თბილისის მერია: თამარაშვილის ქუჩა გადაიკეტება

© photo: Sputnik / Stringerთბილისის მერიის შენობა
თბილისის მერიის შენობა - Sputnik საქართველო, 1920, 08.09.2023
გამოწერა
НовостиTelegram
თბილისი, 8 სექტემბერი – Sputnik. თამარაშვილის ქუჩა, რომელიც ვაკისა და საბურთალოს რაიონებს აკავშირებს, ორი დღის მანძილზე რამდენიმე საათით გადაიკეტება, ნათქვამია თბილისის მერიის განცხადებაში.
უწყების ცნობით, აღნიშნულ მონაკვეთზე ტრანსპორტის მოძრაობა აიკრძალება კლდოვანი ფერდობის გაწმენდისა და გამაგრების სამუშაოების პერიოდში, 9-10 სექტემბერს, 05:00-დან 10:00 საათამდე პერიოდში.
მოძრაობა შეიზღუდება თამარაშვილის ქუჩაზე, უნივერსიტეტის ქუჩის კვეთიდან გიორგი წერეთლის ქუჩის კვეთამდე არსებულ მონაკვეთში.
დედაქალაქის მერიის ინფორმაციით, ვაჟა-ფშაველასა და ალექსანდრე ყაზბეგის გამზირებიდან, ასევე უნივერსიტეტის ქუჩიდან ილია ჭავჭავაძის გამზირისა და ბაგების მიმართულებით მიმავალი სატრანსპორტო საშუალებები გადაადგილებას შეძლებენ ვლადიმერ და არჩილ ასათიანების ქუჩის გამოყენებით, ვერეს ხეობის მიმართულებით, ზურაბ ავალიშვილის ქუჩის გავლით.
დროის აღნიშნულ მონაკვეთში შეიცვლება საზოგადოებრივი ტრანსპორტის მარშრუტებიც. კერძოდ, N531 მიკროავტობუსი და ავტობუსები: N301, N311, N334, N358, N383, N387, N388, N397 უნივერსიტეტის ქუჩიდან ქაქუცა ჩოლოყაშვილის, შემდეგ კი ჭაბუა ამირეჯიბის გზატკეცილისკენ გადაადგილდებიან, გაივლიან ავალიშვილის ქუჩას, საიდანაც ჭავჭავაძის გამზირზე მოხვდებიან.
ყველა ახალი ამბავი
0