https://sputnik-georgia.com/20230927/uefam-rusi-iuniorebi-saertasoriso-turnirebze-dausva-282711583.html
გარკვეული პირობებით: უეფამ რუსი იუნიორები საერთაშორისო შეჯიბრებაზე დაუშვა
გარკვეული პირობებით: უეფამ რუსი იუნიორები საერთაშორისო შეჯიბრებაზე დაუშვა
Sputnik საქართველო
თბილისი, 27 სექტემბერი — Sputnik. ევროპის საფეხბურთო ასოციაციების კავშირის (UEFA) აღმასრულებელმა კომიტეტმა რუსეთის იუნიორთა ნაკრებებს, რომლებიც 17 წლამდე... 27.09.2023-ს, Sputnik საქართველო
2023-09-27T13:24+0400
2023-09-27T13:24+0400
2023-09-27T16:50+0400
მსოფლიო დღეს
მსოფლიოს ახალი ამბები
ახალი ამბები
უეფა
რუსეთ-უკრაინის კონფლიქტი
სპორტი
პოლიტიკა
https://cdnn1.img.sputnik-georgia.com/img/07e6/07/07/268307784_0:196:2668:1697_1920x0_80_0_0_a001fea0a6bce53b138bb10578a27bf3.jpg
თბილისი, 27 სექტემბერი — Sputnik. ევროპის საფეხბურთო ასოციაციების კავშირის (UEFA) აღმასრულებელმა კომიტეტმა რუსეთის იუნიორთა ნაკრებებს, რომლებიც 17 წლამდე ასაკის სპორტსმენებისგან იქნება შემდგარი, საერთაშორისო შეჯიბრებებში მონაწილეობის უფლება მისცა — ქვეყნის დროშის, ჰიმნისა და ეროვნული სათამაშო ფორმის გამოყენების გარეშე.უეფაში აზუსტებენ, რომ საფეხბურთო მატჩები რუსი ახალგაზრდა სპორტსმენების მონაწილეობით რუსეთის ტერიტორიაზე არ გაიმართება.ამასთან აღინიშნება, რომ დანარჩენი რუსული საფეხბურთო გუნდების — როგორც ნაკრებების, ისე კლუბების დისკვალიფიკაცია ძალაში რჩება.უეფას ამ გადაწყვეტილების პასუხად ინგლისის საფეხბურთო ასოციაციამ განაცხადა, რომ მისი იუნიორთა ნაკრებები უარს იტყვიან რუს თანატოლებთან თამაშზე.რუსი სპორტსმენები საერთაშორისო შეჯიბრებს უკრაინის მოვლენების გამო ჩამოაშორეს. კერძოდ, ფეხბურთის საერთაშორისო ფედერაციამ (FIFA) და უეფამ 2022 წლის თებერვალში გაავრცელეს ერთობლივი განცხადება, რომლის თანახმად, რუსეთის საფეხბურთო გუნდებს — კლუბებსა და ნაკრებებს საერთაშორისო ტურნირებში მონაწილეობა ეკრძალებათ უკრაინაში საომარი მოქმედებების დასრულებამდე.მიმდინარე წლის მარტში საერთაშორისო ოლიმპიურმა კომიტეტმა თავის ღონისძიებებში რუსი სპორტსმენების ნეიტრალური სტატუსით დაშვების რეკომენდაცია გასცა, თუ ისინი უკრაინასთან კონფლიქტს არ დაუჭერდნენ მხარს და ამასთან არმიასთან კავშირი არ ექნებოდათ. ამ გადაწყვეტილებამ მწვავე კრიტიკა გამოიწვია როგორ უკრაინაში, ისე სხვა ქვეყნებში. 30-ზე მეტმა სახელმწიფომ განაცხადა, რომ რუს სპორტსმენებს არავითარ შემთხვევაში არ უნდა მიეცეთ საერთაშორისო შეჯიბრებებში მონაწილეობის უფლება.
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
მსოფლიოს ახალი ამბები, ახალი ამბები, უეფა, რუსეთ-უკრაინის კონფლიქტი, სპორტი, პოლიტიკა
მსოფლიოს ახალი ამბები, ახალი ამბები, უეფა, რუსეთ-უკრაინის კონფლიქტი, სპორტი, პოლიტიკა
თბილისი, 27 სექტემბერი — Sputnik. ევროპის საფეხბურთო ასოციაციების კავშირის (UEFA) აღმასრულებელმა კომიტეტმა რუსეთის იუნიორთა ნაკრებებს, რომლებიც 17 წლამდე ასაკის სპორტსმენებისგან იქნება შემდგარი, საერთაშორისო შეჯიბრებებში მონაწილეობის უფლება მისცა — ქვეყნის დროშის, ჰიმნისა და ეროვნული სათამაშო ფორმის გამოყენების გარეშე.
უეფაში აზუსტებენ, რომ საფეხბურთო მატჩები რუსი ახალგაზრდა სპორტსმენების მონაწილეობით რუსეთის ტერიტორიაზე არ გაიმართება.
ამასთან აღინიშნება, რომ დანარჩენი რუსული საფეხბურთო გუნდების — როგორც ნაკრებების, ისე კლუბების დისკვალიფიკაცია ძალაში რჩება.
უეფას ამ გადაწყვეტილების პასუხად ინგლისის საფეხბურთო ასოციაციამ განაცხადა, რომ მისი იუნიორთა ნაკრებები უარს იტყვიან რუს თანატოლებთან თამაშზე.
რუსი სპორტსმენები საერთაშორისო შეჯიბრებს უკრაინის მოვლენების გამო ჩამოაშორეს. კერძოდ, ფეხბურთის საერთაშორისო ფედერაციამ (FIFA) და უეფამ 2022 წლის თებერვალში გაავრცელეს ერთობლივი განცხადება, რომლის თანახმად, რუსეთის საფეხბურთო გუნდებს — კლუბებსა და ნაკრებებს საერთაშორისო ტურნირებში მონაწილეობა ეკრძალებათ უკრაინაში საომარი მოქმედებების დასრულებამდე.
მიმდინარე წლის მარტში საერთაშორისო ოლიმპიურმა კომიტეტმა თავის ღონისძიებებში რუსი სპორტსმენების ნეიტრალური სტატუსით დაშვების რეკომენდაცია გასცა, თუ ისინი უკრაინასთან კონფლიქტს არ დაუჭერდნენ მხარს და ამასთან არმიასთან კავშირი არ ექნებოდათ. ამ გადაწყვეტილებამ მწვავე კრიტიკა გამოიწვია როგორ უკრაინაში, ისე სხვა ქვეყნებში. 30-ზე მეტმა სახელმწიფომ განაცხადა, რომ რუს სპორტსმენებს არავითარ შემთხვევაში არ უნდა მიეცეთ საერთაშორისო შეჯიბრებებში მონაწილეობის უფლება.
