https://sputnik-georgia.com/20231026/specialuri-sagamoziebo-samsaxuri-icin-qselis-wevri-gaxda-283688153.html
სპეციალური საგამოძიებო სამსახური ICIN-ის საერთაშორისო ქსელის წევრი გახდა
სპეციალური საგამოძიებო სამსახური ICIN-ის საერთაშორისო ქსელის წევრი გახდა
Sputnik საქართველო
საქართველოს სპეციალური საგამოძიებო სამსახური სახელმწიფო ინსპექტორის სამსახურის გაყოფის შედეგად 2022 წლის მარტში შეიქმნა. 26.10.2023-ს, Sputnik საქართველო
2023-10-26T17:42+0400
2023-10-26T17:42+0400
2023-10-26T21:06+0400
საქართველო
სპეციალური საგამოძიებო სამსახური
საზოგადოება
ახალი ამბები
https://cdnn1.img.sputnik-georgia.com/img/07e6/0b/17/272407759_0:161:3067:1886_1920x0_80_0_0_f61832fe68e4eb2e826e2b68766877b7.jpg
თბილისი, 26 ოქტომბერი — Sputnik. საქართველოს სპეციალური საგამოძიებო სამსახური სისხლის სამართლის საქმეთა გამოძიების საერთაშორისო ქსელის (Internal Criminal Investigations Network - ICIN) წევრად აირჩიეს. გადაწყვეტილება ქალაქ ლონდონში გამართულ ყოველწლიურ გენერალურ ასამბლეაზე მიიღეს, ნათქვამია სპეციალური საგამოძიებო სამსახურის მიერ გავრცელებულ განცხადებაში. სპეციალური საგამოძიებო სამსახური გაზრდილი უფლებამოსილებით 2022 წლის 1 მარტიდან ამოქმედდა. იგი დამოუკიდებელი ორგანოა, რომელიც არ ექვემდებარება შინაგან საქმეთა სამინისტროს და სახელმწიფო უსაფრთხოების სამსახურს და დამოუკიდებლად იძიებს ადამიანის უფლებების დარღვევასთან დაკავშირებულ საქმეებს. ღონისძიებაზე სიტყვით გამოვიდნენ საერთაშორისო ქსელის წევრობის კანდიდატი ქვეყნების წარმომადგენლები, მათ შორის სპეციალური საგამოძიებო სამსახურის უფროსი კოკა კაციტაძე, რომელმაც საქართველოში ახლადშექმნილი დამოუკიდებელი საგამოძიებო სამსახურის ქსელში გაწევრიანების მნიშვნელობაზე, სამსახურის განვითარების დინამიკასა და პერსპექტივებზე, ასევე წევრ ქვეყნებთან მჭიდრო თანამშრომლობისთვის მზადყოფნაზე ისაუბრა. კენჭისყრის შედეგად გენერალური ასამბლეის წევრებმა საქართველოს სპეციალური საგამოძიებო სამსახურის, უკრაინის გამოძიების სახელმწიფო ბიუროს, გერმანიის და ფინეთის საზედამხედველო სამსახურების საერთაშორისო ქსელში ოფიციალურ გაწევრიანებას მხარი ერთხმად დაუჭირეს. რამდენი პირი ამხილა სპეციალურმა საგამოძიებო სამსახურმა ამოქმედების დღიდან>>>სისხლის სამართლის საქმეთა გამოძიების საერთაშორისო ქსელში (ICIN) 26 ქვეყანაა გაერთიანებული. მათ შორის, ბელგიის პოლიციის მონიტორინგის მუდმივმოქმედი კომიტეტი, დანიის საპოლიციო საჩივრების დამოუკიდებელი სამსახური, შვედეთის სპეციალური საგამოძიებო დეპარტამენტი, ლიეტუვის იმუნიტეტის საბჭო, ნიდერლანდის დამოუკიდებელი საგამოძიებო ორგანო, დიდი ბრიტანეთის მეტროპოლიტენის პოლიციის პროფესიული სტანდარტების სამსახური და ევროკავშირის წევრი სხვა ქვეყნების დამოუკიდებელი საგამოძიებო და საზედამხედველო ფუნქციის მქონე უწყებები. ICIN ქსელი 2020 წლის მარტში დაარსდა, მისი წევრების პირველი შეხვედრა 2021 წლის მაისში გაიმართა. 