https://sputnik-georgia.com/20231013/saqartvelo-da-ssf-programis-ardgenis-sesaxeb-molaparakebebis-dawyebaze-setanxmdnen-283254872.html
საქართველო და სსფ პროგრამის აღდგენის შესახებ მოლაპარაკებების დაწყებაზე შეთანხმდნენ
საქართველო და სსფ პროგრამის აღდგენის შესახებ მოლაპარაკებების დაწყებაზე შეთანხმდნენ
Sputnik საქართველო
პროგრამის აღდგენასთან დაკავშირებული სამუშაო ტექნიკური გუნდების დონეზე უახლოეს პერიოდში გაგრძელდება. 13.10.2023-ს, Sputnik საქართველო
2023-10-13T21:48+0400
2023-10-13T21:48+0400
2023-10-13T23:05+0400
საერთაშორისო სავალუტო ფონდი
საქართველოს ეროვნული ბანკი
ახალი ამბები
საქართველო
ეკონომიკა
საქართველოს ეკონომიკა
https://cdnn1.img.sputnik-georgia.com/img/07e7/0a/0d/283253800_0:107:2048:1259_1920x0_80_0_0_533ddd4a2adbd6fc4bda5ee6bd9d6e63.jpg
თბილისი, 13 ოქტომბერი – Sputnik. საქართველოს ეროვნული ბანკი საერთაშორისო სავალუტო ფონდს (სსფ) ქვეყანაში სსფ-ის პროგრამის აღდგენის პროცესის დაწყებაზე შეუთანხმდა, განაცხადა ეროვნული ბანკის პრეზიდენტის მოვალეობის შემსრულებელმა ნათია თურნავამ.მიმდინარე წლის ივლისში საერთაშორისო სავალუტო ფონდმა გადადო მეორე მიმოხილვის განხილვა სარეზერვო დაფინანსების შეთანხმების (SBA) ფარგლებში, რომლის შემდეგაც საქართველოს 30 მილიონი SDR (დაახლოებით 40 მილიონი აშშ დოლარი) უნდა მიეღო. არც საქართველოს ეროვნულ ბანკს და არც სსფ-ს არ განუმარტავთ, რა გახდა ასეთი გადაწყვეტილების მიზეზი. ეროვნულ ბანკში განაცხადეს, რომ ორგანიზაციასთან თანამშრომლობა მაინც გრძელდება.შეხვედრისას მხარეებმა განიხილეს სსფ-ის მიერ მხარდაჭერილი, დროებით შეფერხებული პროგრამის სწრაფად აღდგენასთან დაკავშირებული საკითხები და კონკრეტული ნაბიჯები.ასევე აღინიშნა პროგრამის მეორე მიმოხილვის დროულად დასრულების აუცილებლობა, რისთვისაც ორივე მხარე სრულ მზადყოფნას გამოხატავს.საქართველოს ეროვნული ბანკი საერთაშორისო სავალუტო ფონდთან პროგრამის აღდგენაზე მუშაობს>>საერთაშორისო სავალუტო ფონდმა საქართველოში პროგრამა მას შემდეგ შეაჩერა, რაც 2023 წლის ივნისში ძალაში შევიდა „ეროვნული ბანკის შესახებ" კანონში ცვლილებები, რომელიც ითვალისწინებს მარეგულირებლის პირველი ვიცე-პრეზიდენტის ახალი თანამდებობის შემოღებას, რომელიც ეროვნული ბანკის ხელმძღვანელის არყოფნის შემთხვევაში მის მოვალეობას შეასრულებს.ამასთან დაკავშირებით პარლამენტს პრეზიდენტ სალომე ზურაბიშვილის ვეტოს დაძლევაც კი მოუხდა, რომელმაც მიზანშეწონილად არ მიიჩნია ეროვნული ბანკის საბჭოში აღმასრულებელ პირთა რაოდენობის გაზრდა.თანამშრომლობა საერთაშორისო სავალუტო ფონდთანსსფ მრავალი წლის განმავლობაში ეხმარება საქართველოს სტრუქტურული რეფორმების განხორციელებაში.საქართველოში ეკონომიკური რეფორმების მხარდაჭერისკენ მიმართული პირველი სამწლიანი პროგრამა, რომელიც სავალუტო ფონდმა 2017 წლის აპრილში დაამტკიცა, 2021 წელს დასრულდა. პროგრამის ფარგლებში გადარიცხვებმა 687 მლნ დოლარი შეადგინა.რატომ შეჩერდა საერთაშორისო სავალუტო ფონდის პროგრამა საქართველოში? დეპუტატის განმარტება>>2022 წელს საქართველო და საერთაშორისო სავალუტო ფონდი ქვეყნის ახალ სამწლიან პროგრამაზე შეთანხმდნენ. საერთაშორისო სავალუტო ფონდის აღმასრულებელმა საბჭომ დაამტკიცა ახალი Stand-By Arrangement-ის 280 მლნ დოლარიანი შეთანხმება საქართველოს მთავრობასთან (100%-იანი კვოტები და 210,4 მლნ SDR).საერთაშორისო სავალუტო ფონდის მიერ მხარდაჭერილი საქართველოს ხელისუფლების პროგრამა მიზნად ისახავს მაკროეკონომიკური სტაბილურობის შემდგომ განმტკიცებას, საშუალოვადიანი ზრდის პერსპექტივების გაზრდას რეგიონში არსებული გამოწვევების ფონზე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საერთაშორისო სავალუტო ფონდი, საქართველოს ეროვნული ბანკი , ახალი ამბები, საქართველო, ეკონომიკა, საქართველოს ეკონომიკა
საერთაშორისო სავალუტო ფონდი, საქართველოს ეროვნული ბანკი , ახალი ამბები, საქართველო, ეკონომიკა, საქართველოს ეკონომიკა
საქართველო და სსფ პროგრამის აღდგენის შესახებ მოლაპარაკებების დაწყებაზე შეთანხმდნენ
21:48 13.10.2023 (განახლებულია: 23:05 13.10.2023) პროგრამის აღდგენასთან დაკავშირებული სამუშაო ტექნიკური გუნდების დონეზე უახლოეს პერიოდში გაგრძელდება.
