https://sputnik-georgia.com/20230824/aiv-inficireba-saqartvelosi-2023-macveneblebi-281617067.html
რამდენი აივ-ინფიცირებული გამოვლინდა საქართველოში 2023 წელს
რამდენი აივ-ინფიცირებული გამოვლინდა საქართველოში 2023 წელს
Sputnik საქართველო
ინფიცირებულთა დიდი ნაწილი საშუალო ასაკის მამაკაცები არიან. 24.08.2023-ს, Sputnik საქართველო
2023-08-24T16:31+0400
2023-08-24T16:31+0400
2023-08-24T20:57+0400
ჯანდაცვა საქართველოში
https://cdnn1.img.sputnik-georgia.com/img/07e5/07/0c/252286413_0:114:3237:1935_1920x0_80_0_0_138f8ff80063aac57ba53e336d2f37c8.jpg
თბილისი, 24 აგვისტო — Sputnik. საქართველოში 2023 წელს აივ-ინფიცირების დაახლოებით 400 ახალი შემთხვევა გამოვლინდა, ნათქვამია ინფექციური პათოლოგიის, შიდსისა და კლინიკური იმუნოლოგიის ცენტრის ინფორმაციაში. მიმდინარე წლის 22 აგვისტოს მონაცემებით, ქვეყანაში გამოვლინდა 393 ახალი შემთხვევა, რაც გასული წლის ანალოგიურ პერიოდთან შედარებით ერთი შემთხვევით ნაკლებია. ცენტრში სულ დაფიქსირებულია 10.170 აივ-ინფიცირებული პირი, აქედან 7.604 მამაკაცია, 2.566 – ქალი. ინფიცირებულების უმეტესი ნაწილის ასაკი 29-დან 39 წლამდეა. ანტივირუსულ მკურნალობას გადის 6.284 ადამიანი, აქედან 41 ბავშვია. ყველაზე მეტი შემთხვევა დაფიქსირებულია თბილისში – 3.830, აქედან 100 ადამიანი სხვა ქვეყნის მოქალაქეა. შემდეგ მოდის სამეგრელოს (1.301), იმერეთის (1.227), აჭარის (1.211), კახეთის (498) რეგიონები. წელს 96 აივ-ინფიცირებულის გარდაცვალება დაფიქსირდა. აქედან 75 მამაკაცია და 22 – ქალი. გასულ წელს ასეთი 139 შემთხვევა იყო. მეექვსე მთელ მსოფლიოში: აივ-ინფექციისგან კიდევ ერთი პაციენტი განიკურნა>>საქართველოში 129 აივ-ინფიცირებული ბავშვია. აქედან 76 ბიჭია და 53 - გოგონა. შიდსის დაავადების პირველი შემთხვევა საქართველოში 1989 წელს დაფიქსირდა. აივ-ინფექცია/შიდსის დიაგნოსტიკა და კონსულტაცია საქართველოში უფასო და ანონიმურია. ადამიანის იმუნოდეფიციტის ვირუსი (აივ) წარმოადგენს რეტროვირუსს, რომელიც აინფიცირებს იმუნური სისტემის უჯრედებს და ანადგურებს ან ასუსტებს მათ ფუნქციას. ადრეულ სტადიებზე ინფექცია უსიმპტომოდ მიმდინარეობს. თუმცა მის განვითარებასთან ერთად იმუნური სისტემა სუსტდება და ადამიანი ოპორტუნისტული ინფექციებისადმი უფრო მოწყვლადი ხდება. შიდსი (შეძენილი იმუნოდეფიციტის სინდრომი) აივ-ინფექციის ბოლო სტადიაა. შეიძლება გავიდეს 10-15 წელი, სანამ აივ-ინფიცირებულ ადამიანს შიდსი განუვითარდება, ამ პროცესის კიდევ უფრო შენელება ანტირეტროვირუსულ პრეპარატებს შეუძლია. აივ-ინფექცია გადაეცემა დაუცველი სქესობრივი აქტის დროს (ანალური ან ვაგინალური), დაინფიცირებული სისხლის გადასხმისას, დაინფიცირებული ნემსების გამოყენების დროს, ასევე დედიდან შვილზე ორსულობის, მშობიარობის ან ლაქტაციის დროს.
