ლიფტში მოკლა და ცეცხლი წაუკიდა: თბილისში მამაკაცს 19 წლით პატიმრობა შეუფარდეს

© photo: Sputnik / Stringerპენიტენციური დაწესებულება
პენიტენციური დაწესებულება - Sputnik საქართველო, 1920, 22.09.2023
გამოწერა
ბრალდების მხარემ დაკავებულის ბრალეულობის დამტკიცება შეძლო.
თბილისი, 22 სექტემბერი — Sputnik. თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და თბილისში დამამძიმებელ გარემოებებში ჩადენილი განზრახ მკვლელობისთვის ბრალდებულ პირს 19 წლით პატიმრობა შეუფარდა.
პროკურატურის ინფორმაციით, სასამართლო პროცესზე გამოკვლეული მტკიცებულებებით დადასტურდა, რომ 2023 წლის 22 მარტს თბილისში, მუხიანის დასახლებაში ერთ-ერთი კორპუსის ლიფტში ბრალდებულმა ურთიერთშელაპარაკების ნიადაგზე დაზარალებულს დანით სხეულის სხვადასხვა არეში მრავლობითი ჭრილობები მიაყენა, შემდეგ ბენზინი გადაასხა და ცეცხლი წაუკიდა. მიყენებული დაზიანებების შედეგად დაზარალებული ადგილზე გარდაიცვალა.
სამართალდამცველებმა ბრალდებული „ცხელ კვალზე" დააკავეს. მას ბრალდება სსკ-ის 109-ე მუხლის „მ“ ქვეპუნქტით (განზრახ მკვლელობა, ჩადენილი განსაკუთრებული სისასტიკით) წარედგინა.
ყველა ახალი ამბავი
0