https://sputnik-georgia.com/20230922/----------282556978.html
საგარეო საქმეთა მინისტრი გაეროს გენასამბლეაზე სიტყვით გამოვიდა: რაზე ისაუბრა დარჩიაშვილმა?
საგარეო საქმეთა მინისტრი გაეროს გენასამბლეაზე სიტყვით გამოვიდა: რაზე ისაუბრა დარჩიაშვილმა?
Sputnik საქართველო
მინისტრმა ხაზგასმით ისაუბრა გაეროს ფუნდამენტური ღირებულებების დაცვის აუცილებლობაზე. 22.09.2023-ს, Sputnik საქართველო
2023-09-22T17:42+0400
2023-09-22T17:42+0400
2023-09-22T20:36+0400
საქართველო
გაერო
პოლიტიკა საქართველოში
პოლიტიკა
საქართველოს საგარეო საქმეთა სამინისტრო
ახალი ამბები
https://cdnn1.img.sputnik-georgia.com/img/07e7/06/1b/279001444_0:0:3072:1728_1920x0_80_0_0_bf78fcc8372fb75dabb1d691d5fc1492.jpg
თბილისი, 22 სექტემბერი — Sputnik. მშვიდობა და უსაფრთხოება არის ადამიანის უფლებების წინსვლისა და მდგრადი განვითარების მიღწევის წინაპირობა, განაცხადა საქართველოს საგარეო საქმეთა მინისტრმა ილია დარჩიაშვილმა გაეროში სიტყვით გამოსვლისას. საქართველოს საგარეო უწყების ხელმძღვანელი ილია დარჩიაშვილი ნიუ-იორკში გაეროს გენერალური ასამბლეის 78-ე სესიის ფარგლებში „მომავლის სამიტის" (Summit of the Future) მოსამზადებელ მინისტერიალზე სიტყვით გამოვიდა. ქვეყნის პირველმა დიპლომატმა მსოფლიოში არსებული გამოწვევების ფონზე აღნიშნული მინისტერიალის გამართვის მნიშვნელობა ხაზგასმით აღნიშნა. მინისტრმა ყურადღება გაამახვილა გაეროს ფუნდამენტური ღირებულებების დაცვის აუცილებლობაზე და აღნიშნა „მომავლის სამიტის" დეკლარაციის მიღების აუცილებლობა, რომელმაც ხელი უნდა შეუწყოს ქვეყნებს შორის კონსენსუსის მიღწევას და გააძლიეროს მულტილატერალიზმი. უსაფრთხოება და ევროკავშირის წევრობის შანსები - პრემიერის მოლაპარაკებები ნიუ-იორკში>>>როგორც დარჩიაშვილმა აღნიშნა, სამიტის დეკლარაციამ უნდა დაგმოს საერთაშორისო სამართლის, ასევე გაეროს წესდების სერიოზული დარღვევები და მასში ხაზგასმულ იქნას აღნიშნულ დარღვევებზე პასუხისმგებლობის დაცვისა და გაძლიერების მნიშვნელობა. ამასთან, სიტყვით გამოსვლისას მინისტრმა 2030 წლის მდგრადი განვითარების მიზნების სრულად განხორციელებისადმი საქართველოს მზადყოფნა დააფიქსირა და კიდევ ერთხელ აღნიშნა დეკლარაციაში მდგრადი განვითარების სამივე განზომილების თანაბრად ჩართვის მნიშვნელობა. დიპლომატმა სიტყვით გამოსვლისას კლიმატის ცვლილების გადაჭრის აუცილებლობაზეც გაამახვილა ყურადღება. საგარეო უწყების ხელმძღვანელმა აღნიშნა, რომ დეკლარაციის შემუშავებისკენ მიმავალ გზაზე საქართველო აქტიურად იმუშავებს პარტნიორებთან ერთად.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, გაერო, პოლიტიკა საქართველოში, პოლიტიკა, საქართველოს საგარეო საქმეთა სამინისტრო , ახალი ამბები
საქართველო, გაერო, პოლიტიკა საქართველოში, პოლიტიკა, საქართველოს საგარეო საქმეთა სამინისტრო , ახალი ამბები
საგარეო საქმეთა მინისტრი გაეროს გენასამბლეაზე სიტყვით გამოვიდა: რაზე ისაუბრა დარჩიაშვილმა?
17:42 22.09.2023 (განახლებულია: 20:36 22.09.2023) მინისტრმა ხაზგასმით ისაუბრა გაეროს ფუნდამენტური ღირებულებების დაცვის აუცილებლობაზე.
თბილისი, 22 სექტემბერი — Sputnik. მშვიდობა და უსაფრთხოება არის ადამიანის უფლებების წინსვლისა და მდგრადი განვითარების მიღწევის წინაპირობა, განაცხადა საქართველოს საგარეო საქმეთა მინისტრმა ილია დარჩიაშვილმა გაეროში სიტყვით გამოსვლისას.
საქართველოს საგარეო უწყების ხელმძღვანელი ილია დარჩიაშვილი ნიუ-იორკში გაეროს გენერალური ასამბლეის 78-ე სესიის ფარგლებში „მომავლის სამიტის" (Summit of the Future) მოსამზადებელ მინისტერიალზე სიტყვით გამოვიდა. ქვეყნის პირველმა დიპლომატმა მსოფლიოში არსებული გამოწვევების ფონზე აღნიშნული მინისტერიალის გამართვის მნიშვნელობა ხაზგასმით აღნიშნა.
„მშვიდობა და უსაფრთხოება არის ადამიანის უფლებების წინსვლისა და მდგრადი განვითარების მიღწევის წინაპირობა. მსოფლიოში არსებული კონფლიქტების ფონზე იმედი გვაქვს, რომ მომავლის სამიტი ხელს შეუწყობს გლობალურ მშვიდობასა და უსაფრთხოებას", – განაცხადა ილია დარჩიაშვილმა.
მინისტრმა ყურადღება გაამახვილა გაეროს ფუნდამენტური ღირებულებების დაცვის აუცილებლობაზე და აღნიშნა „მომავლის სამიტის" დეკლარაციის მიღების აუცილებლობა, რომელმაც ხელი უნდა შეუწყოს ქვეყნებს შორის კონსენსუსის მიღწევას და გააძლიეროს მულტილატერალიზმი.
როგორც დარჩიაშვილმა აღნიშნა, სამიტის დეკლარაციამ უნდა დაგმოს საერთაშორისო სამართლის, ასევე გაეროს წესდების სერიოზული დარღვევები და მასში ხაზგასმულ იქნას აღნიშნულ დარღვევებზე პასუხისმგებლობის დაცვისა და გაძლიერების მნიშვნელობა.
ამასთან, სიტყვით გამოსვლისას მინისტრმა 2030 წლის მდგრადი განვითარების მიზნების სრულად განხორციელებისადმი საქართველოს მზადყოფნა დააფიქსირა და კიდევ ერთხელ აღნიშნა დეკლარაციაში მდგრადი განვითარების სამივე განზომილების თანაბრად ჩართვის მნიშვნელობა.
დიპლომატმა სიტყვით გამოსვლისას კლიმატის ცვლილების გადაჭრის აუცილებლობაზეც გაამახვილა ყურადღება.
საგარეო უწყების ხელმძღვანელმა აღნიშნა, რომ დეკლარაციის შემუშავებისკენ მიმავალ გზაზე საქართველო აქტიურად იმუშავებს პარტნიორებთან ერთად.
