https://sputnik-georgia.com/20230925/mateo-mesina-denaro-klinikasi-gardaicvala-282614339.html
გარდაიცვალა სიცილიური მაფიის ბოსი, რომელიც 30-წლიანი ძებნის შემდეგ დააკავეს
გარდაიცვალა სიცილიური მაფიის ბოსი, რომელიც 30-წლიანი ძებნის შემდეგ დააკავეს
Sputnik საქართველო
იტალიის პრემიერ-მინისტრმა მატეო დენაროს დაკავებას „სახელმწიფოს დიდი გამარჯვება“ უწოდა. 25.09.2023-ს, Sputnik საქართველო
2023-09-25T15:51+0400
2023-09-25T15:51+0400
2023-09-25T20:20+0400
მსოფლიოს ახალი ამბები
ახალი ამბები
იტალია
https://cdnn1.img.sputnik-georgia.com/img/07e5/06/18/252111218_0:0:2993:1683_1920x0_80_0_0_3deea379160a9fc09eb60ca59f536871.jpg
თბილისი, 25 სექტემბერი — Sputnik. იტალიის ლ'აკუილას საავადმყოფოში სიცილიური მაფიის ბოსი მატეო მესინა დენარო გარდაიცვალა, რომელიც მიმდინარე წლის იანვარში დააპატიმრეს, იუწყება ANSA.ექიმებმა დენაროს ტვინის სიკვდილი 22 სექტემბერს დააფიქსირეს. მაფიის ბოსს მსხვილი ნაწლავის კიბოს ტერმინალური სტადია ჰქონდა.როგორც სააგენტო იტყობინება, ბოლო ოპერაციის შემდეგ დენაროს ტკივილგამაყუჩებელი თერაპიით მკურნალობდნენ და დამამშვიდებლებს უკეთებდნენ. კომაში ჩავარდნის წინ დენარო ოჯახის წევრებმა მოინახულეს.იტალიის ხელისუფლებამ მაფიის ბოსი მატეო მესინა დენარო, რომელიც 30 წლის განმავლობაში ემალებოდა მართლმსაჯულებას, 2023 წლის იანვრის შუა რიცხვებში დააკავა.როგორც მედია იუწყებოდა, დენაროს პოვნაში სამართალდამცველებს ის ფაქტი უშლიდა ხელს, რომ მათ არ იცოდნენ, როგორ გამოიყურებოდა იგი.გავრცელებული ინფორმაციით, დენარო, რომელსაც პოლიცია 1993 წლიდან ეძებდა, პალერმოს ერთ-ერთ კერძო კლინიკაში აიყვანეს, სადაც ის რეგულარულად დადიოდა გამოკვლევებზე. სამართალდამცველებმა შეიტყვეს, რომ 60 წლის დენაროს ჯანმრთელობის სერიოზული პრობლემები ჰქონდა და კლინიკაში მისი შემდგომი ვიზიტის თარიღის დადგენაც შეძლეს. იმისათვის, რომ დაკავების ოპერაციისას ჩვეულებრივი პაციენტები არ დაზიანებულიყვნენ, პოლიციამ კლინიკაში რამდენიმე ათეული ფარული თანამშრომელი განათავსა, თუმცა დაკავებისას დენაროს წინააღმდეგობა არ გაუწევია.მანამდე მატეო მესინა დენაროს უკვე ჰქონდა შეფარდებული მუდმივი პატიმრობა სიცილიაზე, რომში, მილანსა და ფლორენციაში მკვლელობებისა და ტერაქტების ორგანიზებისთვის, რასაც მაფია ხშირად მიმართავდა ხოლმე ხელისუფლების დაშინების მიზნით. 2020 წელს სიცილიის ქალაქ კლატანისეტის სასამართლომ დენარო 1992 წელს ორი მოსამართლის — ჯოვანი ფალკონესა და პაოლო ბორსელინოს მკვლელობების ორგანიზებაში დაადანაშაულა.გამოძიება ვარაუდობდა, რომ დენარო სიცილიურ მაფიას 2007 წელს ჩაუდგა სათავეში — მას შემდეგ, რაც „კოზა ნოსტრას“ წინა ბოსი სალვატორ ლო პიკოლო დააპატიმრეს. მაგრამ მისი გარემოცვის წევრები, რომლებსაც პოლიცია წლების განმავლობაში აკავებდა, უარყოფდნენ ამ ფაქტს. მათი თქმით, დენარო ტრაპანის კლანის წარმომადგენელია, ხოლო „ნათლიები“ ტრადიციულად კორლეონედან არიან.იტალიის პრემიერ-მინისტრმა ჯორჯა მელონიმ დენაროს დაკავებას „სახელმწიფოს დიდი გამარჯვება“ უწოდა.
