ვან გოგის ნახატი იპოვეს! 3 წლის წინ მოპარული შედევრი მუზეუმში დაბრუნდა
17:42 12.09.2023 (განახლებულია: 21:52 12.09.2023)
© photo: Sputnik / Vladimir Vyatkin
გამოწერა
თბილისი, 12 სექტემბერი — Sputnik. ნიდერლანდში იპოვეს ვინსენტ ვან გოგის ნახატი, რომელიც 2020 წელს მოიპარეს COVID-19-ის პანდემიის გამო გამოცხადებული კარანტინის დროს, იუწყება გრონინგენის მუზეუმი, რომელსაც ეკუთვნის სწორედ ეს ტილო.
Vincent van Gogh is back! In close coordination with Dutch Police I was able to recover Van Goghs 'Spring Garden' (1884). The painting was stolen 3 years ago on Van Goghs birthday from the Singer Museum in Laren, the Netherlands. A great day for all Van Gogh lovers worldwide...… pic.twitter.com/7Fh0s0AOUr
— Arthur Brand (art detective) (@brand_arthur) September 12, 2023
როგორც ირკვევა, ვან გოგის შედევრთან დაკავშირებულ მთელ პროცესში ძალიან დიდი როლი შეასრულა ცნობილმა ნიდერლანდელმა არტ-დეტექტივმა არტურ ბრანდმა.
„ვინსენტ ვან გოგი დაბრუნდა! ნიდერლანდის პოლიციასთან მჭიდრო თანამშრომლობით ვან გოგის „გაზაფხულის ბაღის“ (1884 წ.) დაბრუნება შევძელი. სურათი 3 წლის წინ მოიპარეს, ზუსტად ვან გოგის დაბადების დღეს. მშვენიერი დღეა ვან გოგის ყველა მოყვარულისთვის მთელ მსოფლიოში“, — ნათქვამია დეტექტივ ბრანდის X-აკაუნტზე.
გავრცელებული ცნობით, ნახატი მცირედ დაზიანებულია, თუმცა, ერთი შეხედვით, კარგ მდგომარეობაშია.
ამ დროისათვის „გაზაფხულის ბაღი“ ამსტერდამის მუზეუმშია, საიდანაც მშობლიურ მუზეუმში გადატანას რამდენიმე კვირა ან თვეც კი დასჭირდება.
