https://sputnik-georgia.com/20230929/etnograpiuli-muzeumi-tbilisobas-masshtaburad-agnishnavs-282778977.html
ეთნოგრაფიული მუზეუმი „თბილისობის" დღესასწაულს მასშტაბურად აღნიშნავს
ეთნოგრაფიული მუზეუმი „თბილისობის" დღესასწაულს მასშტაბურად აღნიშნავს
Sputnik საქართველო
„თბილისობის" დღესასწაული პირველად 1979 წლის ოქტომბერში ჩატარდა. 29.09.2023-ს, Sputnik საქართველო
2023-09-29T12:00+0400
2023-09-29T12:00+0400
2023-10-26T15:34+0400
საქართველო
თბილისობა 2023
საზოგადოება
კულტურა საქართველოში
ახალი ამბები
თბილისი დღეს
https://cdnn1.img.sputnik-georgia.com/img/07e7/09/1e/282809911_0:120:1280:840_1920x0_80_0_0_e506ba312d8abb512701710b61c3f0bc.jpg
თბილისი, 29 სექტემბერი — Sputnik. გიორგი ჩიტაიას სახელობის ეთნოგრაფიული მუზეუმი 30 სექტემბერს და 1 ოქტომბერს „თბილისობას" მრავალფეროვანი პროგრამით აღნიშნავს – მუზეუმი მრავალი ღონისძიების გამართვას გეგმავს ქვეყნის რეგიონებში, ნათქვამია მუზეუმის გვერდზე სოციალურ ქსელში. დღესასწაულზე საქართველოს ყველა რეგიონი მუზეუმის ტერიტორიაზე თავისი კუთხის ანსამბლების მონაწილეობით გამართავს ფოლკლორულ კონცერტებს, პერფორმანსებს, წარმოადგენს სამზარეულოს, ღვინის კუთხეებს, ჩაატარებს ქართული ტრადიციული რეწვის მასტერ-კლასებს. გარდა ამისა, დაგეგმილია გალა-კონცერტი, რომელშიც მონაწილეობას მიიღებენ ეროვნული ბალეტი „ფოცხიშვილი", ანსამბლები „დიდგორი" და „მართვე". ღონისძიებებზე დასწრება თავისუფალია. მუზეუმში მისვლის მსურველებს კუს ტბის ასახვევიდან მუზეუმის მიკროავტობუსი მოემსახურება. რაც შეეხება რეგიონებს, ღონისძიებები ჩატარდება სვანეთში, შიდა ქართლში, მცხეთა-მთიანეთში, აჭარაში, სამეგრელოში, გურიაში, ქვემო ქართლსა და იმერეთში. კახა კალაძე: მობრძანდით ყველამ და ერთად ვიზეიმოთ „თბილისობა 2023“>>>ღონისძიებების სტუმრებს შესაძლებლობა ექნებათ დაესწრონ ეთნოგრაფიულ პერფორმანსებს, რეგიონისთვის დამახასიათებელი კერძების პრეზენტაციებს, სხვადასხვა გამოფენებს, ადგილობრივი ანსამბლების კონცერტებს, მასტერ-კლასებს და სხვ. 2018 წლიდან „თბილისობა" ოქტომბრის პირველ შაბათ-კვირას იმართებოდა და არა თვის ბოლოს, როგორც ეს ადრე იყო მიღებული. ბოლო დროს ქალაქის დღესასწაულის აღნიშვნა მხოლოდ ორჯერ გადაიდო – 2020 წელს კოვიდ-პანდემიის გამო და 2021 წელს – ბათუმში მომხდარი ტრაგედიის გამო, როდესაც საცხოვრებელი კორპუსის ჩამონგრევას მსხვერპლი მოჰყვა. 2021 წელს მხოლოდ „საპატიო თბილისელების" დაჯილდოების ცერემონია გაიმართა. პირველად „თბილისობის" დღესასწაული 1979 წლის ოქტომბერში ჩატარდა. რთული სოციალურ-ეკონომიკური ვითარების გამო 1989 წლიდან 1994 წლამდე ეს დღესასწაული არ იმართებოდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, თბილისობა 2023, საზოგადოება, კულტურა საქართველოში, ახალი ამბები, თბილისი დღეს
საქართველო, თბილისობა 2023, საზოგადოება, კულტურა საქართველოში, ახალი ამბები, თბილისი დღეს
ეთნოგრაფიული მუზეუმი „თბილისობის" დღესასწაულს მასშტაბურად აღნიშნავს
12:00 29.09.2023 (განახლებულია: 15:34 26.10.2023) „თბილისობის" დღესასწაული პირველად 1979 წლის ოქტომბერში ჩატარდა.
თბილისი, 29 სექტემბერი — Sputnik. გიორგი ჩიტაიას სახელობის ეთნოგრაფიული მუზეუმი 30 სექტემბერს და 1 ოქტომბერს „თბილისობას" მრავალფეროვანი პროგრამით აღნიშნავს – მუზეუმი მრავალი ღონისძიების გამართვას გეგმავს ქვეყნის რეგიონებში, ნათქვამია მუზეუმის გვერდზე სოციალურ ქსელში.
დღესასწაულზე საქართველოს ყველა რეგიონი მუზეუმის ტერიტორიაზე თავისი კუთხის ანსამბლების მონაწილეობით გამართავს ფოლკლორულ კონცერტებს, პერფორმანსებს, წარმოადგენს სამზარეულოს, ღვინის კუთხეებს, ჩაატარებს ქართული ტრადიციული რეწვის მასტერ-კლასებს. გარდა ამისა, დაგეგმილია გალა-კონცერტი, რომელშიც მონაწილეობას მიიღებენ ეროვნული ბალეტი „ფოცხიშვილი", ანსამბლები „დიდგორი" და „მართვე".
ღონისძიებებზე დასწრება თავისუფალია. მუზეუმში მისვლის მსურველებს კუს ტბის ასახვევიდან მუზეუმის მიკროავტობუსი მოემსახურება.
რაც შეეხება რეგიონებს, ღონისძიებები ჩატარდება სვანეთში, შიდა ქართლში, მცხეთა-მთიანეთში, აჭარაში, სამეგრელოში, გურიაში, ქვემო ქართლსა და იმერეთში.
ღონისძიებების სტუმრებს შესაძლებლობა ექნებათ დაესწრონ ეთნოგრაფიულ პერფორმანსებს, რეგიონისთვის დამახასიათებელი კერძების პრეზენტაციებს, სხვადასხვა გამოფენებს, ადგილობრივი ანსამბლების კონცერტებს, მასტერ-კლასებს და სხვ.
2018 წლიდან „თბილისობა" ოქტომბრის პირველ შაბათ-კვირას იმართებოდა და არა თვის ბოლოს, როგორც ეს ადრე იყო მიღებული. ბოლო დროს ქალაქის დღესასწაულის აღნიშვნა მხოლოდ ორჯერ გადაიდო – 2020 წელს კოვიდ-პანდემიის გამო და 2021 წელს – ბათუმში მომხდარი ტრაგედიის გამო, როდესაც საცხოვრებელი კორპუსის ჩამონგრევას მსხვერპლი მოჰყვა. 2021 წელს მხოლოდ „საპატიო თბილისელების" დაჯილდოების ცერემონია გაიმართა.
პირველად „თბილისობის" დღესასწაული 1979 წლის ოქტომბერში ჩატარდა. რთული სოციალურ-ეკონომიკური ვითარების გამო 1989 წლიდან 1994 წლამდე ეს დღესასწაული არ იმართებოდა.
