგულირებელი მიუთითებს გეოპოლიტიკური არასტაბილურობის ახალ ფაქტორზე ახლო აღმოსავლეთში მიმდინარე კონფლიქტის სახით. ეროვნულმა ბანკმა რეფინანსირების განაკვეთი უცვლელი დატოვა>>>საბაზო პროგნოზის თანახმად, მოკლევადიან პერიოდში საქართველოში ინფლაცია მიზნობრივ 3%-იან ნიშნულზე ქვემოთ შენარჩუნდება, თუმცა იგი მოსალოდნელზე უფრო მაღალ დონეზე იქნება. კერძოდ, წლის ბოლოს ინფლაციის მაჩვენებელი საშუალოდ 1%-მდე გაიზრდება, ხოლო მომდევნო წელს, ნაწილობრივ საბაზო ეფექტის გათვალისწინებითაც, მიზნობრივ დონეს გადააჭარბებს და მხოლოდ 2024 წლის მეორე ნახევარში დასტაბილურდება 3%-იან დონეზე. რაც შეეხება ეკონომიკურ ზრდას, ეროვნული ბანკი აღნიშნავს, რომ 2023 წლის პირველ ნახევარში ეკონომიკური ზრდის მაღალი ტემპები დიდწილად განპირობებული იყო უცხოური ინვესტიციების ძლიერი შემოდინებით. წმინდა ექსპორტის წვლილი საბაზო ეფექტის გამო გასულ წელთან შედარებით შემცირდა, მაგრამ გააგრძელა ზრდა მეორე კვარტალში. ეკონომიკური აქტივობის კუთხით, ეროვნული ბანკის პროგნოზით, 2023 წელს რეალური მშპ 6%-ით, 2024 წელს კი 5%-ით გაიზრდება. დეპოზიტების დოლარიზაცია ინარჩუნებს შემცირების ტენდენციას და ეროვნული ბანკი ელოდება, რომ სხვა საკითხებთან ერთად, ამას ხელს შეუწყობს ბოლო პერიოდში მიღებული მაკროპრუდენციალური ზომები.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეროვნული ბანკი , საქართველოს ეკონომიკა, ახალი ამბები
საქართველო, საქართველოს ეროვნული ბანკი , საქართველოს ეკონომიკა, ახალი ამბები
ძირითადი ტენდენციები საქართველოს ეკონომიკაში - ეროვნული ბანკის ანგარიში
10:52 30.10.2023 (განახლებულია: 16:50 30.10.2023) ინფლაციის კლებას ეროვნული ბანკის მკაცრი მონეტარული პოლიტიკა უზრუნველყოფს, აღნიშნავს მარეგულირებელი.
თბილისი, 30 ოქტომბერი — Sputnik. ქვეყანაში მაღალი ინფლაციური რისკები რჩება, თუმცა საქართველოს ეკონომიკა აგრძელებს ზრდას, ნათქვამია საქართველოს ეროვნული ბანკის „ფულად-საკრედიტო პოლიტიკის ანგარიშში".
საქართველოს ეროვნულმა ბანკმა ოქტომბერში გადაწყვიტა არ შეემცირებინა რეფინანსირების განაკვეთი და ის 10%-ის ნიშნულზე დატოვა. მარეგულირებელმა აღნიშნული გადაწყვეტილება ინფლაციური რისკებით ახსნა.
ინფლაციის დაბალი დონე გამოწვეულია უკრაინაში კონფლიქტითა და პანდემიით წარმოქმნილი ფასებზე ზეწოლის შესუსტებით. ამასთან, ინფლაციის შემცირებას უზრუნველყოფს ეროვნული ბანკის მკაცრი ფულად-საკრედიტო პოლიტიკა.
თუმცა, ეროვნული ბანკი აქვე აღნიშნავს, რომ მწვავე გეოპოლიტიკური მდგომარეობა ქმნის არასტაბილურ ვითარებას მსოფლიოში და ინფლაციის პროგნოზის გარშემო დამატებით გაურკვევლობას აჩენს.
ამ კონტექსტში მარეგულირებელი მიუთითებს გეოპოლიტიკური არასტაბილურობის ახალ ფაქტორზე ახლო აღმოსავლეთში მიმდინარე კონფლიქტის სახით.
საბაზო პროგნოზის თანახმად, მოკლევადიან პერიოდში საქართველოში ინფლაცია მიზნობრივ 3%-იან ნიშნულზე ქვემოთ შენარჩუნდება, თუმცა იგი მოსალოდნელზე უფრო მაღალ დონეზე იქნება.
კერძოდ, წლის ბოლოს ინფლაციის მაჩვენებელი საშუალოდ 1%-მდე გაიზრდება, ხოლო მომდევნო წელს, ნაწილობრივ საბაზო ეფექტის გათვალისწინებითაც, მიზნობრივ დონეს გადააჭარბებს და მხოლოდ 2024 წლის მეორე ნახევარში დასტაბილურდება 3%-იან დონეზე.
რაც შეეხება ეკონომიკურ ზრდას, ეროვნული ბანკი აღნიშნავს, რომ 2023 წლის პირველ ნახევარში ეკონომიკური ზრდის მაღალი ტემპები დიდწილად განპირობებული იყო უცხოური ინვესტიციების ძლიერი შემოდინებით. წმინდა ექსპორტის წვლილი საბაზო ეფექტის გამო გასულ წელთან შედარებით შემცირდა, მაგრამ გააგრძელა ზრდა მეორე კვარტალში.
ეკონომიკური აქტივობის კუთხით, ეროვნული ბანკის პროგნოზით, 2023 წელს რეალური მშპ 6%-ით, 2024 წელს კი 5%-ით გაიზრდება.
დეპოზიტების დოლარიზაცია ინარჩუნებს შემცირების ტენდენციას და ეროვნული ბანკი ელოდება, რომ სხვა საკითხებთან ერთად, ამას ხელს შეუწყობს ბოლო პერიოდში მიღებული მაკროპრუდენციალური ზომები.