იტალია
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მსოფლიოს ახალი ამბები, ახალი ამბები, იტალია
მსოფლიოს ახალი ამბები, ახალი ამბები, იტალია
გარდაიცვალა სიცილიური მაფიის ბოსი, რომელიც 30-წლიანი ძებნის შემდეგ დააკავეს
15:51 25.09.2023 (განახლებულია: 20:20 25.09.2023) იტალიის პრემიერ-მინისტრმა მატეო დენაროს დაკავებას „სახელმწიფოს დიდი გამარჯვება“ უწოდა.
თბილისი, 25 სექტემბერი — Sputnik. იტალიის ლ'აკუილას საავადმყოფოში სიცილიური მაფიის ბოსი მატეო მესინა დენარო გარდაიცვალა, რომელიც მიმდინარე წლის იანვარში დააპატიმრეს, იუწყება ANSA.
ექიმებმა დენაროს ტვინის სიკვდილი 22 სექტემბერს დააფიქსირეს. მაფიის ბოსს მსხვილი ნაწლავის კიბოს ტერმინალური სტადია ჰქონდა.
როგორც სააგენტო იტყობინება, ბოლო ოპერაციის შემდეგ დენაროს ტკივილგამაყუჩებელი თერაპიით მკურნალობდნენ და დამამშვიდებლებს უკეთებდნენ. კომაში ჩავარდნის წინ დენარო ოჯახის წევრებმა მოინახულეს.
იტალიის ხელისუფლებამ მაფიის ბოსი მატეო მესინა დენარო, რომელიც 30 წლის განმავლობაში ემალებოდა მართლმსაჯულებას, 2023 წლის იანვრის შუა რიცხვებში დააკავა.
როგორც მედია იუწყებოდა, დენაროს პოვნაში სამართალდამცველებს ის ფაქტი უშლიდა ხელს, რომ მათ არ იცოდნენ, როგორ გამოიყურებოდა იგი.
გავრცელებული ინფორმაციით, დენარო, რომელსაც პოლიცია 1993 წლიდან ეძებდა, პალერმოს ერთ-ერთ კერძო კლინიკაში აიყვანეს, სადაც ის რეგულარულად დადიოდა გამოკვლევებზე. სამართალდამცველებმა შეიტყვეს, რომ 60 წლის დენაროს ჯანმრთელობის სერიოზული პრობლემები ჰქონდა და კლინიკაში მისი შემდგომი ვიზიტის თარიღის დადგენაც შეძლეს. იმისათვის, რომ დაკავების ოპერაციისას ჩვეულებრივი პაციენტები არ დაზიანებულიყვნენ, პოლიციამ კლინიკაში რამდენიმე ათეული ფარული თანამშრომელი განათავსა, თუმცა დაკავებისას დენაროს წინააღმდეგობა არ გაუწევია.
მანამდე მატეო მესინა დენაროს უკვე ჰქონდა შეფარდებული მუდმივი პატიმრობა სიცილიაზე, რომში, მილანსა და ფლორენციაში მკვლელობებისა და ტერაქტების ორგანიზებისთვის, რასაც მაფია ხშირად მიმართავდა ხოლმე ხელისუფლების დაშინების მიზნით. 2020 წელს სიცილიის ქალაქ კლატანისეტის სასამართლომ დენარო 1992 წელს ორი მოსამართლის — ჯოვანი ფალკონესა და პაოლო ბორსელინოს მკვლელობების ორგანიზებაში დაადანაშაულა.
გამოძიება ვარაუდობდა, რომ დენარო სიცილიურ მაფიას 2007 წელს ჩაუდგა სათავეში — მას შემდეგ, რაც „კოზა ნოსტრას“ წინა ბოსი სალვატორ ლო პიკოლო დააპატიმრეს. მაგრამ მისი გარემოცვის წევრები, რომლებსაც პოლიცია წლების განმავლობაში აკავებდა, უარყოფდნენ ამ ფაქტს. მათი თქმით, დენარო ტრაპანის კლანის წარმომადგენელია, ხოლო „ნათლიები“ ტრადიციულად კორლეონედან არიან.
იტალიის პრემიერ-მინისტრმა ჯორჯა მელონიმ დენაროს დაკავებას „სახელმწიფოს დიდი გამარჯვება“ უწოდა.
