იტალიაში ბინების ძარცვისთვის საქართველოს რვა მოქალაქე დააკავეს

© photo: Sputnik / Natalia Seliverstova / გადასვლა მედიაბანკშიიტალიის პოლიცია
იტალიის პოლიცია - Sputnik საქართველო, 1920, 30.08.2023
გამოწერა
НовостиTelegram
თბილისი, 30 აგვისტო — Sputnik. იტალიის პოლიციამ ქალაქ სალერნოში საქართველოს რვა მოქალაქე დააკავა, რომელთაც ბინების ძარცვა ედებათ ბრალად, იუწყება ტელეკომპანია „რუსთავი 2" იტალიურ მედიაზე დაყრდნობით.
იტალიური პოლიციის განცხადებით, დაკავებული არიან ბანდის წევრები, რომლებიც დანაშაულს სჩადიოდნენ 2022 წლის დეკემბრიდან 2023 წლის ივლისამდე პერიოდში. ისინი ქურდავდნენ ბინებსა და სავაჭრო ცენტრებს.
პოლიციამ ჩხრეკის შედეგად 100 ათას ევროზე მეტი ღირებულების ძვირადღირებული საიუველირო ნაკეთობები და საათები ამოიღო, მათ შორის არის 20 ათასი ევროს ღირებულების ყელსაბამი.
პოლონეთში ავტომობილების ქურდობის ფაქტზე ქართველები დააკავეს>>
სოლერნოს კომისრის ჯანკარლო კონტიჩიოს განცხადებით, როგორც აღმოჩნდა, დამნაშავეები ძირითად ინფორმაციას ადამიანების ადგილმდებარეობის შესახებ სოციალური ქსელებიდან იღებდნენ. მან მოსახლეობა გააფრთხილა, არ გამოაქვეყნონ სოციალურ ქსელებში ინფორმაცია და ფოტოები თავიანთი მოგზაურობების შესახებ, რადგან ქურდები ასე იგებენ, რომ ისინი სახლში არ იმყოფებიან.
დაკავებული საქართველოს მოქალაქეების უმრავლესობა ქვეყანაში არალეგალურად იმყოფება, აღნიშნეს იტალიის პოლიციაში.
ყველა ახალი ამბავი
0