https://sputnik-georgia.com/20231004/tbiliss-axali-gerbi-da-grosa-eqneba-282944983.html
თბილისს ახალი გერბი და დროშა ექნება
თბილისს ახალი გერბი და დროშა ექნება
Sputnik საქართველო
დედაქალაქის გერბისა და დროშის საუკეთესო ესკიზებს სპეციალური კომისია გამოავლენს. 04.10.2023-ს, Sputnik საქართველო
2023-10-04T15:03+0400
2023-10-04T15:03+0400
2023-10-04T18:32+0400
თბილისის მერია
თბილისი დღეს
საქართველო
ახალი ამბები
საზოგადოება
კახა კალაძე
https://cdnn1.img.sputnik-georgia.com/img/07e4/0b/18/250142148_0:133:1280:853_1920x0_80_0_0_cdee443458d7dc0c34c63cb843ec4359.jpg
თბილისი, 4 ოქტომბერი — Sputnik. დედაქალაქს მოქმედი კანონმდებლობით განსაზღვრული გერბი და დროშა ექნება, განაცხადა თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე. ამჟამინდელი გერბი და დროშა თბილისის საკრებულოს 2005 წლის 8 ივნისის გადაწყვეტილების საფუძველზეა მიღებული. კალაძის თქმით, დღეის მდგომარეობით, თბილისი ერთადერთი მუნიციპალიტეტია, რომელსაც მოქმედი კანონით განსაზღვრული გერბი და დროშა არ გააჩნია. თბილისის მერის თქმით, შეიქმნება სპეციალური კომისია, რომელიც კონკურსის წესით თბილისის გერბისა და დროშის საუკეთესო ესკიზებს გამოავლენს. კომისია პროფესიონალებისგან იქნება შედგენილი, ხოლო კონკურსი ღია წესით, საჯაროდ წარიმართება. „აღსანიშნავია, რომ თბილისელებისთვის ძვირფასი სიმბოლოების გამოყენება, რომლებიც წლების მანძილზე წარმოადგენდნენ დედაქალაქს, კვლავ შესაძლებელი იქნება სიმბოლური, არაოფიციალური დატვირთვით, რათა ქალაქის მეხსიერებას კიდევ დიდხანს შემორჩეს ემირ ბურჯანაძის ავტორობით შექმნილი გერბის გამოსახულება", – აღნიშნა კახა კალაძემ. 2005 წელს მიღებული თბილისის გერბი, როგორც ქართული ფარი, მრგვალი ფორმის, დამწერლობით შექმნილი კომპოზიციაა. ეს სახელმწიფო სიმბოლიკა დედაქალაქის ლეგენდაზე აღმოცენებული ჰერალდიკური ნიშანია. რაც შეეხება დროშას, თბილისის დროშა ოთხფეროვანია: თეთრი, მუქი ცისფერი, ოქროსფერი და მუქი წითელი, ხოლო შესრულებისთვის იგულისხმება სამი ფერი თეთრ ფონზე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
თბილისის მერია, თბილისი დღეს, საქართველო, ახალი ამბები, საზოგადოება, კახა კალაძე
თბილისის მერია, თბილისი დღეს, საქართველო, ახალი ამბები, საზოგადოება, კახა კალაძე
თბილისს ახალი გერბი და დროშა ექნება
15:03 04.10.2023 (განახლებულია: 18:32 04.10.2023) დედაქალაქის გერბისა და დროშის საუკეთესო ესკიზებს სპეციალური კომისია გამოავლენს.
თბილისი, 4 ოქტომბერი — Sputnik. დედაქალაქს მოქმედი კანონმდებლობით განსაზღვრული გერბი და დროშა ექნება, განაცხადა თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე.
ამჟამინდელი გერბი და დროშა თბილისის საკრებულოს 2005 წლის 8 ივნისის გადაწყვეტილების საფუძველზეა მიღებული.
კალაძის თქმით, დღეის მდგომარეობით, თბილისი ერთადერთი მუნიციპალიტეტია, რომელსაც მოქმედი კანონით განსაზღვრული გერბი და დროშა არ გააჩნია.
„მუნიციპალიტეტის გერბი და დროშა სახელმწიფო მნიშვნელობის სიმბოლოებს განეკუთვნება და მათი დადგენისა და გამოყენების წესი კანონმდებლობით რეგულირდება. თბილისის ჰერალდიკური სიმბოლოები, რომლებიც აქამდე გამოიყენება, ვერ აკმაყოფილებს „სახელმწიფო მნიშვნელობის სიმბოლოების შესახებ" კანონით დადგენილ კრიტერიუმებს და მოსაყვანია დადგენილ მოთხოვნებთან შესაბამისობაში", – განაცხადა კახა კალაძემ.
თბილისის მერის თქმით, შეიქმნება სპეციალური კომისია, რომელიც კონკურსის წესით თბილისის გერბისა და დროშის საუკეთესო ესკიზებს გამოავლენს. კომისია პროფესიონალებისგან იქნება შედგენილი, ხოლო კონკურსი ღია წესით, საჯაროდ წარიმართება.
„აღსანიშნავია, რომ თბილისელებისთვის ძვირფასი სიმბოლოების გამოყენება, რომლებიც წლების მანძილზე წარმოადგენდნენ დედაქალაქს, კვლავ შესაძლებელი იქნება სიმბოლური, არაოფიციალური დატვირთვით, რათა ქალაქის მეხსიერებას კიდევ დიდხანს შემორჩეს ემირ ბურჯანაძის ავტორობით შექმნილი გერბის გამოსახულება", – აღნიშნა კახა კალაძემ.
2005 წელს მიღებული თბილისის გერბი, როგორც ქართული ფარი, მრგვალი ფორმის, დამწერლობით შექმნილი კომპოზიციაა. ეს სახელმწიფო სიმბოლიკა დედაქალაქის ლეგენდაზე აღმოცენებული ჰერალდიკური ნიშანია. რაც შეეხება დროშას, თბილისის დროშა ოთხფეროვანია: თეთრი, მუქი ცისფერი, ოქროსფერი და მუქი წითელი, ხოლო შესრულებისთვის იგულისხმება სამი ფერი თეთრ ფონზე.
