„არა გადამწყვეტი, მაგრამ მნიშვნელოვანი" - ვილი სანიოლი ესპანეთთან მოახლოებულ მატჩზე

© photo: Sputnik / Stringerვილი სანიოლი
ვილი სანიოლი - Sputnik საქართველო, 1920, 08.09.2023
გამოწერა
НовостиTelegram
საქართველოში ამ შეხვედრაზე დიდ იმედებს ამყარებენ, აღნიშნა ნაკრების მწვრთნელმა.
თბილისი, 8 სექტემბერი — Sputnik. ევროპის 2024 წლის ჩემპიონატის შესარჩევი ტურნირის მეხუთე ტურის ფარგლებში საქართველოს ფეხბურთის ეროვნულ ნაკრებს ესპანეთის გუნდთან ჯერ კიდევ არა გადამწყვეტი, მაგრამ ძალზე მნიშვნელოვანი მატჩი ექნება, განაცხადა ნაკრების მთავარმა მწვრთნელმა ვილი სანიოლმა პრესკონფერენციაზე.
საქართველო და ესპანეთი ევრო-2024 წლის საკვალიფიკაციო ეტაპის ფარგლებში პარასკევს, 8 სექტემბერს ითამაშებენ. მეხუთე ტურის წინ საქართველოს ნაკრებს ოთხი ქულა აქვს სამი ჩატარებული შეხვედრის შემდეგ, რამაც მას ჯგუფში მეორე ადგილის დაკავების საშუალება მისცა. ესპანეთის გუნდი მხოლოდ ორი ჩატარებული მატჩის შემდეგ სამი ქულით მეოთხე ადგილზეა. ჯგუფში შოტლანდია ოთხ მატჩში ოთხი მოგებით პირველ ადგილზეა.

„ჩვენ საკვალიფიკაციო ეტაპის მეოთხე მატჩს ვითამაშებთ და იგი, რა თქმა უნდა, გადამწყვეტი არა, მაგრამ მნიშვნელოვანია. ვიცით, რომ საქართველოში ამ შეხვედრაზე დიდ იმედებს ამყარებენ“, – განაცხადა სანიოლმა.

მისი თქმით, ესპანეთი მსოფლიოში ერთ-ერთი საუკეთესო გუნდია და ასეთ გიგანტთან შეხვედრისას მნიშვნელოვანია, რომ მოთამაშეებმა შეასრულონ ის ამოცანები, რასაც მწვრთნელი მათ წინაშე აყენებს.
მატჩი თბილისის დროით 20:00 საათზე დაიწყება. თამაშზე დასასწრები ყველა ბილეთი რამდენიმე დღეში გაიყიდა. ოთხი დღის შემდეგ, 12 სექტემბერს საქართველო ოსლოში ნორვეგიის ნაკრებს დაუპირისპირდება.
საქართველოს ნაკრებმა ევრო 2024-ის შესარჩევ ტურნირზე 4 ქულა დააგროვა, ქართველებმა მოუგეს კვიპროსს (2:1), დაუზავდნენ ნორვეგიას (1:1) და წააგეს შოტლანდიასთან (0:2).
ყველა ახალი ამბავი
0