„კეტამინის“ შემოტანა საქართველოში: უცხო ქვეყნის მოქალაქეს პატიმრობა შეეფარდა

© photo: Sputnik / Stringerთბილისის აეროპორტი
თბილისის აეროპორტი - Sputnik საქართველო, 1920, 23.08.2023
გამოწერა
НовостиTelegram
დაკავებულის ადვოკატი აცხადებს, რომ მისი დაცვის ქვეშ მყოფს ფსიქოტროპული ნივთიერების შესახებ ინფორმაცია არ ჰქონდა.
თბილისი, 23 აგვისტო — Sputnik. უკრაინის მოქალაქეს, რომლის ჩანთაშიც ქართველმა მებაჟეებმა განსაკუთრებით დიდი ოდენობით ფსიქოტროპული ნივთიერება „კეტამინი“ აღმოაჩინეს, აღკვეთის ღონისძიების სახით პატიმრობა შეეფარდა, იუწყება ტელეკომპანია „იმედი“.
თბილისის საერთაშორისო აეროპორტში განსაკუთრებით დიდი ოდენობით (9,3 კგ) ნივთიერება უკრაინის მოქალაქის კუთვნილი ბარგისა და ხელბარგის დეტალური დათვალიერების შედეგად იქნა აღმოჩენილი. „კეტამინი" სამალავში 3 შეკვრად დაფასოებულ პოლიეთილენის შეფუთვებში იყო მოთავსებული.
დაკავებულის ადვოკატი აცხადებს, რომ მისი დაცვის ქვეშ მყოფს ფსიქოტროპული ნივთიერების შესახებ ინფორმაცია არ ჰქონდა, რადგან მას მხოლოდ ჩემოდნის გადმოტანა სთხოვეს. დაკავებული დედაქალაქში სტამბული–თბილისის ავიარეისით ჩამოვიდა, იუწყება ტელეარხი.
ყველა ახალი ამბავი
0