https://sputnik-georgia.com/20231010/konservatoriam-steinway-roialebis-morigi-partia-miigo-283157882.html
თბილისის კონსერვატორიამ STEINWAY-ს როიალების მორიგი პარტია მიიღო
თბილისის კონსერვატორიამ STEINWAY-ს როიალების მორიგი პარტია მიიღო
Sputnik საქართველო
STEINWAY & SONS-მა 2025 წლამდე კონსერვატორიას ეტაპობრივად 78 როიალი უნდა მიაწოდოს. 10.10.2023-ს, Sputnik საქართველო
2023-10-10T17:49+0400
2023-10-10T17:49+0400
2023-10-10T21:17+0400
საქართველო
კულტურა საქართველოში
საზოგადოება
ახალი ამბები
საქართველოს კულტურისა და სპორტის სამინისტრო
https://cdnn1.img.sputnik-georgia.com/img/07e7/06/0f/278617272_0:62:1024:638_1920x0_80_0_0_6a0b0b87ba12eaba63492aab0e5b89f8.jpg
თბილისი, 10 ოქტომბერი — Sputnik. თბილისის ვანო სარაჯიშვილის სახელობის სახელმწიფო კონსერვატორიისთვის მსოფლიოში ცნობილი კომპანია STEINWAY & SONS-ის როიალების მიწოდება გრძელდება – ინსტრუმენტების მეოთხე პარტია სასწავლებელს უკვე ჩაბარდა, ნათქვამია საქართველოს კულტურის სამინისტროს მიერ გავრცელებულ განცხადებაში. უწყების ცნობით, ამ დროისათვის კონსერვატორიას გადაეცა 10, კონსერვატორიის ჯაზის განყოფილებას 2 და კონსერვატორიის მანანა დოიჯაშვილის სახელობის სამუსიკო სემინარიას 1 როიალი. კულტურის სამინისტრომ STEINWAY & SONS-თან თანამშრომლობა ჯერ კიდევ 2021 წელს დაიწყო. მუსიკალური ინსტრუმენტების დეფიციტი უკვე მრავალი წელია კონსერვატორიის ერთ-ერთი მთავარი პრობლემაა და მის მოსაგვარებლად კულტურის სამინისტრო მუშაობს. უწყება აღნიშნავს, რომ საქართველოს კულტურის სამინისტროსა და როიალების მწარმოებელ კომპანიას შორის თანამშრომლობის პროცესში მნიშვნელოვანი როლი ითამაშა ამერიკაში მცხოვრებმა წარმოშობით ქართველმა პიანისტმა გიორგი ლაცომ. შედეგად, მხარეებმა ხელი მოაწერეს შეთანხმებას, რომლის თანახმად, 2025 წლამდე კონსერვატორია ეტაპობრივად მიიღებს 78 როიალს. ინსტრუმენტების გადაცემის განრიგი ასეთია: 2022 წელს საქართველომ მიიღო 17 როიალი, 2023-25 წლებში კი მიიღებს 61 როიალს (კონსერვატორიის მიერ განსაზღვრული მოდელებისა და რაოდენობის მიხედვით). როიალების შესაძენად 8 მლნ ევროზე მეტია გამოყოფილი. კულტურის სამინისტროსა და STEINWAY & SONS-ს შორის გაფორმებული ხელშეკრულება ასევე ითვალისწინებს კონსერვატორიის ტექნიკური ჯგუფის გადამზადებას. ხელშეკრულების თანახმად, როიალების მოწოდებასთან ერთად კომპანია ვალდებულია საქართველოში პერიოდულად გამოგზავნოს ინჟინრები, რომლებიც როგორც როიალების მოწოდებისას, ასევე შემდგომ მუსიკალურ ინსტრუმენტებს უფასოდ გამართავენ (ააწყობენ), ტექნიკურად შეამოწმებენ და ასევე უფასოდ მოამზადებენ ადგილობრივ სპეციალისტებს, რადგან საქართველოში ამწყობის პროფესია დიდი ხანია იშვიათობად იქცა. აღსანიშნავია, რომ კომპანია STEINWAY & SONS-სთვის კონსერვატორიასთან გაფორმებული შეთანხმება ევროპის მასშტაბით უპრეცედენტოდ ითვლება. სამინისტროს ინფორმაციით, მუსიკალური ინსტრუმენტების დეფიციტი აქტუალური პრობლემაა არა მხოლოდ კონსერვატორიის, არამედ სხვა სახელოვნებო სასწავლებლებისთვისაც. ინსტრუმენტები განსაკუთრებულად სჭირდებათ: ევგენი მიქელაძის სახელობის თბილისის ცენტრალურ სამუსიკო სასწავლებელს, გორის სამუსიკო კოლეჯს, რუსთავის სამუსიკო სასწავლებელს და არაერთ სხვა სასწავლო დაწესებულებას. 2022 წლის 14 სექტემბერს საქართველოს კულტურის სამინისტრომ STEINWAY-ის ცხრა როიალი მიიღო და ამგვარად 50-წლიანი წყვეტის შემდეგ კონსერვატორიის როიალების ფონდი განახლდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, კულტურა საქართველოში, საზოგადოება, ახალი ამბები, საქართველოს კულტურისა და სპორტის სამინისტრო
საქართველო, კულტურა საქართველოში, საზოგადოება, ახალი ამბები, საქართველოს კულტურისა და სპორტის სამინისტრო
თბილისის კონსერვატორიამ STEINWAY-ს როიალების მორიგი პარტია მიიღო
17:49 10.10.2023 (განახლებულია: 21:17 10.10.2023) STEINWAY & SONS-მა 2025 წლამდე კონსერვატორიას ეტაპობრივად 78 როიალი უნდა მიაწოდოს.
