მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

უოლესი გადადგა: პრემიერმა თავდაცვის მინისტრის განცხადება დააკმაყოფილა

© Press Service of the MoD of the Russia / გადასვლა მედიაბანკში
  - Sputnik საქართველო, 1920, 31.08.2023
გამოწერა
НовостиTelegram
თბილისი, 31 აგვისტო — Sputnik. დიდი ბრიტანეთის პრემიერ-მინისტრმა რიში სუნაკმა დააკმაყოფილა თავდაცვის მინისტრ ბენ უოლესის განცხადება გადადგომის თაობაზე, იუწყება Sky News.
მანამდე უოლესმა ვრცელი წერილით მიმართა პრემიერს, რომელშიც პოსტზე ყოფნისას ქვეყანაში მიღწეულ წარმატებებზე ისაუბრა და ამასთანავე თანამდებობიდან წასვლის მიზეზებიც განმარტა.

„მე სრულად მესმის თქვენი სურვილი, დატოვოთ თანამდებობა. <...> თქვენ ჩემს ოფისს მადლიერებითა და პატივისცემით ტოვებთ", — ნათქვამია სუნაკის წერილში, რომელიც მთავრობის ვებ-გვერდზე გამოქვეყნდა.

როგორც Sky News ვარაუდობს, რიში სუნაკი დღესვე დანიშნავს ახალ თავდაცვის მინისტრს. საუბარია ყოფილ შინაგან საქმეთა მინისტრ გრანტ შაპსზე, ასევე ყოფილ ტრანსპორტის მინისტრზე, რომელსაც ამჟამად ენერგეტიკული უსაფრთხოების მინისტრის პოსტი უკავია.
უოლესი ბრიტანეთის თავდაცვის უწყების ხელმძღვანელად 2019 წელს დაინიშნა, ბორის ჯონსონის ხელისუფლებაში მოსვლის შემდეგ.
ივლისში გაზეთ Times-თან ინტერვიუში უოლესმა განაცხადა, რომ შემოდგომაზე ბრიტანეთის მინისტრთა კაბინეტში დაგეგმილი ცვლილებების დროს არა მარტო თანამდებობიდან, არამედ პოლიტიკიდანაც აპირებდა წასვლას. როგორც მან თქვა, სურს ნორმალურ ცხოვრებას დაუბრუნდეს და აღნიშნა, რომ სიამოვნებით იმუშავებდა ბარში.
წყარო: Sky News
ყველა ახალი ამბავი
0