https://sputnik-georgia.com/20231025/qveyanashi-ukanono-tevzcheris-xuti-paqti-gamovlinda-283627464.html
ქვეყანაში უკანონო თევზჭერის ხუთი ფაქტი გამოვლინდა
ქვეყანაში უკანონო თევზჭერის ხუთი ფაქტი გამოვლინდა
Sputnik საქართველო
უმეტეს შემთხვევაში ბრაკონიერები თევზჭერისთვის იყენებდნენ ისეთ უკანონო საშუალებებს, როგორიცაა ელექტროშოკური აპარატი, სახლართი ტიპის ბადე და სხვ. 25.10.2023-ს, Sputnik საქართველო
2023-10-25T11:52+0400
2023-10-25T11:52+0400
2023-10-25T17:23+0400
საქართველო
შემთხვევები საქართველოში
გარემოს დაცვა და ეკოლოგია
საზოგადოება
საქართველოს რეგიონები
ახალი ამბები
https://cdnn1.img.sputnik-georgia.com/img/07e4/08/18/249276414_0:157:3000:1845_1920x0_80_0_0_19ed49d482ed4d1eaf858c335ba36497.jpg
თბილისი, 25 ოქტომბერი – Sputnik. გარემოსდაცვითი ზედამხედველობის დეპარტამენტის თანამშრომლებმა ელექტროშოკური მოწყობილობით უკანონო თევზჭერის ხუთი ფაქტი გამოავლინეს, ნათქვამია უწყების მიერ გავრცელებულ ინფორმაციაში. დეპარტამენტის ცნობით, სამართალდარღვევები გამოვლენილია ქვემო ქართლში, სამცხე-ჯავახეთში, იმერეთსა და შიდა ქართლში. მარნეულის მუნიციპალიტეტის სოფელ თეკალის მიმდებარედ, მდინარე დებედას კალაპოტში მოქალაქეებს ელექტროშოკური მოწყობილობისა და მოსასმელი ბადის გამოყენებით უკანონოდ ჰქონდათ მოპოვებული 1 კგ-მდე სხვადასხვა სახეობის თევზი. ახალციხის მუნიციპალიტეტის სოფელ აწყურის მიმდებარედ, მდინარე მტკვარზე კი მოქალაქეს ელექტროშოკური მოწყობილობის გამოყენებით უკანონოდ ჰქონდა მოპოვებული 7,3 კგ სხვადასხვა სახეობის თევზი. უწყების ცნობით, ვანის მუნიციპალიტეტის სოფელ ამაღლებაში, ქარელის მუნიციპალიტეტის სოფელ ახალსოფლის, ასევე ხაშურის მუნიციპალიტეტის სოფელ გომის მიმდებარედ თევზჭერისას ასევე იყენებდნენ ელექტროშოკურ მოწყობილობებს. უკანონოდ მოპოვებული თევზი, ასევე ნავები და თევზჭერის აკრძალული საშუალებები დაილუქა. სამართალდამრღვევების მიმართ შედგა შესაბამისი დოკუმენტაცია. გარემოსდაცვითი ზედამხედველობის დეპარტამენტისთვის უკანონო თევზჭერის ფაქტების გამოვლენა, აღკვეთა და პრევენცია პრიორიტეტია. ამ მიმართულებით დეპარტამენტის თანამშრომლები ქვეყნის მასშტაბით 24-საათიან, უწყვეტ პატრულირებას ახორციელებენ და თითოეულ სამართალდარღვევაზე შესაბამის რეაგირებას ახდენენ.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, შემთხვევები საქართველოში, გარემოს დაცვა და ეკოლოგია, საზოგადოება, საქართველოს რეგიონები, ახალი ამბები
საქართველო, შემთხვევები საქართველოში, გარემოს დაცვა და ეკოლოგია, საზოგადოება, საქართველოს რეგიონები, ახალი ამბები
ქვეყანაში უკანონო თევზჭერის ხუთი ფაქტი გამოვლინდა
11:52 25.10.2023 (განახლებულია: 17:23 25.10.2023) უმეტეს შემთხვევაში ბრაკონიერები თევზჭერისთვის იყენებდნენ ისეთ უკანონო საშუალებებს, როგორიცაა ელექტროშოკური აპარატი, სახლართი ტიპის ბადე და სხვ.
თბილისი, 25 ოქტომბერი – Sputnik. გარემოსდაცვითი ზედამხედველობის დეპარტამენტის თანამშრომლებმა ელექტროშოკური მოწყობილობით უკანონო თევზჭერის ხუთი ფაქტი გამოავლინეს, ნათქვამია უწყების მიერ გავრცელებულ ინფორმაციაში.
დეპარტამენტის ცნობით, სამართალდარღვევები გამოვლენილია ქვემო ქართლში, სამცხე-ჯავახეთში, იმერეთსა და შიდა ქართლში.
მარნეულის მუნიციპალიტეტის სოფელ თეკალის მიმდებარედ, მდინარე დებედას კალაპოტში მოქალაქეებს ელექტროშოკური მოწყობილობისა და მოსასმელი ბადის გამოყენებით უკანონოდ ჰქონდათ მოპოვებული 1 კგ-მდე სხვადასხვა სახეობის თევზი.
ახალციხის მუნიციპალიტეტის სოფელ აწყურის მიმდებარედ, მდინარე მტკვარზე კი მოქალაქეს ელექტროშოკური მოწყობილობის გამოყენებით უკანონოდ ჰქონდა მოპოვებული 7,3 კგ სხვადასხვა სახეობის თევზი.
უწყების ცნობით, ვანის მუნიციპალიტეტის სოფელ ამაღლებაში, ქარელის მუნიციპალიტეტის სოფელ ახალსოფლის, ასევე ხაშურის მუნიციპალიტეტის სოფელ გომის მიმდებარედ თევზჭერისას ასევე იყენებდნენ ელექტროშოკურ მოწყობილობებს.
უკანონოდ მოპოვებული თევზი, ასევე ნავები და თევზჭერის აკრძალული საშუალებები დაილუქა. სამართალდამრღვევების მიმართ შედგა შესაბამისი დოკუმენტაცია.
გარემოსდაცვითი ზედამხედველობის დეპარტამენტისთვის უკანონო თევზჭერის ფაქტების გამოვლენა, აღკვეთა და პრევენცია პრიორიტეტია. ამ მიმართულებით დეპარტამენტის თანამშრომლები ქვეყნის მასშტაბით 24-საათიან, უწყვეტ პატრულირებას ახორციელებენ და თითოეულ სამართალდარღვევაზე შესაბამის რეაგირებას ახდენენ.