თბილისი, 13 ოქტომბერი – Sputnik. საქართველოს ეროვნული ბანკი საერთაშორისო სავალუტო ფონდს (სსფ) ქვეყანაში სსფ-ის პროგრამის აღდგენის პროცესის დაწყებაზე შეუთანხმდა, განაცხადა ეროვნული ბანკის პრეზიდენტის მოვალეობის შემსრულებელმა ნათია თურნავამ.
მიმდინარე წლის ივლისში საერთაშორისო სავალუტო ფონდმა გადადო მეორე მიმოხილვის განხილვა სარეზერვო დაფინანსების შეთანხმების (SBA) ფარგლებში, რომლის შემდეგაც საქართველოს 30 მილიონი SDR (დაახლოებით 40 მილიონი აშშ დოლარი) უნდა მიეღო. არც საქართველოს ეროვნულ ბანკს და არც სსფ-ს არ განუმარტავთ, რა გახდა ასეთი გადაწყვეტილების მიზეზი. ეროვნულ ბანკში განაცხადეს, რომ ორგანიზაციასთან თანამშრომლობა მაინც გრძელდება.
„შევთანხმდით, რომ პროგრამის აღდგენასთან დაკავშირებით შემდგომი სამუშაოები უახლოეს პერიოდში ტექნიკური გუნდების დონეზე გაგრძელდება“, – განაცხადა თურნავამ სსფ-ის ახლო აღმოსავლეთისა და ცენტრალური აზიის დეპარტამენტის დირექტორ ჯიჰად აზურთან შეხვედრის შემდეგ.
შეხვედრისას მხარეებმა განიხილეს სსფ-ის მიერ მხარდაჭერილი, დროებით შეფერხებული პროგრამის სწრაფად აღდგენასთან დაკავშირებული საკითხები და კონკრეტული ნაბიჯები.
ასევე აღინიშნა პროგრამის მეორე მიმოხილვის დროულად დასრულების აუცილებლობა, რისთვისაც ორივე მხარე სრულ მზადყოფნას გამოხატავს.
საერთაშორისო სავალუტო ფონდმა საქართველოში პროგრამა მას შემდეგ შეაჩერა, რაც 2023 წლის ივნისში ძალაში შევიდა „ეროვნული ბანკის შესახებ" კანონში ცვლილებები, რომელიც ითვალისწინებს მარეგულირებლის პირველი ვიცე-პრეზიდენტის ახალი თანამდებობის შემოღებას, რომელიც ეროვნული ბანკის ხელმძღვანელის არყოფნის შემთხვევაში მის მოვალეობას შეასრულებს.
ამასთან დაკავშირებით პარლამენტს პრეზიდენტ სალომე ზურაბიშვილის ვეტოს დაძლევაც კი მოუხდა, რომელმაც მიზანშეწონილად არ მიიჩნია ეროვნული ბანკის საბჭოში აღმასრულებელ პირთა რაოდენობის გაზრდა.
თანამშრომლობა საერთაშორისო სავალუტო ფონდთან
სსფ მრავალი წლის განმავლობაში ეხმარება საქართველოს სტრუქტურული რეფორმების განხორციელებაში.
საქართველოში ეკონომიკური რეფორმების მხარდაჭერისკენ მიმართული პირველი სამწლიანი პროგრამა, რომელიც სავალუტო ფონდმა 2017 წლის აპრილში დაამტკიცა, 2021 წელს დასრულდა. პროგრამის ფარგლებში გადარიცხვებმა 687 მლნ დოლარი შეადგინა.
2022 წელს საქართველო და საერთაშორისო სავალუტო ფონდი ქვეყნის ახალ სამწლიან პროგრამაზე შეთანხმდნენ. საერთაშორისო სავალუტო ფონდის აღმასრულებელმა საბჭომ დაამტკიცა ახალი Stand-By Arrangement-ის 280 მლნ დოლარიანი შეთანხმება საქართველოს მთავრობასთან (100%-იანი კვოტები და 210,4 მლნ SDR).
საერთაშორისო სავალუტო ფონდის მიერ მხარდაჭერილი საქართველოს ხელისუფლების პროგრამა მიზნად ისახავს მაკროეკონომიკური სტაბილურობის შემდგომ განმტკიცებას, საშუალოვადიანი ზრდის პერსპექტივების გაზრდას რეგიონში არსებული გამოწვევების ფონზე.