2023 წლიდან გაერთიანების თავმჯდომარეა მარტინ ვალფრიდსონი, რომელიც ამავდროულად შვედეთის სპეციალური საგამოძიებო უწყების ხელმძღვანელის თანამდებობას იკავებს. ICIN ქსელის საქმიანობის მიზანია წევრ ორგანიზაციებს შორის სამართალდამცველების მიერ ჩადენილი დანაშაულების გამოვლენის, პრევენციისა და ეფექტიანი გამოძიების თაობაზე საუკეთესო გამოცდილებისა და ოპერატიული ინფორმაციის გაზიარება, ორგანიზაციის შესაძლებლობების გაზრდა, ასევე ქვეყნებს შორის თანამშრომლობის გაძლიერება. საქართველოს საგამოძიებო სამსახურის კომპეტენციაში შედის თანამდებობის პირებისა და საგამოძიებო ორგანოების თანამშრომლების, მათ შორის პროკურატურის და პოლიციის თანამშრომლების, ადამიანის უფლებათა დარღვევასთან დაკავშირებული დანაშაულების გამოძიება. სპეციალურმა საგამოძიებო სამსახურმა ამოქმედებიდან დღემდე დანაშაულში 139 პირი ამხილა. 139 პირიდან 62 სამართალდამცველი იყო, რომელთა მიმართაც სისხლის სამართლის პასუხისმგებლობა დადგა არასათანადო მოპყრობისა და ძალადობისთვის. 65 პირი პირადი ცხოვრების საიდუმლოს ხელყოფისა და ადამიანის უფლებებისა და თავისუფლებების წინააღმდეგ მიმართულ დანაშაულში ამხილეს, 12 პირი კი ჟურნალისტების წინააღმდეგ ჩადენილ დანაშაულში. სპეციალური საგამოძიებო სამსახური გამოძიებას აქტიურ რეჟიმში აგრძელებს დაზარალებულებისა და განმცხადებლების უშუალო ჩართულობითა და მონაწილეობით.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, სპეციალური საგამოძიებო სამსახური , საზოგადოება, ახალი ამბები
საქართველო, სპეციალური საგამოძიებო სამსახური , საზოგადოება, ახალი ამბები
სპეციალური საგამოძიებო სამსახური ICIN-ის საერთაშორისო ქსელის წევრი გახდა
17:42 26.10.2023 (განახლებულია: 21:06 26.10.2023) საქართველოს სპეციალური საგამოძიებო სამსახური სახელმწიფო ინსპექტორის სამსახურის გაყოფის შედეგად 2022 წლის მარტში შეიქმნა.
თბილისი, 26 ოქტომბერი — Sputnik. საქართველოს სპეციალური საგამოძიებო სამსახური სისხლის სამართლის საქმეთა გამოძიების საერთაშორისო ქსელის (Internal Criminal Investigations Network - ICIN) წევრად აირჩიეს. გადაწყვეტილება ქალაქ ლონდონში გამართულ ყოველწლიურ გენერალურ ასამბლეაზე მიიღეს, ნათქვამია სპეციალური საგამოძიებო სამსახურის მიერ გავრცელებულ განცხადებაში.
სპეციალური საგამოძიებო სამსახური გაზრდილი უფლებამოსილებით 2022 წლის 1 მარტიდან ამოქმედდა. იგი დამოუკიდებელი ორგანოა, რომელიც არ ექვემდებარება შინაგან საქმეთა სამინისტროს და სახელმწიფო უსაფრთხოების სამსახურს და დამოუკიდებლად იძიებს ადამიანის უფლებების დარღვევასთან დაკავშირებულ საქმეებს.
„სპეციალურმა საგამოძიებო სამსახურმა შექმნიდან მცირე დროში საერთაშორისო ქსელის წევრობის ყველა კრიტერიუმის დაკმაყოფილება შეძლო", – ნათქვამია განცხადებაში.