თბილისი, 10 ოქტომბერი — Sputnik. თბილისის ვანო სარაჯიშვილის სახელობის სახელმწიფო კონსერვატორიისთვის მსოფლიოში ცნობილი კომპანია STEINWAY & SONS-ის როიალების მიწოდება გრძელდება – ინსტრუმენტების მეოთხე პარტია სასწავლებელს უკვე ჩაბარდა, ნათქვამია საქართველოს კულტურის სამინისტროს მიერ გავრცელებულ განცხადებაში.
უწყების ცნობით, ამ დროისათვის კონსერვატორიას გადაეცა 10, კონსერვატორიის ჯაზის განყოფილებას 2 და კონსერვატორიის მანანა დოიჯაშვილის სახელობის სამუსიკო სემინარიას 1 როიალი.
კულტურის სამინისტრომ STEINWAY & SONS-თან თანამშრომლობა ჯერ კიდევ 2021 წელს დაიწყო.
მუსიკალური ინსტრუმენტების დეფიციტი უკვე მრავალი წელია კონსერვატორიის ერთ-ერთი მთავარი პრობლემაა და მის მოსაგვარებლად კულტურის სამინისტრო მუშაობს. უწყება აღნიშნავს, რომ საქართველოს კულტურის სამინისტროსა და როიალების მწარმოებელ კომპანიას შორის თანამშრომლობის პროცესში მნიშვნელოვანი როლი ითამაშა ამერიკაში მცხოვრებმა წარმოშობით ქართველმა პიანისტმა გიორგი ლაცომ.
შედეგად, მხარეებმა ხელი მოაწერეს შეთანხმებას, რომლის თანახმად, 2025 წლამდე კონსერვატორია ეტაპობრივად მიიღებს 78 როიალს. ინსტრუმენტების გადაცემის განრიგი ასეთია: 2022 წელს საქართველომ მიიღო 17 როიალი, 2023-25 წლებში კი მიიღებს 61 როიალს (კონსერვატორიის მიერ განსაზღვრული მოდელებისა და რაოდენობის მიხედვით). როიალების შესაძენად 8 მლნ ევროზე მეტია გამოყოფილი.
კულტურის სამინისტროსა და STEINWAY & SONS-ს შორის გაფორმებული ხელშეკრულება ასევე ითვალისწინებს კონსერვატორიის ტექნიკური ჯგუფის გადამზადებას.
ხელშეკრულების თანახმად, როიალების მოწოდებასთან ერთად კომპანია ვალდებულია საქართველოში პერიოდულად გამოგზავნოს ინჟინრები, რომლებიც როგორც როიალების მოწოდებისას, ასევე შემდგომ მუსიკალურ ინსტრუმენტებს უფასოდ გამართავენ (ააწყობენ), ტექნიკურად შეამოწმებენ და ასევე უფასოდ მოამზადებენ ადგილობრივ სპეციალისტებს, რადგან საქართველოში ამწყობის პროფესია დიდი ხანია იშვიათობად იქცა.
აღსანიშნავია, რომ კომპანია STEINWAY & SONS-სთვის კონსერვატორიასთან გაფორმებული შეთანხმება ევროპის მასშტაბით უპრეცედენტოდ ითვლება.
სამინისტროს ინფორმაციით, მუსიკალური ინსტრუმენტების დეფიციტი აქტუალური პრობლემაა არა მხოლოდ კონსერვატორიის, არამედ სხვა სახელოვნებო სასწავლებლებისთვისაც. ინსტრუმენტები განსაკუთრებულად სჭირდებათ: ევგენი მიქელაძის სახელობის თბილისის ცენტრალურ სამუსიკო სასწავლებელს, გორის სამუსიკო კოლეჯს, რუსთავის სამუსიკო სასწავლებელს და არაერთ სხვა სასწავლო დაწესებულებას.
2022 წლის 14 სექტემბერს საქართველოს კულტურის სამინისტრომ STEINWAY-ის ცხრა როიალი მიიღო და ამგვარად 50-წლიანი წყვეტის შემდეგ კონსერვატორიის როიალების ფონდი განახლდა.