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ჯანდაცვა საქართველოში
რამდენი აივ-ინფიცირებული გამოვლინდა საქართველოში 2023 წელს
16:31 24.08.2023 (განახლებულია: 20:57 24.08.2023) ინფიცირებულთა დიდი ნაწილი საშუალო ასაკის მამაკაცები არიან.
თბილისი, 24 აგვისტო — Sputnik. საქართველოში 2023 წელს აივ-ინფიცირების დაახლოებით 400 ახალი შემთხვევა გამოვლინდა, ნათქვამია ინფექციური პათოლოგიის, შიდსისა და კლინიკური იმუნოლოგიის ცენტრის ინფორმაციაში.
მიმდინარე წლის 22 აგვისტოს მონაცემებით, ქვეყანაში გამოვლინდა 393 ახალი შემთხვევა, რაც გასული წლის ანალოგიურ პერიოდთან შედარებით ერთი შემთხვევით ნაკლებია.
ცენტრში სულ დაფიქსირებულია 10.170 აივ-ინფიცირებული პირი, აქედან 7.604 მამაკაცია, 2.566 – ქალი. ინფიცირებულების უმეტესი ნაწილის ასაკი 29-დან 39 წლამდეა.
ანტივირუსულ მკურნალობას გადის 6.284 ადამიანი, აქედან 41 ბავშვია.
ყველაზე მეტი შემთხვევა დაფიქსირებულია თბილისში – 3.830, აქედან 100 ადამიანი სხვა ქვეყნის მოქალაქეა. შემდეგ მოდის სამეგრელოს (1.301), იმერეთის (1.227), აჭარის (1.211), კახეთის (498) რეგიონები.
წელს 96 აივ-ინფიცირებულის გარდაცვალება დაფიქსირდა. აქედან 75 მამაკაცია და 22 – ქალი. გასულ წელს ასეთი 139 შემთხვევა იყო.
საქართველოში 129 აივ-ინფიცირებული ბავშვია. აქედან 76 ბიჭია და 53 - გოგონა.
შიდსის დაავადების პირველი შემთხვევა საქართველოში 1989 წელს დაფიქსირდა. აივ-ინფექცია/შიდსის დიაგნოსტიკა და კონსულტაცია საქართველოში უფასო და ანონიმურია.
ადამიანის იმუნოდეფიციტის ვირუსი (აივ) წარმოადგენს რეტროვირუსს, რომელიც აინფიცირებს იმუნური სისტემის უჯრედებს და ანადგურებს ან ასუსტებს მათ ფუნქციას. ადრეულ სტადიებზე ინფექცია უსიმპტომოდ მიმდინარეობს. თუმცა მის განვითარებასთან ერთად იმუნური სისტემა სუსტდება და ადამიანი ოპორტუნისტული ინფექციებისადმი უფრო მოწყვლადი ხდება.
შიდსი (შეძენილი იმუნოდეფიციტის სინდრომი) აივ-ინფექციის ბოლო სტადიაა. შეიძლება გავიდეს 10-15 წელი, სანამ აივ-ინფიცირებულ ადამიანს შიდსი განუვითარდება, ამ პროცესის კიდევ უფრო შენელება ანტირეტროვირუსულ პრეპარატებს შეუძლია.
აივ-ინფექცია გადაეცემა დაუცველი სქესობრივი აქტის დროს (ანალური ან ვაგინალური), დაინფიცირებული სისხლის გადასხმისას, დაინფიცირებული ნემსების გამოყენების დროს, ასევე დედიდან შვილზე ორსულობის, მშობიარობის ან ლაქტაციის დროს.