ღონისძიებაზე სიტყვით გამოვიდნენ საერთაშორისო ქსელის წევრობის კანდიდატი ქვეყნების წარმომადგენლები, მათ შორის სპეციალური საგამოძიებო სამსახურის უფროსი კოკა კაციტაძე, რომელმაც საქართველოში ახლადშექმნილი დამოუკიდებელი საგამოძიებო სამსახურის ქსელში გაწევრიანების მნიშვნელობაზე, სამსახურის განვითარების დინამიკასა და პერსპექტივებზე, ასევე წევრ ქვეყნებთან მჭიდრო თანამშრომლობისთვის მზადყოფნაზე ისაუბრა.
კენჭისყრის შედეგად გენერალური ასამბლეის წევრებმა საქართველოს სპეციალური საგამოძიებო სამსახურის, უკრაინის გამოძიების სახელმწიფო ბიუროს, გერმანიის და ფინეთის საზედამხედველო სამსახურების საერთაშორისო ქსელში ოფიციალურ გაწევრიანებას მხარი ერთხმად დაუჭირეს.
სისხლის სამართლის საქმეთა გამოძიების საერთაშორისო ქსელში (ICIN) 26 ქვეყანაა გაერთიანებული. მათ შორის, ბელგიის პოლიციის მონიტორინგის მუდმივმოქმედი კომიტეტი, დანიის საპოლიციო საჩივრების დამოუკიდებელი სამსახური, შვედეთის სპეციალური საგამოძიებო დეპარტამენტი, ლიეტუვის იმუნიტეტის საბჭო, ნიდერლანდის დამოუკიდებელი საგამოძიებო ორგანო, დიდი ბრიტანეთის მეტროპოლიტენის პოლიციის პროფესიული სტანდარტების სამსახური და ევროკავშირის წევრი სხვა ქვეყნების დამოუკიდებელი საგამოძიებო და საზედამხედველო ფუნქციის მქონე უწყებები.
ICIN ქსელი 2020 წლის მარტში დაარსდა, მისი წევრების პირველი შეხვედრა 2021 წლის მაისში გაიმართა. 2023 წლიდან გაერთიანების თავმჯდომარეა მარტინ ვალფრიდსონი, რომელიც ამავდროულად შვედეთის სპეციალური საგამოძიებო უწყების ხელმძღვანელის თანამდებობას იკავებს.
ICIN ქსელის საქმიანობის მიზანია წევრ ორგანიზაციებს შორის სამართალდამცველების მიერ ჩადენილი დანაშაულების გამოვლენის, პრევენციისა და ეფექტიანი გამოძიების თაობაზე საუკეთესო გამოცდილებისა და ოპერატიული ინფორმაციის გაზიარება, ორგანიზაციის შესაძლებლობების გაზრდა, ასევე ქვეყნებს შორის თანამშრომლობის გაძლიერება.
საქართველოს საგამოძიებო სამსახურის კომპეტენციაში შედის თანამდებობის პირებისა და საგამოძიებო ორგანოების თანამშრომლების, მათ შორის პროკურატურის და პოლიციის თანამშრომლების, ადამიანის უფლებათა დარღვევასთან დაკავშირებული დანაშაულების გამოძიება.
სპეციალურმა საგამოძიებო სამსახურმა ამოქმედებიდან დღემდე დანაშაულში 139 პირი ამხილა. 139 პირიდან 62 სამართალდამცველი იყო, რომელთა მიმართაც სისხლის სამართლის პასუხისმგებლობა დადგა არასათანადო მოპყრობისა და ძალადობისთვის. 65 პირი პირადი ცხოვრების საიდუმლოს ხელყოფისა და ადამიანის უფლებებისა და თავისუფლებების წინააღმდეგ მიმართულ დანაშაულში ამხილეს, 12 პირი კი ჟურნალისტების წინააღმდეგ ჩადენილ დანაშაულში.
სპეციალური საგამოძიებო სამსახური გამოძიებას აქტიურ რეჟიმში აგრძელებს დაზარალებულებისა და განმცხადებლების უშუალო ჩართულობითა და მონაწილეობით.
