მასობრივი მკვლელობა ლუისტონში: დადგინდა მსროლელის ვინაობა - ფოტო
09:51 26.10.2023 (განახლებულია: 15:32 26.10.2023)
© AP Photo / Bryan Woolston
გამოწერა
თბილისი, 26 ოქტომბერი − Sputnik. მამაკაცი, რომელმაც მენის შტატის (აშშ) ქალაქ ლუისტონში ხალხს ცეცხლი გაუხსნა, იარაღის ინსტრუქტორია და მას ფსიქიკური ჯანმრთელობის პრობლემები აქვს, იუწყება ABC News წყაროებზე დაყრდნობით.
არსებული ცნობით, საუბარია 40 წლის რობერტ კარდიზე, რომელმაც, ბოლო მონაცემებით, 22 ადამიანი მოკლა, ხოლო დაახლოებით 60 დაჭრა.
„ეჭვმიტანილს გავლილი აქვს სამხედრო სამსახური და არის ცეცხლსასროლი იარაღის ინსტრუქტორი... მას ასევე აქვს ფსიქიკური ჯანმრთელობის პრობლემები. ამ ზაფხულს ის ორი კვირით მოათავსეს ფსიქიკური ჯანმრთელობის დაწესებულებაში მას შემდეგ, რაც ის ეროვნული გვარდიის დაწესებულებას სროლით დაემუქრა“, − იუწყება ტელეარხი წყაროებზე დაყრდნობით.
ლუისტონის პოლიციის განცხადებით, მასობრივ სროლაში ეჭვმიტანილი რობერტ კარდი, რომელიც ჯერ კიდევ არ არის დაკავებული, კვლავ შეიარაღებულია და საშიში. შერიფის ოფისმა ეჭვმიტანილის ფოტოები გამოაქვეყნა, რომელზეც შაშხანით შეიარაღებული თეთრკანიანი მამაკაცია აღბეჭდილი.
𝗕𝗥𝗘𝗔𝗞𝗜𝗡𝗚 - 𝗠𝗔𝗦𝗦 𝗦𝗛𝗢𝗢𝗧𝗜𝗡𝗚
— 𝗡𝗩𝗡 (@NowVideoNetwork) October 26, 2023
At least 22 people are dead and 50 more injured in a mass shooting in Lewiston, Maine.
The shooter remains at large, described by authorities as armed and extremely dangerous.
The search for the shooter is now called a "manhunt." pic.twitter.com/FMPvDRJX97
„ლუისტონში მოქმედებს აქტიური მსროლელი. გთხოვთ დარჩეთ სახლში და ჩაკეტოთ კარები“, − მიმართა პოლიციამ მოქალაქეებს.
აღინიშნება, რომ საქმეში გამოძიების ფედერალური ბიუროს თანამშრომლებიც არიან ჩართული. ინციდენტის თაობაზე აცნობეს აგრეთვე აშშ-ის პრეზიდენტ ჯო ბაიდენს.
