https://sputnik-georgia.com/20231016/sezonuri-gripis-sawinaarmdego-vaqcinacia-daiwyo-283291351.html
საქართველოში დღეიდან სეზონური გრიპის საწინააღმდეგო ვაქცინაცია იწყება
საქართველოში დღეიდან სეზონური გრიპის საწინააღმდეგო ვაქცინაცია იწყება
Sputnik საქართველო
გრიპის ვირუსის საწინააღმდეგო ვაქცინაცია სახელმწიფო პროგრამის ფარგლებში უფასოდ ჩაუტარდება რისკ-ჯგუფებს. 16.10.2023-ს, Sputnik საქართველო
2023-10-16T10:13+0400
2023-10-16T10:13+0400
2023-10-16T14:02+0400
ჯანდაცვა საქართველოში
საზოგადოება
ახალი ამბები
საქართველო
https://cdnn1.img.sputnik-georgia.com/img/07e4/09/1c/249559719_0:166:3053:1883_1920x0_80_0_0_a38a5defbeb54f40f40e5713fefcb6d5.jpg
თბილისი, 16 ოქტომბერი — Sputnik. საქართველოს მასშტაბით დღეიდან სეზონური გრიპის საწინააღმდეგო ვაქცინაცია დაიწყო. იმუნიზაციის სახელმწიფო პროგრამის ფარგლებში საქართველომ ნიდერლანდური კომპანია Abbott Biologicals B.V.-ს წარმოების 200 ათასი დოზა ოთხკომპონენტიანი ვაქცინა შეიძინა. აღნიშნული ვაქცინა ერთ-ერთია ჯანმოს მიერ რეკომენდებულ ვაქცინებს შორის. გრიპის ვირუსის საწინააღმდეგო ვაქცინაცია სახელმწიფო პროგრამის ფარგლებში უფასოდ ჩაუტარდება რისკ-ჯგუფებს, მათ, ვისაც დაავადების გართულების მომატებული რისკი აქვს. 2023-2024 წლების გრიპის სეზონისათვის ქვეყანაში გრიპის საწინააღმდეგო ვაქცინაციის მიზნით მაღალი რისკის ჯგუფებად განისაზღვრა: ვაქცინა ხელმისაწვდომია იმუნიზაციის სერვისის მიმწოდებელ დაწესებულებებში. გარკვეული გამონაკლისების გარდა, სეზონური გრიპის წინააღმდეგ ვაქცინაციის გაკეთება ნებაყოფლობითია. გრიპის სეზონი საქართველოში, ჩვეულებრივ, ნოემბერში იწყება და პიკს დეკემბერ–იანვარში აღწევს. გრიპის ვირუსისგან თავის დაცვის პრევენციული ზომები ისეთივეა, როგორიც კორონავირუსისგან დაცვისას: ხელების ხშირი დაბანა, სოციალური დისტანცია, პირბადის ტარება. თამარ გაბუნია: გრიპზე ასაცრელად იდეალური დროა>>საქართველოში ყველაზე ხშირად გრიპის B ტიპის ვირუსი ფიქსირდება, რომელიც ხასიათდება კლინიკურად შედარებით მსუბუქი და საშუალო სიმძიმის მიმდინარეობით. ასევე გვხვდება A ტიპის – H3 და H1 ვირუსები, აგრეთვე რინოვირუსები. გრიპის საწინააღმდეგო ვაქცინაციის პოპულარიზაცია საქართველოს მოსახლეობაში 2014–2015 წლებში დაიწყო. სპეციალისტების აზრით, გრიპის საწინააღმდეგო ვაქცინაცია გრიპის პრევენციის და მისგან გამოწვეული მძიმე შედეგების ყველაზე ეფექტური საშუალებაა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ჯანდაცვა საქართველოში, საზოგადოება, ახალი ამბები, საქართველო
ჯანდაცვა საქართველოში, საზოგადოება, ახალი ამბები, საქართველო
საქართველოში დღეიდან სეზონური გრიპის საწინააღმდეგო ვაქცინაცია იწყება
10:13 16.10.2023 (განახლებულია: 14:02 16.10.2023) გრიპის ვირუსის საწინააღმდეგო ვაქცინაცია სახელმწიფო პროგრამის ფარგლებში უფასოდ ჩაუტარდება რისკ-ჯგუფებს.
თბილისი, 16 ოქტომბერი — Sputnik. საქართველოს მასშტაბით დღეიდან სეზონური გრიპის საწინააღმდეგო ვაქცინაცია დაიწყო.
იმუნიზაციის სახელმწიფო პროგრამის ფარგლებში საქართველომ ნიდერლანდური კომპანია Abbott Biologicals B.V.-ს წარმოების 200 ათასი დოზა ოთხკომპონენტიანი ვაქცინა შეიძინა. აღნიშნული ვაქცინა ერთ-ერთია ჯანმოს მიერ რეკომენდებულ ვაქცინებს შორის.
გრიპის ვირუსის საწინააღმდეგო ვაქცინაცია სახელმწიფო პროგრამის ფარგლებში უფასოდ ჩაუტარდება რისკ-ჯგუფებს, მათ, ვისაც დაავადების გართულების მომატებული რისკი აქვს.
2023-2024 წლების გრიპის სეზონისათვის ქვეყანაში გრიპის საწინააღმდეგო ვაქცინაციის მიზნით მაღალი რისკის ჯგუფებად განისაზღვრა:
დიაბეტის მქონე პირები; დიალიზზე მყოფი პირები; C ჰეპატიტის მქონე პირები (მხოლოდ მკურნალობაზე მყოფნი); აივ-ინფექცია/შიდსის მქონე პირები; ორგანოგადანერგილი და მუკოვისციდოზის დაავადების მქონე პირები; აგრეთვე 60 წლის და უფროსი ასაკის ხანდაზმული პირები; ორსულები; ზოგადსაგანმანათლებლო დაწესებულების (სკოლები) პედაგოგები; ბავშვთა (მათ შორის მცირე საოჯახო ტიპის) და მოხუცთა თავშესაფრების ბენეფიციარები და მათი მომვლელი პერსონალი; სავალდებულო ვაქცინაციას დაქვემდებარებული მედპერსონალი და სხვ. ვაქცინა ხელმისაწვდომია იმუნიზაციის სერვისის მიმწოდებელ დაწესებულებებში.
გარკვეული გამონაკლისების გარდა, სეზონური გრიპის წინააღმდეგ ვაქცინაციის გაკეთება ნებაყოფლობითია.
გრიპის სეზონი საქართველოში, ჩვეულებრივ, ნოემბერში იწყება და პიკს დეკემბერ–იანვარში აღწევს. გრიპის ვირუსისგან თავის დაცვის პრევენციული ზომები ისეთივეა, როგორიც კორონავირუსისგან დაცვისას: ხელების ხშირი დაბანა, სოციალური დისტანცია, პირბადის ტარება.
საქართველოში ყველაზე ხშირად გრიპის B ტიპის ვირუსი ფიქსირდება, რომელიც ხასიათდება კლინიკურად შედარებით მსუბუქი და საშუალო სიმძიმის მიმდინარეობით. ასევე გვხვდება A ტიპის – H3 და H1 ვირუსები, აგრეთვე რინოვირუსები.
გრიპის საწინააღმდეგო ვაქცინაციის პოპულარიზაცია საქართველოს მოსახლეობაში 2014–2015 წლებში დაიწყო. სპეციალისტების აზრით, გრიპის საწინააღმდეგო ვაქცინაცია გრიპის პრევენციის და მისგან გამოწვეული მძიმე შედეგების ყველაზე ეფექტური საშუალებაა.
