ლავროვი: რუსეთს დოლარის დასამარება არ სურს

© Ministry of Foreign Affairs of Russia / გადასვლა მედიაბანკში
  - Sputnik საქართველო, 1920, 01.09.2023
გამოწერა
НовостиTelegram
თბილისი, 1 სექტემბერი — Sputnik. დოლარის დასამარება რუსეთს კი არ სურს, არამედ თავად შეერთებულმა შტატებმა შეწყვიტა მისი როლის უზუნველყოფა, განაცხადა რუსეთის საგარეო საქმეთა მინისტრმა სერგეი ლავროვმა.

„ჩვენს ხაზს არც შეერთებული შტატების წინააღმდეგ ვაგებთ და არც დასავლეთისა. პრეზიდენტმა ისიც თქვა, რომ ჩვენ არ გვინდა დოლარის დასამარება. ეს თავად ამერიკის შეერთებული შტატები აღარ უზრუნველყოფს დოლარის როლს, რომელიც ყველასთვის მისაღები იყო. აი, ეს არის პრობლემა", — თქვა ლავროვმა სტუდენტებთან შეხვედრაზე, რომელიც ცოდნის დღეს მიეძღვნა.

მისი თქმით, ამჟამად არცერთი „სარეზერვო ვალუტა“ — არც ევრო, არც იენა და არც თავად დოლარი არ არის საიმედო.

„თუ არ ვცდები, გასულ წელს ევრაზიის ეკონომიკური კავშირის ქვეყნებს შორის ურთიერთვაჭრობისა და ანგარიშსწორების 76% უკვე არა დოლარებში, არამედ, პირველ რიგში, ეროვნულ და მეგობრულ ვალუტებში ხორციელდებოდა. წელს კი 90%-ია მოსალოდნელი. ამიტომ ევრაზიული კავშირის შექმნისას დედოლარიზაციის პროცესი არ დასახულა“, — განმარტა ლავროვმა.

რუსი მინისტრის თქმით, რუსეთი იძულებული გახდა, დაეცვა თავი აშშ-ის „თვითნებობისა და კაპრიზებისგან“, რომელმაც საბაზრო ეკონომიკის ფუნქციონირების ყველა პრინციპი დაარღვია.
ყველა ახალი ამბავი
0